انا عايز اتعلم من اهل الخبره

**oraby2000** · 04-06-2009 03:20 PM

انا اشتريت عربيه 128 موديل87 وانا وخديه من واحد محافظ عليه جدااااااااااااااااا ونفسى انا كمان احافظ عليه بس دىه اول مره اركب عربيه من الاساس يعنى لسه بتعلم نفسى اتعلم كل حاجه فى العفشه والميكانيكا والكهرباء ومعرفه كل صغيره وكبيره عن العربيه نفسى حد يسعدنى وشكراااااااااااااا

**ahmedzizo131** · 04-06-2009 08:04 PM

اعملها صيانة دورية كل فترة قصيرة و متبخلش عيها فى المصاريف و قطاع الغيار

**galilio_mad** · 04-06-2009 08:58 PM

لو عايز تتعلم بجد , اى صنايعى تروحله تقف على ايده و تراقبه كويس و تكرهه فى عيشته من الاسئله
انا عن نفسى الاول كنت باعمل كده عشان اتعلم و لسه باعمل كده بس عشان اشوفه شغال صح ولا بيكروت
و مع انى و الحمد لله تقريبا باعمل كل حاجة فى العربية بس لسه باتعلم برضو :)

اهم حاجة فى القصة دى انك تحب العربيه و ما تبخلش او تهمل فى الصيانه
يعنى لو حسيت باى تغيير فى العربيه فى اى حاجة مش عيب ابدا تروح لصنايعى حتى لو حاجة تافهة جدا

ربنا يوفقك و يباركلك فى العربيه و يكفيك شر الطريق

**Ashraf_Ashraf** · 04-06-2009 09:00 PM

الف الف مبروك وربنا يسعدك بيها
راى اول شئ اقرا كتير فى المنتدى هتلاقى موضوعات كتير قوى هتديكى خبره ومعرفه تكمل بالمتابعه الدائما لكل صنايعى بيشغال فيها
وربنا يوفقك

**Drift_Lover** · 04-06-2009 09:05 PM

يعنى لسه بتعلم نفسى اتعلم كل حاجه فى العفشه والميكانيكا والكهرباء ومعرفه كل صغيره وكبيره عن العربيه نفسى حد يسعدنى وشكراااااااااااااا

ماتقلقش حتتعلم كل حاجه واحده واحده وبالبحث طالما انت غاوي.

بالنسبة للمحافظة علي السيارة

الصيانات الدورية (غيار الزيت والفلاتر والسيور وشداد الموتور وكراسي الموتور والفتيس )
وخليك حريص ان العربيه دايمآ تفضل نظيفه من بره ومن جوه علشان ماتكرهاش وتفضل حاببها وبالتالي ماتبخلش عليها بحاجه.
ولو فيها اي نواقص كملها.
وماتبخلش في قطع الغيار واستعمل دايمآ قطع الغيار الجديدة المعمره وسيبك من الاستيراد. ال 128 كل حاجه موجوده ليها جديده.

والف مبروك وربنا يعطيك خيرها ويكفيك شرها.