الطريق الي المعمورة ـ الاسكندرية ـ صحراوي

**abuanas** · 04-06-2009 05:28 PM

السلام عليكم
اخواني الاعزاء
اريد الذهاب الي الاسكندرية ـ المعمورة عن طرق الصحراوي
ارجو الشرح بالتفصيل ... لم اذهب الي الاسكندرية بالسيارة من قبل
وياريت لو الشرح يكون بالرسم أو الخريطة ... معلش مستعجل مسافر فجر السبت

وجزاكم الله خيرا ... السلام عليكم

04-06-2009 05:52 PM

الموضوع إن شاء الله مش محتاج رسم خالص
بعد ما توصل و تعدي بوابة دخول إسكندرية بسلامة الله تفضل ماشي على الطريق مسافة 35 كم تقريبا
تلاقي كارفور شمالك و تلف مع العربيات منعطف شمال (عند كارفور) كمل طوالي تلاقي الطريق ماشي من تحت كوبري له مطلع (يمينك) ملكش دعوة بيه خليك طوالي .
خليك بعد الكوبري ده محضن شمال لطلوع الكوبري التالي , بعد منزل الكوبري خليك برضه طوالي و خليك شمال علشان تنزل النفق التالي .
طوالي بعد الخروج من النفق تقابلك أشارة بعدها طوالي تلاقي إشارة تانية بعدها تلاقي الكورنيش كده كده حتنزل يمين و خليك طوالي مسافة حوالي 20 كم .
نهاية الكورنيش الشارع رايح يمين (عند شيراتون المنتزة) كمل و عدي من تحت كوبري القطر و لف الصينية و إنزل شمال تلاقي سور قصر المنتزة شمالك .
مع نهاية السور أدخل شمال من صينية صغيرة .
حمد الله على السلامة .

**abuanas** · 04-06-2009 07:22 PM

المشاركة الأصلية كتبت بواسطة col. Eng. Khaled

الموضوع إن شاء الله مش محتاج رسم خالص

المشاركة الأصلية كتبت بواسطة col. Eng. Khaled

بعد ما توصل و تعدي بوابة دخول إسكندرية بسلامة الله تفضل ماشي على الطريق مسافة 35 كم تقريبا

تلاقي كارفور شمالك و تلف مع العربيات منعطف شمال (عند كارفور) كمل طوالي تلاقي الطريق ماشي من تحت كوبري له مطلع (يمينك) ملكش دعوة بيه خليك طوالي .
خليك بعد الكوبري ده محضن شمال لطلوع الكوبري التالي , بعد منزل الكوبري خليك برضه طوالي و خليك شمال علشان تنزل النفق التالي .
طوالي بعد الخروج من النفق تقابلك أشارة بعدها طوالي تلاقي إشارة تانية بعدها تلاقي الكورنيش كده كده حتنزل يمين و خليك طوالي مسافة حوالي 20 كم .
نهاية الكورنيش الشارع رايح يمين (عند شيراتون المنتزة) كمل و عدي من تحت كوبري القطر و لف الصينية و إنزل شمال تلاقي سور قصر المنتزة شمالك .
مع نهاية السور أدخل شمال من صينية صغيرة .
حمد الله على السلامة .

جزاكم الله خيرا يا باشمهندس خالد

بس انا سمعت ان فيه طريق دائري يوصل للمعمورة واسهل من الكورنيش

04-06-2009 09:47 PM

هو في الطريق ده طبعا بس خايف مكونش دقيق في وصفه و تدعي عليا في الآخر

**elrasy** · 04-06-2009 11:32 PM

فى طريق تانى غير الكورنيش ,,,ما تدخلش شمال مع العربيات عند كارفور امشى طوالى وهتلاقى علامات ارشادية طول ما انتى ماشى وفى اخر الطريق هتلاقى نفسك امام المعمورة.