العربية بتبطل بدون سبب منطقى !!!!!!

**محمد جلال** · 05-06-2009 12:41 AM

[fot1] بسم الله الرحمن الرحيم[/fot1]

[gdwl] معايا عربية لادا 2105 مو 92 لسه عاملها عمرة محرك كاملة ومغير بطارية المهم عملت معايا حركتين ملهمش لازمة وانا ماشى وباخد يوتيرن راحت مبطلة واحاول ادور بتلقط بس مبتقومش لمدة 5 دقائق رحت نازل وزقايقها . واحد بميكروباص وقف ونزل يبص عليها ركب وراح مدور واشتغلت ولا كان فى حاجة وتانى مرة تحت البيت رحت مشاويرى بيها الصيح زى الفل باليل نزلت ادور مفيش المرة دى سبتها شوية ورجعت دورت اشتغلت من فترة رحت للكهربائى وقالى عايز اغير مارش بس مش قريب والعربية بقالها 4 شهور من ساعة العمرة وزى الفل وكل يوم بتدور علطول يا ريت لو حد عنده اى تفسير منطقى ياريت يقول وربنا يسهل ونلاقى لها حل.[/gdwl]

[fot1]وللجميع تحياتى وشكرى[/fot1]

**samirayad** · 05-06-2009 12:52 AM

وانا ماشى وباخد يوتيرن راحت مبطلة واحاول ادور بتلقط بس مبتقومش لمدة 5 دقائق

لو فى المره دى ....بطلت وأنت رافع رجلك من على البنزين ( يبقى بيك السلانسيه عاوز يتنضف ).............وممكن تكون البوبينا بتفصل لما بتسخن

**Ashraf_Ashraf** · 05-06-2009 01:18 AM

اعتقد اول مره العربيه شرقت منك لانك اكيد فضلت تدوس لها بنزين علشان تدور
والتانى اعتقد كانت وساخه بك

**mido01050** · 05-06-2009 04:22 AM

غير ابلاتين و كوندنسر و جربها شوية كده شوف ايه الأخبار هتروح المشكلة و لا لأ

**محمد جلال** · 06-06-2009 06:28 PM

شكراً للجميع على الردود والمشاركة واسف المشكلة طلعت حاجة تانية خالص طلعت فى الخرطوم اللى خارج من فلتر البنزين كان اطول من اللازم وكان منثنى جامد وقطعت الجزء الزيادة وبقا مفرود وراحت المشكلة شكرى وتحياتى للجميع واسف على تعبكم .