الموضوع: مساعدة يا خبرة اللانسراوية

ينهار ابيض ولا رد

هو على العموم الحمد لله انا اتجرأت وعملتها وفتحت التابلوه بس بعد ما أخدت على اخويا تعهد بانى مش مسؤل على اى تلفيات ممكن تحصل بس طلع سهل ومفهوش اى حاجة وشلت اللمض المحروقه وحجيب غيرها ان شاء الله وحبقى اصورهالكوا ازاى بيتفتح لما اجى اركبها ان شاء اللهعلى يوم الجمعة القادم بإذن الله

دى طريقة فتح تابلوه اللانسر 98
1- فك المسامير فى الشكل رقم واحد


2- نزل الدركسيون لأسفل ، ثم أخرج الاطار
وبعد ذلك ستجده بهذا الشكل



3-يوجد4 مسامير فكهم وبعد ذلك يكون التابلوه حر ويمكن فصله كلية لكن وانت بتيجى تخرجه حتلاقيه ممسوك فى حاجة من الخلف وخاصة فى الاعلى بسه شده شدة خفيفة حتسمع صوت تكة لا تقلق لانه موصل من الخلف ب2 جاك زى بتوع الهارد مثلا بس على كبير شوية
بعد متسمع صوت التكة متشدش التابلوه لبره لانه لسه فيه جاك تانى متوصل بيه من اسفل من ناحية الشمال حاول تدخل ايدك من ناحية الشمال عشان تعرف تفصله وبكده يبقى انت فصلته خالص ودى صورته بعد الفصل


زى مشفت فيه اتنين جاك كانو متوصلين بيه رقم واحد ثابت فى مكانه عشان كده قلت لك شد التابلوه بالراحة لغايه ماتسمع التكة يبقى انت كده فصلته وهو من فوق زى ماهو ملاحظ
والجاك التانى دا متحرك لكن قصير فلازم تدخل ايدك من ورا ناحية الشمال عشان تعرف تفصله
كما هو موضح فى الصورة التالية


ودى صورة التابلوه من الخلف

طبعا رقم واحد واتنين دول الاماكن اللى انت بتدخل فيهم الجاكات بتاعة الكهرباء ورقم 3 دى عبارة عن اللمض بتلفها عكس عقارب الساعة عشان تطلعها للخارج بكل سهولة
وبعد محطيت اللمض فى مكانها بدخل التابلوه مرة تانية لمكانه بس بالمقلوب وبعدين الفه كما هو موضح



الاول بتدخله فى مكانه لغاية ميبقى خلف الدركسيون تماما وبعد ذلك لفه وانت بتخش بيه للداخل حيخش معاك بكل سهوله

وبعد ميدخل لجوه اضغط عليه من فوق بالراحة لغاية متتاكد انه مسك فى الجاك اللى فوق رقم 1
وبعدين دخل ايدك من ناحية الشمال برضه عشان توصل الجاك التانى بيه(دى كانت ارخم حتة وعايزه شوية صبر لانك مبتبقاش شايف حاجة وبتعتمد على احساسك)
وبعد متتأكد انه بقى ثابت بالجاكين ظبطه لغاية ميثبت تماما وحتلاحظها فى الصورة القادمة



هى الصورة مش موضحة المكان بس هى من يمين التابلوه من اسفل (أتأكد ان العمود الصغير دخل فى الفتحة الصغيرة اللى فى التابلوه ) من اليمين والشمال ايضا كده يبقى انت ثبت التابلوه مظبوط وبعدين ركب المسامير بتاعته وبعدين ركب الباغة واتاكد وانت بتركبها كما فى الصورة القادمة




كما هو موضح فيه 2 سن رفيع فى منتصف الباغة من اعلى وانت بتثبتها ابقى دخلها فى الفتحة بتاعتها

ثم ركب اخر مسمارين ورجع الدركسيون لأعلى ثانية

وكده بس بكل سهولة

معلش لان الصور ممكن تكون مش واضحة لأن الكاميرا بتاعة الموبايل ضعيفة شوية

اهم حاجة وانت بتفك او بتركب يكون بالراحة وبهدوء وبصبر (خاصة وانت بتركب الجاك التانى ) ولو معرفتش واتضايقت سيبه وابقى ارجع فى وقت تانى وكمله لكن الموضوع بسيط وسهل

بس كما قلت دى على للانسر 98 كربراتير اوتوماتيك لانى معرفش ان كانت الموديلات التانية نفس الشكل ولا لأ

المشاركة الأصلية كتبت بواسطة nokian70

يا باشا متشكرين على الموضوع الجامد دة بس فى ملحوظتين عايز أستفسر عنهم انا معاية لانسر 99 مانيوال
أولا لمبة الحرارة و الحزام و البنزين دول مش بينور أصلا مع انى غيرتهم بس مافيش فايدة و لما سألت عرفت ان البنزين مش بينور الأ لما يفضى التنك ياعنى مش من أول مادور العربية زى لمبة البطارية لأن فى الغالب ان عداد البنزين مش بينزل على الصفر زى باقى العربيات والله أعلم بس انا عندى كدة
ثانيا عايز أقلك ان انا فكيت العداد قبل كدة وكان الكابلين متسبتين زى بعض بس انت لما فكيت الكابل الشمال خرج من مكانو بس هو متثبت زيوا زى اللى فوق

لمبة البنزين فعلا مبتنورش لما تشغل الكونتاكت لان مؤشر البنزين بيشتغل مع الكونتاكت على عكس لمبة البطارية اللى بتنور لما تشغل الكونتاكت بس لان الدينامو ساعتها بيكون واقف مش شغال عشان كده اول مبتدور العربية بتنطفى لوحدها لان الدينامو بيشتغل ساعتها
بالنسبة للمبة الحزام هى كانت قايدة بس اتحرقت لان اخويا مكانش بيلبس الحزام فبتنور باستمرار بس لما جبت لمبة جديدة بقت تنور تانى ، ممكن تجرب لمبة تانية الاول قبل ان تكشف على التابلوه

بالنسبة للكابل الشمال انا برضه استغربت لانى لقيته مش مثبت بس هو تقريبا التابلوه اتفتح قبل كده لان العربيه شارينها مستعملة ولانى لقيت كلبس من الكلبسات مكسور

استفسار اخير بقى هو انت لقيت المانيوال بتاعة العربية دى ولا لا انا كنت عارف انك كنت بدور عليه زى ( هى العربية دى نزلت من غير مانيوال ولا ايه)