الموضوع: للشعر .. والشعراء ..ومحبيه

انا مبسووط جداً بالموضوع ده وبجد أعجابى بالمنتدى كل يوم بيزيد ...
انا قريت كل اللى مكتوب تقريباً وبالنسبه للأستاذ سامح ..كلامك جميل بس تقيل شويه
والاستاذ زياد .ز قصيده متى ابوح كلامها جامد بجد
والاخت بسكوته .. مفيش احسن من كلام القلب حتى لو ملوش وزن .. إستمرى

وعلى فكره الشعر لما يتقرى غير لما يلقى .. لأن انا ممكن اقرى كلام كتير وافهمه بمعنى تانى .. والبركه فى الفرانكو إللى مخلينا بنكتب نص الكلام غلط

انا بكتب بس بالعاميه ... ومنشرتش اى حاجه فى منتدى فبل كده (مكنش عندى الشجاعه) بس بما أنكم شجعتونى .. فأنا لازم انزل حاجه هنا
.........

فكر قبل ما تيجى تدوس



نفض كبر أرغى ودوس عيش فى خيال تلاقيه محسوس

.. هيس وفرح حب بنات قبل ما تصبح تلقى كبوس

.. ايوه ده حلم ونفسك فيه بس الحب ده فين تلاقيه

. يمكن تلعب تخدع .. اه .. بس تحب يكون الله شايفك تلعب وبتتمختر؟

قبل ما تشرب فكر اكتر يمكن قبل ما تيجى تدوس رجلك تهوى ويبقى كبوس

ميت شارب وسط بنات نفسك ترجع تمحى حجات, تسجد تركع قبل الموت

بس ده حلم فأخره سكوت .. مت خلاص والروح سيباك

.. قبرك نادى بيستناك وملك واقف ينده ليك انت عملت وزنب عليك

.. لازم تدفع وبحسرات راح تستنى ليوم الدين

.. زنبك توهت وذكر نسيته حتى صلاته زيارة بيته

.. رزقك اهل وصحه ومال جيت بوقاحة عبد عصيته ..

إللى بيكتب أكيد عارف إن الحاله المزاجيه والمناخ المحيط .. ليهم دور كبير اوى فى الكلام اللى بيتكب
وانا بصراحه كتبت الكلام ده بفضل الاخت مسلمه
وموضوع "حكيات البشر" إللى بجد كل حرف فيه أثر فيا و فى معاملتى اليوميه .

مستنى رأيكم