تسمحلي يا بشمهندس .. أضيف حاجات .. تنفع المبتدئين من السيدات
بالنسبة لي ... أول ما بركب
أكشف على المياه .. ومنسوب الزيت ... وأشيك على الاربع عجلات
أركب العربية ... أمور العربية .. وده بقيت أعمله أول ما أركن عشان تكون جاهزة مع الطالعة التانية..
أنزل فرامل اليد .. لإني ممكن أتحرك بيها وأنساها ...
ألبس الحزام حتى ولو مسافة صغيرة .. عشان التعود عليه .. وبعده الجوانتي .. ( مهم قوي للسيدات مع الشمس )
أدور العربية ... أسخن شوية ... أبدأ أتحرك ... على الهادي ...
وبعد ما أشبع الغيار الأول أجيب التاني ... وأمشي بالتاني شوية مش بدووس علطول في السريع إلا مع الطرق العمومية السريعة.
باعطي إشاراتي يمين او شمال قبلها من 100 إلى 200 متر للاحتياط ..
قبل المطب أو لما ألاقي العربيات بعيدة عني وبتفرمل .. أدي فرامل من بعيد ... زيادة أمان .. عشان لو الفرامل فيها حاجة يكون فيه مسافة أتصرف فيها قبل ما اتصدم واعرف اتحكم بالعربية .. ( وده طبعا درس اتعلمته بعد حادثة هروب الفرامل ).
قبل أي يوترن بهدي وإشارة وأجيب تاني ... أفضل آخد اليوترن على التاني عشان دوران العربية أعرف اتحكم فيه ... وبعد ما اعدل الاتجاه وأمشي شوية مرتاحة .. أجيب تالت والسرعات الممكنة
تركيزي دايما على المراية الشمال وإللي في النص اكتر
مؤشر السرعات بقيس بيه احتياج العربية للسرعات
والحرارة عيني عليه علطول .. حتى ولو متأكدة من منسوب المياه
والبنزين بكون حريصة قبل الخمسة لتر الأخيرة أكون مفولة
طبعا عرفت من الافضل أفول العربية في الصباح الباكر قبل الحر عشان أضمن كثافة البنزين .. أو بالليل متأخر
بفضل الحارة التي تلي اليمين .. لإن الشمال للسريع .. وساعات بيسربعو الواحد حتى ولو ماشي سريع بردو عاوزيين يسبقو ... واليمين .. مصيدة وقوف متكرر للميكروباصات والاتوبيسات ..
وقبل اليوترن المطلوب آخد اتجاهه ولو بكيلو متر أو أقل ... عشان ما أكسرش عليه فجأة ..
يا ترى بعرف أسووق واللا إيه ...
في انتظار دعمكم الفني ...
المفضلات