بسم الله
يا جماعة ممكن تقوللي جتا خليجي ولا توكيل يعني خليجي كومفورت ولا توكيل و category أقل و إيه هي عيوب الخليجي لو جبتها من جابر عبد الشهيد
thnxx all so much
عرض للطباعة
بسم الله
يا جماعة ممكن تقوللي جتا خليجي ولا توكيل يعني خليجي كومفورت ولا توكيل و category أقل و إيه هي عيوب الخليجي لو جبتها من جابر عبد الشهيد
thnxx all so much
خليجى ياباشا ....التوكيل مش تمام و العربيه ماشاء الله مفيهاش مشاكل ميكانيكيه
thnxxx sooo much
أنا بردو شايف كدا بس بشوف رأي الناس إلي بتفهم أكتر مني :D
انا كنت فى نفس الحيره دى و اشتريت خليجى من شهرين كده
الله يباركلك فيها يا باشا بس ممكن أعرف جبتها من مين وكويس ولا لأ !
[overline]انا كنت امس بالتوكيل للصيانه وكان عندى كام مشكله فى العربيه كالاكس مش مضبوط الصوت و التكيف مش اد كده
ده بخلاف الصيانه
الصيانه اتعملت و طقم الكلاكس اتغير (مجانا فى الضمان )و التكيف اتنضف الفلتر و عملو ليه حاجه اسمها عكس دوره قبل التزويد (تضبيط التكيف 56 جم اضافى)
الناس محترمه جدا وذوق وشياكه فى التعامل وانت ماشى كمان بالسلامه علبه مناديل و معطر هديه فأنا مش عارف ليه الكل بيقول التوكيل سىء يمكن السبب وراء الاشاعه دى اللى شارى عربيه خليجى لما بيروح التوكيل بيدفع 100-150 جم زياده على الصيانه الله اعلم
وتعليقى اخى اسلام ان الاعطال و المشاكل ليست فقط ميكانيكيه ومهما كانت سيارات فولكس محترمه فلازم يكون فى عامل الخطأ الفنى و البشرى فى اى حاجه غير الموتور (طقم كلاكس الباسات غالى ومدفعتش ولا مليم)
و زى ماقلت قبل كده واحد بلجيكى (فى بلجيكا طبعا) معاه فولكس ديزل بعد سنتين و 45 الف كيلو متر الموتور باظ و فولكس غيرت الموتور بالكامل بدون دفع ولا مليم
يبقى الموضوع وردى على صاحب السؤال انت اللى لازم تقرر كماليات زياده و ونفس السعر و بدون ضمان حقيقى و لا كماليات اقل ونفس السعر وبضمان حقيقى
واللى هتدفعه فى الصيانه فى التوكيل هو اللى هتدفعه بره مع فرق المعامله و المكان اللى انت مستنى فيه لغايه عربيتك ما تخلص و غيره
وفى الاخر زى ماقلت ده قرارك انت مش احنا
[/overline]
ياعمو اشترى من توكيل بلدك ..........اى مشكله وانت خليجى تتعبك على الفاضى .... كفايه لما تفصل البطاريه تجى تشغل الراديو يقول لك باص ورد وسعادتك تروج للتاجر او الموزع تلاقيه بيهرج ومش فاضى لك طبعآ وبيكشر فى وشك لآن المصلحه انتهت وبكل وقاحه يقول روح للوكيل!!!!! وقبل ماتشترى يقول لك احنا افضل من الوكيل وارخص وياحدك فى قصص الاسعار
انا من راى الخليجى ال tsi
أعتقد أن التوكيل أفضل بكثير. تعاملت معهم عدة مرات و الناس فى غاية الذوق و الأحترام. يكفى أحساسك بالأطمئنان انه عند حدوث أى مشكلة (خاصة بعيوب التصنيع) طوال فترة الضمان كل شىء سيتم أصلاحه بالمجان ، أنما الخليجى لو اكتشفت مشكلة ما بعد أستلامك العربية فماذا ستفعل؟؟؟!!!
صدقت يا اخى الكريم ... وماذا سيفعل سيقول له روح للتوكيل وسيقول له انا واخد السيارة منك سيقول له اعلى مافى خيلك اركبه انت دفعت فلوسك وانا سلمتك عربيه ومعندكش حاجه عندى ... وعلشان كدة التوكيل يا اخونا اقسم بالله ضمان ضمان لو 5000 جنيه زيادة فرق .. السيارات الان ليست سيارات الامس كلها بها تكنولوجى ومش بالسهل الاسطى فلان او علان يضرب فيها مفك .... يا اخونا للمرة المليون التوكيلات واتركوا تجار الشارع مهما كان اساميهم فهم فى النهايه موزعيين فقط ومصالح لكسب الاموال فى جيوبهم فقط
ياترى حد اشترى بضمان عبد الشهيد او يعرف حد؟؟؟ الموضوع ده مهم فعلا.........
اعتقد لازم تطلب فانورة حتى لو دفعت فلوس زيادة ..ساعتها جهاز حماية المستهلك ممكن يساعدك فى حالة حدوث مشاكل ...الفاتورة هو ضمانك بالاضافة الى الضمان المكتوب بتعهد من جابر عبد الشهيد...
What's the meaning of HYNDAI ?,hahahahah
أخي الفاضل
إمبارح كنت في ورشة تصليح فولكس في الهرم
وصدمت جدا لما لقيت عربية جيتا 2009 بالمشمع بتاعها والفرش بأكياسه وأعتقد انها ما عملتش 1000 كم
الموتور مش موجود ووش العربية بالكامل مفكوك
ولما سألت عرفت أن صاحبها ماشي بيها ومرة واحدة الموتور "قفش" والكارتيرة اتكسرت
وهما فاكين العربية وبعملولها عمرة !!!!!! تخيل !!!!
وليك حرية الإختياااااااااار !
طيب لو القصة دى سببها عيب تصنيع... ليه مراحش التوكيل و رما العربية فى وشهم؟؟؟
MMamdouh
دا يبقى توكيل بيهرج
اصل الراجل مش رايح بالعربية مخبوطة ولا انقصة قطعة... دا موتور قفش و مات... يعنى عيب صناعة وش
MMamdouh
ماهو ده زي ما توكيل هيونداي نزل أرقام شاسيهات للـ النترا 2006 وقال ان العربيات دي مش جاية عن طريق التوكيل وغير مطابقة للمواصفات المصرية وإحنا مش مسؤولين عن أي أضرار تحصل لمستخدميها
دا لما حصل أعصار توسنامى وغرق فى البحر مجموعه عربيات وبعد كده شركات التأمين طلعتها من البحر وظبطتها وبعتها لبعض التجار على أنها لوط قطع غيار والبشوات لعبو فى الورق ودخلوها خليجى وباعوها
للناس وأترخصت
انا يا جماعة محتار في نفس الموضوع
الخليجي :فية فئات كتير و ارخص و الواحد بيقول دي الماني و ياما ناس ماستخدموش الضمان و كولو نصيب
الوكيل : 3 فئات بس و ضمان وبرضو الواحد في مصر و يما شاف حركات مش حلوة
؟؟؟!؟؟!؟!؟!؟
بجد هتجنن
أنا سمعت أن الجيتا الخلجيى فيها مشكلة فى طرمبة البنزين بس أنا شايف أن الجيتا الخلجيى أحسن من التوكيل
انا ليا راى متواضع احب اقوله
الناس بتقول العربيه ديه صناعة المانى (تقفيل برازيلى او مكسيكى مش مهم لان معظم الاجزاء المهمة بتتصنع فى المانيا) و ده معناه ان الجودة هايلة و احتمالات الاعطال نتيجة عيوب الصناعة قليلة خصوصا ان فى كواليتى كونترول و تيست بيتعمل على كل عربية قبل ما تخرج من المصنع. و بالتالى الخليجى افضل لانه كماليات اكتر بنفس سعر التوكيل و الضمان مش مهم عشان العربية مش هاتبوظ.
انا اختلف جدا مع الكلام ده للاسباب دى :
-شركات كتير عالمية (بما فيهم بى ام و مرسيدس اللى محدش يختلف على جودتهم) اعلنت عن اكتشاف بعض عيوب الصناعة فى عربياتهم و كانوا بيصلحوها للى اشترى بالعيب. ده معناه ان احتمال وجود عيوب فى الصناعة وارد و ده اللى بيخلى ضمان الوكيل مهم جدا لان التوكيل مش هايصلح الخليجى و المعرض اللى انتا جبتها منه ميعرفش يعملك حاجة الا لو وداها التوكيل بتاعها فى الخليج يصلحوها و يرجعهالك و ده هايتكلف كتير و محدش هايرضى يعمله
-العربيات ده معقدة و فيها تكنولوجيا متطورة. لو حدث عطل لا سمح الله (وده وراد) مش سهل انك تروح لماكنيكى يععملهالك و خلاص لانه مش هايفهم فيها حاجة. تخيل انك قمت الصبح دورت عربيتك لقبت لمبة abs نورت (معناهها ان فيه مشكلة و لازم تكشف) هل تقدر تروح لاسطى بليه يكشفلك عليها ؟ طبعا لا مفيش احسن من التوكيل اللى فيه مهندسين واخدين دورات فى صيانة الحاجات دى
-المعرض اللى بيبيعلك خليجى ويقولك انه هايديك ضمان بيوديك لورشة (ياما بتاعته ياما متعاقد معاها) و طبعا مصاريف تغيير قطع الغيار(لو فيها عيوب صناعة) بيتحملها هو و بالتالى مش هايرضى يغيرهالك بسهولة. التوكيل بقى بيرجع قطع الغيار اللى فيها عيوب صناعة للشركة الام و مابيدفعش فيها فلوس و بالتالى مش خسران حاجة انه يغيرلك قطع غيار معيوبة باخرى سليمة.
-العربيات الخليجى بتختلف فى المواصفات على حسب البلد اللى جايه منها (السعودية ولا الكويت ولا قطر الى اخره) بعض المواصفات مش بتكون مناسبة لمصر (كلنا عارفين قصة اللانسر الخليجى اللى بيقولو ان لازم تحطلها بنزين 95 ده غير العربيات الاوكتافيا اللى جاية بمواصفات اوروبى و لازم تعدلها دورة التبريد لانهم هناك مش مصصمينها تتعامل مع درجات حرارة عالية زى اللى عندنا و بيانتها(vin) مش موجودة على الاجهزة بتاعت التوكيل)
انا معاكم ان التوكيلات فى مصر بيغالوا فى تسعير عربياتهم بس هما اضمن من الخليجى و فرق السعر ده انا ادفعه و ابقى مطمن ان اى مشكلة تحصل الوكيل ملزم بحلها
بعد اذنك يا ديجيتال باشا , ممكن تسمع رأي أخر في موضوع الضمان ده :
1- أنا معاك تماما ان شركات كبيرة ممكن تسحب عربية نزلت ووجد بها عيب تصنيع بس احتمالية حدوث ده بنسبة كام و كل كام سنة لما بيحصل والا ايه لازمة الكواليتي كنترول؟. الضمان ميزته الوحيدة في تغيير أيؤ قطعة غيار يظهر بها عيب تصنيع خلال فترة الضمان ببلاش و في الخليجي بتدفع تمنها ده الفرق.
2- توافر قطع الغيار ، تجار الخليجي مش بيستوردوا غير العربية اللي الطلب عليها عالي و بالتالي انتشارها عالي زي ال A5 و الجيتا على سبيل المثال و أكيد حضرتك عارف ان الانتشار الكبير معناه ان سوق قطع الغيار ليها عند المستوردين خارج التوكيل كبير. أنا ممكن أدلك على عشر أماكن لبيع قطع غيار الجيتا مثلا خارج التوكيل و كلها أصلية تماما من مخازن فولكس بانجلترا أو اسبانيا و طبعا مش محتاج أقولك فرق السعر عن التوكيل المحترم كام. على سبيل المثال أشرف الشهابي بشارع دمشق بمصر الجديدة.
3- أعمال الصيانة الدورية و الاصلاحات ، أحب أعرفك ان الاصلاح بالتوكيل ده لزوم الاطمئنان النفسي فقط لأن فيه مراكز خدمة كبيرة متخصصة في السيارات الخليجي و مالكي هذه المراكز مهندسين فاهمين جدا و استقالوا من التوكيل ياباشا و عملوا بيزنس خاص بيهم و هو مركز محترف به نفس أجهزة الضبط و المعايرة الموجودة لدى الوكيل. العبد لله شخصيا بيتعامل مع مركز محمد سمير بجسر السويس و هو من أحسن الناس فاهمي الفولكس تماما ، صحيح المكان مش بشياكة مركز صيانة الوكيل بس لو الشياكة هاتدفعني فلوس زيادة - الضعف كحد أدنى - مع الحصول على نفس المحتوى يبقى موضوع الصيانة لدى الوكيل نفسي فقط.
4- لو أنا في دولة غير مصر الحبيبة تحترم عقليتي و لا أدفع جمارك 55% من ثمن العربية جمارك و ضرائب و خلافه + وكيل محترم برضه بيكسب من 10000-20000 جنيه حد أدنى في كل عربية غير الكماليات الأقل يبقى لازم أوتوماتيك أتعامل مع الوكيل المحلي و لكن في مصر اسمحلي تضمن منين ان التوكيل مش هايقولك على عطل قوي في الضمان أسفين و الله أصل العطل ده سوء استخدام مش عيب تصنيع و الدليل على كلامي أبو الفتوح اللي حكم عليه بغرامة 200000 ألف جنيه لرفضه اصلاح سيارة بها عيوب تصنيع واضحة. بذمتك يا راجل ممكن تلاقي حاجة زي كده عند وكيل محترم من وكلاء الدول الأخرى غير في مصر؟.
أخيرا و آسف للاطالة ، كلمة التوكيل تصلح لأي بلد غير مصر الحبيبة حيث المعايير و القوانين نفسها بتتفسر حسب رغبة المتلقي و حسب قوة الضهر اللي لازم حضرتك تتسند عليه علشان ماتتضربش على بطنك يا باشا.:Oc_sun1[1]:
أنا رأى خليك فى بتاعت التوكيل أفضل لأن الكلام دا ميطمنش أينعم الكماليات أكتر فى الخليجى بس الواحد بيركب عربية مش بيركب كماليات وفى الأول أو فى الأخر صلى أستخارة وشوف ربنا هينورك لأية
تحياتى
A.bmw
سؤال: تخيل انك اشتريت سيارة باسات 2009 ضمان الوكيل2 سنة ..حدث بعد 3 سنوات عطل فى الموتور كبير جدا ويحتاج تغيير.....هل سوف يتحمل الوكيل الاضرار ويبدل الموتور على حسابه....طيب لو حصل اعطال ميكانيكية كبيرة وخطيرة ....من سيدفع التكلفة........افتكر الخليجى والوكيل بعد 25 شهر هيكونوا مشكلة واحدة .....صاحب السيارة هيدفع ويتحمل كامل التكلفة....اية رايكم ان يكون عندك مشكلة والتوكيل يسوف ويؤجل معاك لحين خروج السيارة من الضمان؟؟ الحركة دى متكررة فى توكيلات مصر ...
سيارات الخليجى مواصفاتها محترمة ايضا وقدراتها اعلى .....افتكر لو اخدت الضمانات والفواتير هيكون الامور افضل بكثير.....ولو عربية باسات المانى احتمال المشاكل بيكون اقل بكثير........والعموم التوكيل بيقبل صيانة الخليخى بزيادة شويتين...
يا اخونا اشتروا سيارات توكيل بلدكم ونام وارتاح من قصص واوهام الخليج وتجار فى محلات وشقق فى الشارع هدفهم الربح ... اقسم باله قصص الخليجى وهم وفروق السعر ها تلاقى نفسك تدفعها وفوقها وجع دماغ ومحدش فاضى للقصص دة يضيع فيها وقته وماله
انا عن نفسى اخترت الخليجى الفرق بس فى موضوع عيوب الصناعه خلال فتره الضمان غير كده الموضوع واحد , احيانا بحس بالخوف وانى غامرت فعلا بس برده الناس اللى بتشكى من غبور كتير (انا معايا النترا) وبرده خدوا بالكو ان الكماليات الزياده دى عند البيع مش بتتحط فى الحسبان قوى انت بتتلتزم بسعر العربيه للسنه دى وخلاص