أصدقائي الوهميين..عندك زيهم؟؟؟

السلام عليكم أهالي المنتدي الكرام

كتير مننا بيسمع عن الاصدقاء الوهميين دول بتوع الطفولة:_Alshmokh23[1]:

إيه فاكرينهم؟؟؟؟


انا لحد فترة قريبة كنت فاكرة اني انا المجنونة الوحيدة في العالم لحد مكتشفت ان معظم الأطفال كدا:taz:

بيكون ليهم اشخاص من نسج خيالهم غير موجودين في الطبيعة هم الوحيدين القادرين علي التواصل معهم


من ضمن اصدقائي مثلا كانا ايام الاسبوع...:ma:

بجد بجد..كنت متخيلة كل يوم في شخص له ملامحه الخاصة...كنت مثلا لما حد يسالني بكرة ايه


افتكر دبما اليوم بالشخص الل رسماه لليوم دا واتكلم معاه:satelite:

جنان بجنان بقي

كنت متخيلة أن اليس_ايوا هي بتاعت بلاد العجائب_:innocent: عايشة معايا هنا في البيت وبتكلم معاها كتير


:smartass5::smartass5:دا غير الطلبة اللي كنت بقف ادرسلهم قدام المراية
وتوتي وزعلوتي:gun_smilie::gun_smilie:

:euro::euro:ولا الورق اللي كنت مسمياه باسماء جنود واحارب بيها

أىىىىىىىىىىىى..........ذكريات


الغريب بقي اني سمعت ان الاطفال اللي بيكون ليهم اصدقاء وهميين بيكون ليهم قدرة أعلي علي الابداع


:coffee2::coffee2:حد فيكم كان عنده الظاهرة دي وهو ضغنن؟؟؟


طب ولو حد فوجئ بطفله جي يحكيله عن اصدقائه دول في مواقف حقيقية عارف ازاي يقدر يتعامل مع الموقف

ولا هيسخر منه؟؟:1[1]::1[1]:

مكنش عندى اصدقاء وهميين بس كنت بحب اليس وبلاد العجائب اوى

طيب و ابدعتى فى ايه !!!!
بس كويس انك محتجتيش لدكتور ولا حاجة

موضوع ممتاز بجد
انا بقى عندي فقدان في الذاكرة يعني مش فاكرة اصلا اني كنت طفل
انا حاسس اني جاي من الفضاء مش فاكر اي حاجة ههههههههه

استنو كده
بدأت افتكر

ااااااااه يمكن كان ليا حاجات شبه كده وانا صغير
بس يا خسارة الذاكرة مش مساعدة اني افتكر اي حاجة
بلاش نقلب في الذكريات بقى اصلها مش حلوة

انا مكنش عندي اصدقاء وهميين في الطفولة يمكن لان كان في اصدقاء حقيقين
دلوقت بقه قي اصدقاء وهمين علشان مفيش اصدقاء حقيقين وان كنت بدأت احاول تكوين صداقات
على فكرة يا بسكوتة انا كمان اكتر كارتون كنت بحبه اليس في بلاد العجائب

ايس ممكن ترن عليا تاني لاني شيلت البطارية والرقم اتحذف قبل ما اسجله

حاضر يا قمر من عنيه

كوداك انا لا ابدعت ولا حاجة

دول هماللي بيقولوا مش انا

اقتباس:

---

المشاركة الأصلية كتبت بواسطة msms90421

موضوع ممتاز بجد
انا بقى عندي فقدان في الذاكرة يعني مش فاكرة اصلا اني كنت طفل
انا حاسس اني جاي من الفضاء مش فاكر اي حاجة ههههههههه

استنو كده
بدأت افتكر

ااااااااه يمكن كان ليا حاجات شبه كده وانا صغير
بس يا خسارة الذاكرة مش مساعدة اني افتكر اي حاجة
بلاش نقلب في الذكريات بقى اصلها مش حلوة

---

انت جيت يارمضان:10D5C8~1107::10D5C8~1107:

ههههههههههههه:satelite:

الامتحانات خلصت؟؟؟؟؟؟؟؟

وانا صغير كنت بحب اوى العب انى سواق عربية نقل كبيرة اللى هى ليها اتنين مقطورة

وكنت بحب اوى العب انى تاجر طيور فراخ وحمام وحاجات من دى

وكان ليا صحاب فى خيالى بس من غير ضحك لانى كل ما افتكر ازعل من نفسى اوى

واحد اسمه (( بسيونى )) والتانى اسمه (( ابوالسيد )) وده كان سواق معايا

انما بسيونى الروش طحن صاحبى

بس بجد ايام جميلة مكنش الواحد شايل اى هم والله

أنا كنت دايماً بتخيل نفسى قاعد على ميكروسكوب وفاتح بطن صرصار وبشرح لناس مش موجودين !!! وفى الآخر لما كبرت دخلت علوم فعلاً بس اخدت جيولوجيا وسيبت الحشرات اللى كانت محور أحلام اليقظة عندى

أنا بقى كان طول عمرى نفسى يبقى ليا أخ توأم فكنت بنسج من خيالى الأخ ده و أعد أتكام معاه و أنا لوحدى كأن والدى و الدتى نفسهم ميعرفوش إن ليا أخ و أحكيله على مشاعرى و آخد نصايح منه و أكلمه فى أى حاجة مجنونة أتكسف أتكلم فيها مع حد حقيقى بس أكتر حركة جنان كنت بعملها لما بلعب معاه كوتشينة طبعا كنت بتنرفذ أوى لما أغلبنى بس فى بيتها

اقتباس:

---

المشاركة الأصلية كتبت بواسطة Sameh

أنا كنت دايماً بتخيل نفسى قاعد على ميكروسكوب وفاتح بطن صرصار وبشرح لناس مش موجودين !!! وفى الآخر لما كبرت دخلت علوم فعلاً بس اخدت جيولوجيا وسيبت الحشرات اللى كانت محور أحلام اليقظة عندى

---

صراصيرررر:khd::khd:

اقتباس:

---

المشاركة الأصلية كتبت بواسطة aboelnagah

وانا صغير كنت بحب اوى العب انى سواق عربية نقل كبيرة اللى هى ليها اتنين مقطورة

وكنت بحب اوى العب انى تاجر طيور فراخ وحمام وحاجات من دى

وكان ليا صحاب فى خيالى بس من غير ضحك لانى كل ما افتكر ازعل من نفسى اوى

واحد اسمه (( بسيونى )) والتانى اسمه (( ابوالسيد )) وده كان سواق معايا

انما بسيونى الروش طحن صاحبى

بس بجد ايام جميلة مكنش الواحد شايل اى هم والله

---

ههههههههههههههههههههههههه ههههههههههههههههههههههههه

بسيوني


بجد فطستني مالضحك:36_1_34[1]::36_1_34[1]:

اقتباس:

---

المشاركة الأصلية كتبت بواسطة jisso82

أنا بقى كان طول عمرى نفسى يبقى ليا أخ توأم فكنت بنسج من خيالى الأخ ده و أعد أتكام معاه و أنا لوحدى كأن والدى و الدتى نفسهم ميعرفوش إن ليا أخ و أحكيله على مشاعرى و آخد نصايح منه و أكلمه فى أى حاجة مجنونة أتكسف أتكلم فيها مع حد حقيقى بس أكتر حركة جنان كنت بعملها لما بلعب معاه كوتشينة طبعا كنت بتنرفذ أوى لما أغلبنى بس فى بيتها

---

تصدق بالله...........

والله نفس الحالة كانت عندي

بس اتكسفت اقول:shyy::shyy::shyy:


كنت متخيلة ان لي اخت توأم واسمها مروة كمان....ومسافرة مع بابا_كنت بقنع نفسي بكدا_


وكنت برده بلعب معاها كوتشينة الشايب بالذات...واخرج معاها:36_7_7[1]: واشوط عليها وهي الجون كمان

بس الحمدلله فقت مالصدمة دي خلاص:wink:

ههههههههههههههههههههههههه هههههه
والله موضوع عجيب جدا
بس انا مش فاكر كنت بلعب ازاي وانا صغير
كل اللي افتكره ان مكنش عندي اصحاب ولا كلهم كانو بنات بس

الله ايه الجمال دة!!انتم لسة فاكرين الطفولة؟؟
انا الزهايمر خلانى مش قادر افتكر كلت ايه امبارح!!
الموضوع دة محتاج نحجز عند دكتور يحيى الرخاوى!!محتاجن كام تذكرة؟
http://1.bp.blogspot.com/_ol6TGQHR9s...-madmanBIG.jpg

لا متعملوش حسابي


انا هروحله المستشفي علي طوووووووووووول

hhhhhhhhhhhhhhhhhhhhhhhhhhhhhhhhhhhhhhhhhhhhhhh إيه يا جدعان ده انتو بتتكلموا بجد ولا بتهرجوا :smilielol5::smilielol5:

طبعا معظمنا مر باحلام اليقظة ايا كان تسميتها او اعراضها بس ده فى النهاية نوع من انوع الهسهس واللى ربنا يشفيه بينتهى عند سن او فترة معينة واللى لسة عنده حتلاقيه فى اماكن معروفة فى العباسية والخانكة وغيرهم قاعدين بيبدعوا هناك:44::B4_556::knight:.

يا iceheartedgirl

ده بسيونى كان حبيبى وكان معايا فى كل حتة بروحها

وكنت بلعب وانا صغير لعبية غريبة اوى اوى اوى هو انى اغطى جسمى كله بالبطانية والعب كانى جوه سندوتش وانا مرة مثلا عامل نفسى لانشون ومرة جبنة ومرة زيتون

كنت غريب طفل عجيب

بحبك اوى يا بسيونى فينك وفين ايامك .... امتى ترجع من الكويت

ههههههههههههههههههههههههه ههههههههههههه

بجد مش معقول


لانشون


طب كنت بتعمل اي يعني

نا قلت هتعمل دور بطاطس وتخزن نفسك شهرين مثلا :lol:

انا من صغرى كان صاحبى .............................
من غير تريقه ( بيارو فيرارى ) كان عندى عربيه لعبه وكنت عاملها كأنها بتاعه بيارو انهارده مثلا بدخلها الجراج (كنت عاملها مدينه كامله تحت السرير -جراج وبيت ومصنع وشجر وكل حاجه) المهم انهارده الصبح يااااااااااااه ايه دى العربيه باظت !!!!!
بابا يقولى وديها تتصلح اروح مدخلها الجراج واستناها تانى يوم لما تخرج
كنت وانا فى المدرسه بقعد افكر اتصلحت ولا لسه هههههه وامتى بقى اروح عشان اخرجها واقعد افكر انهارده هنروح فين فين فين فين المطبخ ولا اوضه اخويا ولا نخش الليفنج ولا نروح نشم هوا فى البلكونه ولا لا لا نروح على البحر شويه ( ده الحمام )
بجد كانت ايام جميله قوى
شكرا ايس على التذكره بالماضى دى

اقتباس:

---

المشاركة الأصلية كتبت بواسطة aboelnagah

يا iceheartedgirl

ده بسيونى كان حبيبى وكان معايا فى كل حتة بروحها

وكنت بلعب وانا صغير لعبية غريبة اوى اوى اوى هو انى اغطى جسمى كله بالبطانية والعب كانى جوه سندوتش وانا مرة مثلا عامل نفسى لانشون ومرة جبنة ومرة زيتون

كنت غريب طفل عجيب

بحبك اوى يا بسيونى فينك وفين ايامك .... امتى ترجع من الكويت

---

ربنا يرجعه بالسلامه
هههههههههههههه:shyy:

لا ياجماعة الاعتدال فى كل شئ مهم جدا
بس لو فى الطفولة يبقي طفل خيالة واسع وبيبدع وسارح بخياله
بس ولو استمر يبقى عاوز علاج بقي