check gearbox

**Mohd_Adel_Amin** · 06-06-2009 03:16 PM

السلام عليكم ورحمة الله . ازيكو يا وحوش عاملين ايه ..
النهارده حصلي مشكلة صغيرة في العربية وانا على الطريق كنت ماشي على 90 لقيت صوت خبطة في العربية جامدة قوي و لمبة ال service نورت و ظهرت ليا رسالة check gearbox ..
اول من جاء في بالي لحظتها احمد باشا عبد المقصود لأني اتذكر اني قرأت في موضوع قديم ليه انه حصلت عنده نفس المشكلة بس مش فاكر كانت من ايه .. المهم اتصلت بيه وانا ناسي خالص ان النهارده السبت اجازة وكانت الساعة 7.30 صباحا , وطبعا اكتشفت الموضوع ده لما رد عليا ولقيت صوته نايم تماما . اتضايقت من نفسي جدا وكنت عايز اقفل واكلمه لما يصحى بس الراجل اصر انه يسمع المشكلة مني ... لما حكيتله قالي ان المشكلة لما حصلت معاه كانت بسبب الكويل بس انا عندي مفيش اي حاجة تدل على كده خصوصا اني عارف اعراض الكويل لما يقطع لأنه حصل معايا في الميجان 1 .. المهم ان احمد قالي اكلم التوكيل واشوف هيقولو ايه , اتصلت بالتوكيل قالو ان المهندس هيرد عليه الساعة 8 , على الساعة 8.05 اتصل مهندس وقالي ابطل العربية واشغلها ثاني , لما عملت كده الرسالة اختفت قالي خلاص كده كمل طريقك قلتله طيب المشكلة كانت من ايه قالي غالبا لخبطة كهرباء , لو حصلت معاك ثاني متزودش عن 80 واوصل التوكيل باسرع وقت , قلتله طيب الخبطة اللي ظهرت كانت من ايه قالي طبيعي ..
بس انا بصراحة مقلق من الصوت اللي ظهر لأنه كان جامد قوي , بس كملت طريقي بعدها على 100 والحمد لله محصلش اي مشاكل .
وبكرر شكري لأحمد باشا عبد المقصود اللي كالعادة اثبتلي ان وحوش الرينو رجالة خدومين وبيحبو الخير للناس ربنا يجزاه ويجزاكم كلكم خير ويزيد المحبة والاخوة ..

**ecybrarian** · 06-06-2009 03:37 PM

ابوحميد ده زعيم الوحوش...وربنا يكرمة بمساعدة لناس.

انا حصلت المشكلة دي معي برضة...كنت بفك القطاش الأرضي لدقائق واركبة تاني لحد مارحت لمهندس خالد الزيني في فرنش موتورز وكانت المشكلة البوجيهات وحساس الكامة..بس انا كان عندي رسالتين الأولى check injection والتانية check gearbox.
وعموما انا اتعلمت من الوحوش في نايل موتورز إن غالبا دي بتبقى مشكلة مباين...وقليل ما بتقى مشكلة بوجيهات زي بتاعتي

**Mohd_Adel_Amin** · 06-06-2009 03:46 PM

شكرا يا باشا .. يعني ايه قطاش ارضي بعد اذنك ؟؟

**Cell_k** · 06-06-2009 05:00 PM

أعتقد يقصد كابل البطارية ...

**ecybrarian** · 06-06-2009 06:02 PM

فعلا اقصد كابل البطارية السالب...إللي هو مكشوف ومش عليه غطا في الميجان...بس خللي بالك في تكنيك لعمل الموضوع ده على افضل حال على الرغم من بساطته
- اولا قفل العربية زجاج وابواب وكله بالريموت بعد فتح الكبوت طبعا
- ثانيا فك الاسلاك من على القطاش عن طريق فك الصواميل ..واوع تخللي الأسلاك تلمس الطرف الموجب
- بعد دقائق اعد تركيب الأسلاك
- اصبر قليلا حتى يتم تشغيل الكمبيوتر Init ثم افتح العربية بالريموت
- دور العربية وارفع زجاج الأربع شبابيك (هم مرفوعين اصلا) علشان يفتحوا ويقفلوا smooze بعد كده
- اعد تكويد راديو العربية

دي نفس خطوات تغيير البطارية

**hamata** · 06-06-2009 09:39 PM

أنا حصلت معايا بس على سرعة قليلة
لاقيت صوت طلع من الفتيس و العربية بتنقل و كلمة check gearbox ظهرت و العربية فضلت ماشية عالأول و مرضيتش تنقل فوقفت على جنب و بطلت العربية و دورت تانى لاقيت الرسالة اختفت و مشيت عادى , بس المشكلة حصلت تانى بعد يومين
فروحت التوكيل عملو update للسوفت وير و كله بقى تمام

**Mohd_Adel_Amin** · 06-06-2009 11:34 PM

ربنا يطمنكم يا جماعة , عموما انا هتابع العربية واشوف ايه اللي هيحصل .. ربنا يستر

**Amr_Moh** · 07-06-2009 12:35 AM

لا تخاف .

**Ramy_Tantawi** · 07-06-2009 05:06 AM

محمد باشا ازيك .........

شوف يا سيدي صوت الخبطه هو اللي محتاجين نقلق منه او نحاول نعرف هو جه منين وياريت لو تقدر تبص على العربيه من تحت او تبص على السيور والكلام ده لو حاسس ان الصوت كان جاي من الكابوت...

اما بقى موضوع الرسائل فا دي ما تقلقش منها خالص......انا الحمد لله كان بيطلعلي رسائل غريبة الشأن الشهر اللي فات ده مالهاش اي علاقه بأي مشكله في العربيه وخصوصاً الصبح اول ما ادور .....واكتشفت في الآخر انها مشكلة بطاريه لما ماتت خالص وتم تغيرها الحمد لله والأمور اصبحت طبيعيه جداً بدون اي مشاكل او رسائل عقب تغيير البطاريه الحمد لله.

مش عاوز اقولك يوم تغيير البطاريه ده العربيه عملت في ايه وانا نازل 7 الصبح رايح الشغل.......العربيه فتحت معايا وكانت غايه في الاصاله وماقلتش في اي حاجه ......انا دوست Start من هنا وعينك ماتشوف الا النور.....عارف كنت حاسس ان الكمبيوتر عمال يقرا اوامر بس من اليمين للشمال مش العكس ولمبة Security فضلت تنور وتطفي في تسارع رهيب لدرجة اني قلت في ايييه ؟ هاتنفجر العربيه ولا ايه اللي بيحصل ده ؟ ؟ اما الاغرب بقى فا كانت العدادات ......كانوا عاملين يرقصوا تانجوا في التابلوه .....ال RPM كان عمال يطلع لي 3 وينزل تاني لوحده ......اما عداد الكيلومتر فا زي ماتقول كده كان عنده كرشة نفس ولا ايه المهم كان بيترعش ..........انا عاوز اقولك ان الاعراض دي حصلة كلها في ثواني والله وانا قاعد جوه مبلم مش عارف اعمل ايه ولا اصرف العفريت اللي ركبها ده ازاي ..........وكلمت المهندس محيي صحيته من النوم وباكلمه زي مايكون ابني بيروح مني خلاص.....قاللي يا راجل دي البطاريه عاوزه تتغير بس ماتقلقش ...

عموماً يا محمد باشا شوف موضوع الخبطه دي طمنا عليه الاول اما الرسائل اللي تطلع وتختفي اعرف انها اعراض كهرباء مش اكثر ان شاء الله.

**Mohd_Adel_Amin** · 07-06-2009 11:43 AM

شكرا ليكو يا جماعة وشكرا يا رامي باشا والله ضحكتني في وقت مناسب كنت مخنوق قوي ..
موضوع الخبطة كان طالع من الفتيس والمهندس في التوكيل قالي ان الخبطة طبيعية مع لحظة صدور الرسالة , عموما انا في الصيانة القادمة هبلغهم في التوكيل واشوف ايه رأيهم .. دعواتك يا رامي باشا ..

الموضوع: check gearbox

LinkBack

أدوات الموضوع

عرض

check gearbox - انشر الموضوع فى :

-

-

-

-

-

-

-

-

المواضيع المتشابهه

Check Gearbox

مش عارف ايه النحس ده check injections and check gearbox

Check Injection + Check gearbox في نفس الوقت

check gearbox

Check Gearbox!!!!!!

الكلمات الدلالية لهذا الموضوع

المفضلات

المفضلات

ضوابط المشاركة