الموضوع: سؤال وارجو الرد علية لمن يعرف الجواب

حضرتك بالنسبة لمدرسة المرور بتروح لاى ادارة مرور قريبة منك وبتطلب انك تتعلم فى مدرسة المرور التابعة لها فبياخدوا اسم حضرتك وبيطلبوا منك ورق معين زى شهادتك وبطاقتك وشوية ورق كده وبتملاهم وبتدفع مبلغ قريب كده من 170 جنيه الكلام ده من سنة ونصف وبيحدد لحضرتك ميعاد للبداية وغالبا بيكون فى اول الشهر وبعد كده بتروح وبتدرب على العربية وغالبا بيكون يوم ويوم لمدة شهر وبيدربوك على الامتحان وبيدوك حاجة كده شبه كارت شحن الموبيل تخربشه وتدخل على موقع معين تبع المرور على النت وتدخل الرقم بتاعك وتدخل تتدرب على حل امتحان الكمبيوتر ده امتحان بيكون قبل امتحان السواقه ولازم تعديه الاول قبل ما تدخل على امتحان السواقه وبعد كده تدخل على امتحان السواقه قدام الضابط ويتنجح يا تسقط ولو نجحت او سقطت ده مالوش دعوة بالرخصة فيه ناس بتنجح ومبتاخدش الرخصه وناس بتسقط وتانى يوم بتاخد الرخصة ومتسالنيش ازاى
انا عن نفسى دخلونى الامتحان بعد ذل 8 ساعات انتظار وبعد كده دخلت امتحن على عربية موديل 75 ومن غير مراية جنب يمين والمفروض انى ارجع لورا بين الاقماع مش عاوز اقول لك انى دخت فى اخر قمع من البهدلة والعربية والانتظار والبص يمين وشمال ورايا وطبعا خبطه وقال لى تعالى كمان تلات شهور مع انى طول الشهر بتاع التدريب موقعتش قمع واحد اللى عرفته انهم غيروا العربية بعد ما مشيت بشوية لان اللى امتحنت عليها عطلت وبدا الناس تنجح شوية انا بحكى لك التجربة زى ماحصلت عشان تبقى مستعد وربنا يوفقك

بالنسبة لجين 2 وfrv حضرتك هتلاقى مقارنات كتير اتعملت بينهم وحضرتك ممكن تشوفها بس اخر حاجة انا سمعتها ان frv سعرها زاد اليومين اللى فاتو وباية حال جين 2 عربية رائعة بكل المقاييس انا لسه مشترتهاش بس على وشك ان شاء الله وعملت كذا موضوع اثناء بحثى فى المنتدى عن افضل امكانبروتون يات عربية بانسب سعر والحقيقة مش لاقى لغاية دلوقتى عربية بتحقق المعادلة دى زى جين 2 وحضرتك خد لفه فى منتدى بروتون هتشوف مقارنات ومعلومات غزيرة جدا عن جين 2 وعمالقة بروتون هيفيدوك اكتر بس هقول لك شوية معلومات بسيطة صعب تلاقيها فى اى عربية تانية الموتور مصمم بالتعاون مع شركة لوتس الانجليزية التى تملكها بروتون , الثبات هو تحفة بروتون اللى كل اصحاب العربية يتغنوا بها , معاملات امان لن تجد مثلها فى اى عربية فى نفس الفئة وبنفس السعر , الاوبشنز باه كل اللى نفسك فيه وزيادة , ده غير الشكل والتصميم تحفه .
انا مش عاوز اديك تفاصيل كتير بس عاوزك تدخل منتدى بروتون وتتفرج وان شاء الله انا متاكد انك مش هتسيب بروتون تانى

الصراحه رجاله -بروتون- كفوا ووفوا جدا

بس احب اضيف حاجه بسيطه

اسعار الـfrv

1.6 F/O M/T 2009 ... 82000
1.6 F/O A/T 2009 ... 90000

اسعار الجين2 -2009 :


1.6 F/O M/T 2009 ... 84900
1.6 F/O A/T 2009 ... 90900

ودلوقتى فى تخفيض على اى سياره -بروتون- سواء قسط او كاش (باكتر من 3000 جنيه)

ودا توبيك هتلاقى فيه معلومات كتيره عن الجين2 والبيرسونا

هنــــا

--------------------

وبخصوص مدرسه التدريب اظن ان فى مدرسه فى غمره ...

ودى بتروحلها وبتطلب ورق كتير كده (شهادات طبيه وحاجات تانيه) بس بتطلب الحاجات دى بس لحد ماتطلعلك الرخصه ان شاء الله...

وبتحدد معاك المواعيد ... واظن اغلب التعليم بيكون على 128(اظن كده)

دا الصراحه اللى اعرفو عنها

-----------------------

وانا تحت امرك فى اى استفــسار

تحيــــــــــــاتــــى

اسف انى اتاخرت على حضرتك فى الرد

بس انا والله حاولت اجيب تليفونها ... ماعرفتش

بس اللى اعرفه انها تبع المرور ... وبتساعدك كتير فى تطليع الرخصه ... وناس كتيره كانت بتشكر فيها

بس لو هتحجز فيها ... الحق احجز فيها ... لان عليها ضغط وساعات ممكن تروح ويخلوك على الانتظار شهر او اتنين

وانا تحت امرك فى اى استفسار

تحيـــــــــاتــــى