الموضوع: شــيــفــرولــيــه كــروز - المــواصــفــات الـفــنــيــه وصــور وأســعــار

المشاركة الأصلية كتبت بواسطة neversighs

ولا هتكتسح ولا حاجه حكايه اهتمام الناس في مصر بالشكل فقط ده كان زمان
اعتقد ان المستهلك المصري اصبح اكثر ثقافه ووعي عن ذي قبل وبدا يبحث عن قوة الموتور و التريبتونك والسمارت كي والاي بي اس وخلافو
بالاضافه ان قرار شراء سياره بالنسبه للمواطن المصري بيسبقو كثير من البحث والسؤال وهيعرف فالسكه الفرق بين الكروز والسيراتو اللي هينصحو بيها الكثير لانو مش هيرمي فلوسو كده وخلاص واي جنيه توفير هو اولى بيه .

معاك حق

بس الكلام ده برضه مينطبقش على كل الناس

يعنى انا اعرف شخص بيركب عربيات بقاله 30 سنه

وناوى يغير عربيته بعد سنه او اقل

فمن العربيات اللى شدته اوى ولفتت نظره الكروز

ولما السيراتو نزلت مهتمش بيها اوى

ومن الحاجات اللى مش حاببها فى السيراتو

شكلها من ورا مش عاجبه

وكمان مش عاجبه ان الفتيس بتاع السيراتو ستبترونيك

لان من تجربته لكذا فتيس ستبترونيك فى كذا عربيه شايف ان ادائه مش حلو وان الاوتوماتيك العادى افضل

وشايف ان كيا ملهاش اسم اوى فى مصر وشايف ان شيفروليه أقيم

وهو معجب جدا بالكروز عن السيراتو حتى بعد ما عرف ان الكروز اغلى وبكماليات اقل

لكن هو مابتفرقش معاه الاوبشنز الكتير

وقاللى ان لو هايغير عربيته هتبقى كروز

ده رأيه ومقتنع بيه ومهما حد حاول يقنعه بالسيراتو هو اللى فى دماغه فى دماغه

ده مثال لناس كتير ممكن تفكر بالطريقه دى

طب انا هقول مثال تانى

لى صديق كل معلوماته عن العربيات ان فيها اربع عجلات

ومعاه بولو سيدان والتكييف بتاعها ضعيف جدا ومضايقه

كل اللى بيفكر فيى انه عايز عربيه يابانى عشان يسمع انه تكييفها قوى

اى كان نوعها وموديلها او اى حاجه

يابانى وخلاص

ليه

عشان يسمع ان تكييف اليابانى قوى

ادى واحد اهو هيشترى عربيه ب 100 الف واكتر عشان يسمع ان العربيه اليابانى تكييفها قوى

نيجى احنا بقى نقول قرار الشراء للمواطن المصرى بيسبقه الكثير من البحث والسؤال

لأ مش دايما !!

المشاركة الأصلية كتبت بواسطة ahmed samy

ماهو وجود الناس دي اللي بيضمن استمرار ممارسات التوكيلات و التجار الغير مبنية على المنطق ...

وبرضه في ناس بتقرا و تفهم و تدور و تعرف العربية مين اللي تستاهل كام و تديني قصاده إيه ....

و حتى انتشار عربية بسبب ان اللي بيشتريها غير مثقف سياراتيا و بتاع سمع او شكل فقط ..فده لا يعني تفوقها بأي شكل

طبعا المبيعات هي واقع لا ينكره احد

بس قصدي ان مش معنى ان الكروز - فرضا- باعت اكتر , تبقى عربية احسن..

كلام سليم بس مش دايما بيحصل

وفى عربيات كتير اوى بتبيع على السمعه والسمع

وعربيات كتير كويسه مبيبقاش ليها حظ ومبتاخدش حقها

والكروز منقدرش نقول عليها وحشه او حلوه لان لسه محدش جربها

احنا بس كلنا واخدين موقف منها بسبب قلة كمالياتها وسعرها ودايما حاطين السيراتو ادام عينينا

انما لو كانت نزلت باسعار السيراتو وكماليات السيراتو

السيراتو كانت هتقعد فى البيت

ولو ماكنتش السيراتو الجديده نزلت اصلا

كانت هتبقى فى السوق لوحدها

المشاركة الأصلية كتبت بواسطة ahmed samy

كلام سليم 100 في 100

منصور كان ممكن يفرم السيراتو فرم بشكل العربية و صالونها و خاماتها لو كان فكر و ما طمعش ...


ولو ما كانش في سيراتو بالسعر ده ..كان في حاجات كتير هاتختلف وكانت هاتكون الكروز بدوووون منازع

بس الحقيقة توكيل كيا عامل حركة جامدة و تأثيرها في السوق واضح

الغريب ان توكيلات تانية مش راضيه تعمل زيه ..مش فاهم ليه

هيعملوا غصب عنهم

بس هما قالوا يستهبلوا ويجربوا يمكن الناس تبقى هبله وتشترى

لكن غصب عنهم بعد كدا

لازم يزودوا الاوبشنز ويخفضوا السعر