اولا السلام عليكم

انا حطيت الموضوع فى المنتدى العام مش شيفروليه عشان انا طالب منكم تشاركونى فى الموضوع ده

دلوقتى ياجماعه انا متابع الكروز من فتره طويله وعارف عنها كل حاجه تقريبا

وهى بتنزل تحت اسم 3 شركات مختلفه

شيفروليه كروز - هولدن كروز - دايو لاسيتى

والتلاته فيهم موتور EcoTec وشكله بيبقى عامل كدا








ولما نزلت اتفرجت على الكروز اللى عندنا لقيت الموتور بالشكل ده




طبعا الشكل مختلف ومش مكتوب عليه EcoTec زى الباقيين

مش عارف ليه جالى احساس انه ممكن يكون هو هو موتور الاوبترا الحالى




تفتكروا ممكن يكون منصور نزلها بالموتور القديم

ولا انا ظالمه وده الموتور الجديد بس شكل الغطا مختلف ؟

طب هايستفيد ايه هيوفر فلوس مثلا ؟

ولو حبيت اتأكد اتأكد ازاى ؟

مع العلم ان طبعا بتوع المبيعات معلوماتهم بتبقى ضعيفه ومش مؤكده

وهل ممكن موتور بتكنولوجيا قديمه يركب على الفتيس الاوتوماتيك الجديد ال 6 سرعات ؟

ياريت ياجماعه نتناقش فى الموضوع ده عشان نوصل للحقيقه

خاصة وان كان فى عضو معانا بيقول انه بيشتغل فى شركة المنصور

وكان بيجادل معايا ويأكدلى ان الموتور هو هو بتاع الاوبترا

انا عارف ان موضوع الموتور مش هايفرق كتير خاصة ان الهورس باور متقارب

انا بس عايز اتأكد ان مفيش خداع لينا على اساس اننا مبندخلش على النت ولا نعرف حاجه

وفى انتظار ارائكم


_________________
بعد الإبقاء على الموضوع لفترة كافية
تم نقل الموضوع القيم لشيفروليه
مشرف العــــــام