مطروح

**Dew Drops** · 07-06-2009 01:16 PM

انا ان شاء الله رايح مرسى مطروح الاسبوع القادم فكنت عايز اعرف من الاخوة الاعضاء ايه هى الاماكن المميوة هناك , الشواطىء , المطاعم , اماكن الفسحة واى معلومات اخرى واكون لكم شاكر جدا

**M.Mostafa80** · 07-06-2009 01:37 PM

بص ياسيدى مطروح دى مدينه جميله جدا وصغيره فى نفس الوقت والوقت اللى انت رايح فيه ده جميل جدا
أولا الشواطىء
عندك شاطىء الليدو ودا أمام فندق الليدو وهو شاطىء عام وليس خاص على الكورنيش وفى شاطىء مبارك ودا بالقرب من الميناء الخاصه بالصيد والبوارج الحربيه وفى شاطىء رومل وفى الفيروز وفى شاطىء الغرام أو كيلوباترا وفى الأبيض وفى فى عجييبه نفسها شاطئ بس دا خطر شويه طبعا مياه البحر أقل ما يقال عنها انها تحفه وخاصتا فى الغرام والأبيض وعجيبه رومل مش قوى بس ممتاز جدا لو فى أطفال وأيضا مبارك أفضل من رومل
ثانيا الفسح
الفسح هناك مفيش غير مزار عجيبه وانك تتمشى على الكورنيش أو ممكن تدخل السيرك لو فى أطفال أو مسرح الفنون الشعبيه ومش عارف ده هيكون أشتغل ولا لسه دا غير السينمات واللى تعتبر أفضلهم سينما كيلوباتر ودى موجوده فى طريق سوق لبيا وهى عباره عن متنزه للأطفال وفى نفس الوقت فيها قاعه سينما مكيفه وطبعا سوق لبيا الشهير وشارع الأسكندريه
ثالثا المطاعم
من أجود المطاعم هناك هو حسنى الكبابجى ودا بجيوار مصيف النادى الأهلى وعلى البحر قاعده وأكل فوق الممتاز وبردو فى كمونه ودا فى شارع متفرع من شارع أسكندريه وفى ماك دونالز وبيتزا وكنتاكى ومؤمن بس مش عارف دول هيبقو أشتغلو ولا لأ بس عمتا أكيد هيكونو أشتغلو لأن الموسم السنه دى صغير عشان رمضان كل سنه وأنتم طيبين
وأخيرا فسحه موفقه وجميله أن شاء الله وظبط عربيتك كويس وأتكل على الله يعنى مون بنزين وأظبط هواء فى أمارات مصر وانت ماشى وان شاء الله العربيه مش هتاخد منكبنزين كتير بكتيره قوى مع الحرق والتكييف لو شغلتو من 25 الى 30 لتر دا لو جريت بسرعه وشغلت التكييف بس نصيحه خدها واحده واحده عشان توصل بالسلامه وانت رايح تتفسح أصلا فامفيش داعى للأستعجال ولو أنت معندكش مشكله فى المشى باليل هيبقى أفضلك وأفضل للعربيه سفر الليل مريح جدا ورحله موفقه أن شاء الله
\

**DR.M** · 07-06-2009 02:05 PM

معلومات ممتازة
شكرا

**mramzy** · 07-06-2009 02:08 PM

المشاركة الأصلية كتبت بواسطة dew drops

انا ان شاء الله رايح مرسى مطروح الاسبوع القادم فكنت عايز اعرف من الاخوة الاعضاء ايه هى الاماكن المميوة هناك , الشواطىء , المطاعم , اماكن الفسحة واى معلومات اخرى واكون لكم شاكر جدا

توصل بالسلامه
وانا برضه باذن الله هكون هناك بدأ من الجمعه الجايه
بقالى حوالى 10-12 سنه ما روحتش
اجازة سعيده

**amirhamed** · 07-06-2009 02:16 PM

شكرا على الكلام الجميل ده

**ياسر شقو** · 22-06-2017 02:09 PM

السلام عليكم ورحمه الله وبركاته
انا كنت ناوي اشتري شقة او شالية في قرية في مدينة مرسى مطروح
وانا ساكن في مدينة القاهرة بالتحديد في مدينة حلوان
عاوز نصائحكم وتجاربكم في مطروح
اشتري ولا بلاش
ولكم الشكر والتقدير