حل مجرب لكاسيت ال Gen.2 الأوديو . من غير توكيل

**callsherif** · 07-06-2009 01:18 PM

السلام عليكم

يا جماعة انا كاسيت العربية كان بيقطع وبعدين كل شوية يدينى CD Error فا روحت التوكيل بتاع كلاريون الى هو بلوبانكت برده فى احمد عرابى قالولى لازم يتفك ويروح الشركة .
ففكرت قولت هو اكيد العدسة عليها تراب فعملت ايه بقة.
اشتريت اسبراي video cleaner جاف ومعاه حاجة كده طويلة عاملة زى الشالموه معلش انا معرفش اسمها بالظبط المهم بتركب فى البخاخه علشان توصل لأماكن بعيده . فركبتها وهية رفيعة تقدر تدخل فى الكاسيت مكان السي دى ورشيت والكاسيت مش شغال يمين وشمال وفى النصف كده شوية علشان الاسبراى يجى على العدسة وسيبتو شوية علشان يطير 10 دقايق كده وبعدها شغلت لاقيت الكاسيت زى الفل ... ولا توكيل ولا حاجة.
وشكراً

**Ahmed_SpY** · 07-06-2009 01:29 PM

شكراااا يا باشا و هو فعلا العدسة بتبقى عايزة تتنظف

شكرااا على الافادة

**mramzy** · 07-06-2009 01:32 PM

على فكره فيه سى دى كلينر
بتحطها وتقولم بالشغل كله

**Ayman_52** · 07-06-2009 01:33 PM

الف شكر ياباشا .... بس هو الاسبراى دا مالوش اى اثار سلبيه؟؟

وياريت لو اسم الاسبراى ... وبكام

الف شكر ياباشا

**DR_EMAD** · 07-06-2009 01:33 PM

مش هو ممكن حضرتك .. تستخدم سى دى تنظيف ؟
بدل الاسبراى ؟

**mramzy** · 07-06-2009 01:51 PM

المشاركة الأصلية كتبت بواسطة do00ody

مش هو ممكن حضرتك .. تستخدم سى دى تنظيف ؟
بدل الاسبراى ؟

طبعا وافضل

**callsherif** · 07-06-2009 02:01 PM

المشاركة الأصلية كتبت بواسطة mramzy

طبعا وافضل

والله يا جماعة انا ماجربتش السي دى كلينر بس انا حبيت انظف الكاسيت كلة من جوه بد التوكيل وعموما اكيد السي دى كلينر حل افضل. بس انا حبيت اقول الى انا عملتو يمكن يفيد بعض الناس

وشكرا جزيلاً على الردود يا جماعة

**MuhammedSoliman** · 07-06-2009 02:09 PM

المشاركة الأصلية كتبت بواسطة callsherif

السلام عليكم

يا جماعة انا كاسيت العربية كان بيقطع وبعدين كل شوية يدينى cd error فا روحت التوكيل بتاع كلاريون الى هو بلوبانكت برده فى احمد عرابى قالولى لازم يتفك ويروح الشركة .
ففكرت قولت هو اكيد العدسة عليها تراب فعملت ايه بقة.
اشتريت اسبراي video cleaner جاف ومعاه حاجة كده طويلة عاملة زى الشالموه معلش انا معرفش اسمها بالظبط المهم بتركب فى البخاخه علشان توصل لأماكن بعيده . فركبتها وهية رفيعة تقدر تدخل فى الكاسيت مكان السي دى ورشيت والكاسيت مش شغال يمين وشمال وفى النصف كده شوية علشان الاسبراى يجى على العدسة وسيبتو شوية علشان يطير 10 دقايق كده وبعدها شغلت لاقيت الكاسيت زى الفل ... ولا توكيل ولا حاجة.
وشكراً

اشكرك ياباشا على نقل التجربه وهيه فعلا تجربه مفيده

تحياتى

**callsherif** · 07-06-2009 02:23 PM

المشاركة الأصلية كتبت بواسطة Ayman_52

الف شكر ياباشا .... بس هو الاسبراى دا مالوش اى اثار سلبيه؟؟

وياريت لو اسم الاسبراى ... وبكام

الف شكر ياباشا

ده اسمو
video cleaner AKAI وجبتو ب 6 جنية

انا جربتو شغال من غير اى اثار جانبية بس ما تحطش سي دى الا بعد 10 دقايق علشان يبقى مافيش اثر للاسبراى

**tutankhamoun** · 07-06-2009 05:46 PM

منظف الفيديو ......مُخصص للفيديو حيث أن التكنولوجيا المستخدمة في كلا الجهازين مختلفة تمام الاختلاف .
واحدة عدسة ليزر ........ و الأخرى رأس مغناطيسي للقراءة .

لذا يجب عدم الخلط و استخدام الأشياء الصحيحة المخصصة للجهاز .

لذا يُنصح بشدة بإستخدام اسطوانة التنظيف الخاصة بأجهزة الكمبيوتر و ستعمل بنفس الكفاءة .

و شكرا على التوضيح و على التجربة المفيدة .

ربنا يباركلك في العربية