Byd تطرح سيارة كهربائية يتم شحنها مثل الموبايل

**Rsarabia** · 07-06-2009 02:32 PM

شاركت شركة "الأمل" للتجارة الخارجية في معرض "أوتوماك أخبار اليوم 2009" وكيل سيارات "BYD" بعدد كبير من السيارات التي تحمل العلامة الصينية لكن برزت سيارة واحدة هي السيارة الكهربائية التي يتم طرحها في مصر للعرض فقط.

وقال أحمد مسئولي التسويق بالشركة لـContactCars.com في جناح BYD في المعرض الذي يختتم فعالياته يوم الاثنين إن هذه السيارة مزودة بمحرك كهرباء وأخر بنزين ، ويتم عرضها في أوتوماك على سبيل التجربة على أن يتم عرضها للبيع بشكل رسمي عام 2011.

وأطلع المسئول مندوب ContactCars.com إلى المعرض على كيفية توصل السيارة بالكهرباء ، مشيرا إلى أنه يتم شحنها في الكهرباء العادية 220 فولت لمدة من خمس إلى ست ساعات لتسير بذلك نحو 130 كيلو متر متواصلة دون أي نقطة بنزين.

وأوضح أنه يجب أن يتوافر بالسيارة محركين يتم التنقل بينهما مثلما يحدث حاليا بين البنزين والغاز في بعض السيارات ، إلا أنه أكد أن سعر السيارة لم يتم تحديده بعد نظرا لطرحها بعد عامين من الأن.

وكشف أحد مسئولي التسويق بشركة "الأمل" عن أنه سوف يتم إجراء اختبار للسيارة يوم الأربعاء المقبل في مدينة العاشر من رمضان حيث مصنع الشركة.

وشاركت "الأمل" بعدد من سيارات BYD المختلفة منها "F3 ، F0 ، F6" وقدمت العديد من العروض خلال المعرض الذي أفتتح أبوابه يوم الخميس الماضي.

ايه رأيكم فى الخبر دا يا جماعة هل سنة 2011 ان شاء الله هتنزل سيارات كتير تعمل بالكهربا ؟؟ و هل ساعتها هتغير سيارتك الى سيارة اقل فقط لتوفير استهلاك البنزين ؟؟

**SHNORY** · 07-06-2009 03:25 PM

طيب بدل ما تتشحن كهربا وطالما فيها موتور بنزين
كان من الاولي ان المحرك الكهربائي يتشحن من دينامو المحرك البنزين
بس اكيد الصنايعيه بتوعنا حيعملوا التعديل ده فيها ومش حيسيبوها في حالها

**abzoabzo** · 08-06-2009 12:20 PM

ما دام العربية ربنا كرمها فعلان ومشيت بالكهرباء من باب اولا انها تشحن نفسها صعب قوى الواحد يروح اسكندرية ويقف فى الرست 5-6 ساعات علشان يشحن ولا ايه

الصين بلد جميل وعظيم وبيطور نفسه كل ثانية وهما المستقبل شعب بيتحدى الظروف بجد وبعمل مش بالاغانى والحفلات والرغى عمال على بطال

**فادى** · 11-06-2009 12:57 PM

المشاركة الأصلية كتبت بواسطة shnory

طيب بدل ما تتشحن كهربا وطالما فيها موتور بنزين
كان من الاولي ان المحرك الكهربائي يتشحن من دينامو المحرك البنزين
بس اكيد الصنايعيه بتوعنا حيعملوا التعديل ده فيها ومش حيسيبوها في حالها

مينفعش طبعا تشحن نفسها, فى هذه الحالة استهلاك البنزين هيزيد مش هيقل!
لأنك حولت من طاقة الوقود الحرارية الى طاقة كهربائية و عملية التحويل استلزمت وقودا, فالطاقة لا تفنى و لا تستحدث.
و عموما السيارة متنفعش عندنا لسبب بسيط, لازم يبقى عندك جراج فيه مقبس كهربائى تسيب العربية بليل تتشحن فيه, كام واحد فى مصر عندو جراج خاص؟؟!
العربية دى موجود مثلها كتير, فيه عربية اسمها Chevrolet Volt نفس الفكرة برضو, و عربيات كتير أخرى, الموضوع ده اسه Plug In Hybrid, و لم يحقق نجاحا يذكر.

**maka** · 13-06-2009 02:47 AM

المشاركة الأصلية كتبت بواسطة فادى

و عموما السيارة متنفعش عندنا لسبب بسيط, لازم يبقى عندك جراج فيه مقبس كهربائى تسيب العربية بليل تتشحن فيه, كام واحد فى مصر عندو جراج خاص؟؟!
.

وجراج ليه هما المصريين هيغلبوا

من اي عمود نور واشحن يا ريس

**SHNORY** · 13-06-2009 04:21 PM

المشاركة الأصلية كتبت بواسطة فادى

مينفعش طبعا تشحن نفسها, فى هذه الحالة استهلاك البنزين هيزيد مش هيقل!
لأنك حولت من طاقة الوقود الحرارية الى طاقة كهربائية و عملية التحويل استلزمت وقودا, فالطاقة لا تفنى و لا تستحدث.
و عموما السيارة متنفعش عندنا لسبب بسيط, لازم يبقى عندك جراج فيه مقبس كهربائى تسيب العربية بليل تتشحن فيه, كام واحد فى مصر عندو جراج خاص؟؟!
العربية دى موجود مثلها كتير, فيه عربية اسمها chevrolet volt نفس الفكرة برضو, و عربيات كتير أخرى, الموضوع ده اسه plug in hybrid, و لم يحقق نجاحا يذكر.

الصنايعيه بتوعنا حيعملوا تعديل للعيب ده ويركبوا دينامو بسير يلف مع عجل العربيه ويشحن الموتور وبكده حنحول الطاقه الميكانيكيه لطاقه كهربيه يا باشا مش الحراريه
موضوع الطاقه الحراريه ده محتاج محطه كهربا جوه العربيه انما الطاقه الحركيه مش حيحتاج لاكتر من ديناموا بمواصفات معينه وبيتهيالي مش مستحيل ولا صعب انه يركب