أكصدامات فيبر

**Adham** · 18-10-2007 12:32 PM

المشاركة الأصلية كتبت بواسطة badblood

انا عامل كساحه قدام وره وسبويلر 350
والراجل اللي في الهرم اسعاره غاليه جدا

غاااالي

انا عامل اكصادمين ب 500 جنية

و عامل جوز عتب ب 80 جنية بتركيبهم

انزل 4.5 على طريق السويس و اسأل على حموكشة بتاع الفيبر و قولة انك جاي من طرف ادهم و فاصل معاه برضة, حاتاخد شغل 100 100 و سعر كويس

الواد دة شغال فايبر من اكتر من 12 سنة مع الامبراطور اللي قدام السجان و بعدين فتح لوحدة من كذا سنة

بس صنايعي 100 100 ورخيص

**أبو_حمزة** · 18-10-2007 03:03 PM

طب سؤال
تشترى اكصدام جاهز من التوفيقية ب 150 بيقولوا تايوانى
واللا تعمله عند واحد من دول بضعف التمن تقريبا
و اللى يجاوب يقول ليه
انا محتاج اغير اكصدام امامى و عايز رايكوا

**Adham** · 18-10-2007 03:07 PM

الاكصدام الجاهز حاتركبة زي ماهوة عالعربية
ومش حاتعرف تعدل فية و لا توفقة عالعربية

و بيبقى مصنوع من البلاسيتك او الفبر و لو اتكسر حايترمي و تشتري غيرة

الاكصدام الفايبر بيبقى فايبر جلاس و بيتعمل عالعربية يتقص و تضبط و تعمل فية اي تعديل انت عايزة و يتقفل عالعربية زي ماتحب وتعديلاتك في التركيب و الهوايات و فوانيس الفوج او شبك سلك او اشارات زي مانت عايز
ولو لا قدر اللة و اتكسر بيتصب المكان اللي اتكسر و بيرجع زي ماكان ومش بتكلفة كبيرة

يبقى مين احسن

**أبو_حمزة** · 18-10-2007 03:10 PM

بس هل بيكون مرن زى الأصلى
و بعديين اللى فى التوفيقيه مظبوط على العربية
و فيه مكان الفوج
انا بتناقش معاك عشان اعرف ايه الأحسن عشان اقرر

**Adham** · 18-10-2007 03:19 PM

لأ بيكون صلب مش مرن

لو بتاع التوفيقية مضبوط و عاكبك شكلة عالعربية يبقى توكل على الله

بس بص بعين الاعتبار لحتة امكانية التصليح بسهولة و بدون تكلفة كبيرة حتى لو اتدغدغ لا قدر الله
وكمان لحكاية انك تعمل الشكل اللي يعجبك من حيث التصميم و فتحات التهوية و فتحات الفوجات

هوة انت حاتركبة عاللانوس ؟

لو كدة يبقى هات الجاهز

انا باشوف ان اللانوس من العربيات اللي شكلها مضبوط بالاصلي و اللعب في اكصداماتها مش حلو
مش زي الجولف و الابيزا و فيات و الهياباني القديم و غيرها بيليق عليها اللعب بالفايبر اكتر

**أبو_حمزة** · 18-10-2007 03:27 PM

عربيتى لانسر كرستالة
متهيا لى كده يبقى الجاهز احسن لأنه برضه فيبر و ممكن يتصلح لو عايز
بس تكلفة التصليح مش اقل بكتير من تمن واحد جديد

**Adham** · 18-10-2007 05:21 PM

لا الجاهز بكلايت مش فايبر و مش ممكن يتصلح

بس برضة عاللانسر الكريستالة هات الاصلي شكلة كويس و مش حلو اللعب فيها

**Bonearo** · 22-10-2007 01:42 PM

حد ياخوانا يعرف فين بيتعمل الإكصدامات الفيبر وعتب الجنب في إسكندرية وهل هو بيكون شكله كويس في الكورسا السيدان

الموضوع: أكصدامات فيبر

LinkBack

أدوات الموضوع

عرض

-

-

-

المواضيع المتشابهه

فيبر

فيبر

أكصدامات العربية امامي و خلفي فيبر رينو سانديرو

ورشة للحام الفيبرات سواء أكصدامات او فيبرة تابلوه

عايز أركب أكصدامات والنمر الجديدة هى المشكله

الكلمات الدلالية لهذا الموضوع

المفضلات

المفضلات

ضوابط المشاركة