ورشة للحام الفيبرات سواء أكصدامات او فيبرة تابلوه

**abdelmessih67** · 16-06-2009 08:42 AM

الاخوة الافاضل

أنا دوخت علشان الاقي ورشة كويسة تعمل لحام فيبرات أو بلاستكات , عندي شرخ بسيط في الاكصدام الفيبر , هو مش باين لكن خايف يفتح مني مع السير بالعربية .

النقطة الثانية هي العيب الرئيسي في الفيات التمبرا و هي فيبرة العدادات , الفيبرة عندي مكسورة منها حتة حوالي
10 *10 سم و دورت على حد بيلحم الفيبر بس يكون كويس و مالقيتش غير واحد في الهرم بيلحم اليفط البلاستك بتاعة
الاعلانات و بصراحة شكله تعبان على الآخر .

حد يعرف ورشة كويشة بتلحم الفيبرات سواء أكصدامات أو أي أجزاء فيبر داخل التبلوه ؟؟؟؟؟؟؟؟؟؟

**compuland** · 16-06-2009 09:53 AM

انزل الحرفيين
هتلاقى 50 ورشه

**aYaBooY** · 16-06-2009 12:08 PM

ايه كفارة يا معلم ايه اخبارك
الحرفين هاتلاقي كتير و فيه بتوع لحام فبر مش بلاستيك يعني يعملهالك و متبانش اوي زي البلاستيك

**KoDaK_Gti** · 16-06-2009 12:19 PM

ورشة حربى فى اخر فيصل بعد المريوطية علطول
فى شارع النفق الجديد

وفى ورشة تانية فى شارع المنشية فى فيصل
ادخل من شارع المطبعة فيصل لحد ما تقاطع طريق المنشية وامشى شمال فيه قدام شوية هتلاقيه على الشارع الرئيسى

**abdelmessih67** · 16-06-2009 12:25 PM

الاخوة الافاضل كمبيولاند و ايابوي

الف شكرا على السؤال يا أخ ايابوي و شكرا على تعبك و أنا نشكر ربنا تمام و لسه فاضل لي موضوع الفيبرة اللي تكلمنا فيه من قبل و بعدها ربنا يسهل تبقى العروسة اتظبطت .

بالمناسبة أنا ما اعرفش الحرفيين كويس , ممكن توصف لي طريق ورشة كويسة هناك تحديدا .

**abdelmessih67** · 16-06-2009 12:32 PM

أهلا بالاخ كوداك

المشاركة الأصلية كتبت بواسطة kodak_gti

ورشة حربى فى اخر فيصل بعد المريوطية علطول
فى شارع النفق الجديد

وفى ورشة تانية فى شارع المنشية فى فيصل
ادخل من شارع المطبعة فيصل لحد ما تقاطع طريق المنشية وامشى شمال فيه قدام شوية هتلاقيه على الشارع الرئيسى

لينا قرايبنا ساكنين في الهرم و ممكن بسهولة و أحنا رايحين نزورهم أعدي على فيصل و انا عارف المنطقة كويس لكن لي سؤال فين بالضبط ورشة حربي هذه في شارع النفق , هل أدخل شارع النفق الجديد و أطلع بأتجاه شارع الهرم و فندق سياج و الا أدخل شارع النفق يمين من فيصل بعد المريوطية كأني طالع على مدارس علوي للغات ؟؟؟؟؟؟؟؟؟؟؟

رجاء الافادة .

بالنسبة للورشة الثانية هي اسمها ايه و هل شارع المنشية فيصل اللي هو شارع منشية الطوابق و هل الورشة على شارع منشية الطوابق الرئيسي و اسمه ايه ؟؟؟؟؟؟؟؟

أنا أعرف أن شارع المطبعة آخره سد من ناحية فيصل و مش متذكر ان كان بيتقاطع مع منشية الطوابق أم لا ؟؟؟؟؟

هأتعبك معايا في مزيد من الايضاح

**KoDaK_Gti** · 16-06-2009 02:03 PM

المشاركة الأصلية كتبت بواسطة abdelmessih67

أهلا بالاخ كوداك
لينا قرايبنا ساكنين في الهرم و ممكن بسهولة و أحنا رايحين نزورهم أعدي على فيصل و انا عارف المنطقة كويس لكن لي سؤال فين بالضبط ورشة حربي هذه في شارع النفق , هل أدخل شارع النفق الجديد و أطلع بأتجاه شارع الهرم و فندق سياج و الا أدخل شارع النفق يمين من فيصل بعد المريوطية كأني طالع على مدارس علوي للغات ؟؟؟؟؟؟؟؟؟؟؟
رجاء الافادة .

بالظبط قبل مدراس علوى هو على نفس الصف بتاع المدرسة بس قبلها من ناحية النفق
يعنى هتدخل يمين من فيصل فى شارع النفق هتلاقى قهوة على يمينك مع نهاية سور النفق هو فى وش القهوة الناحية التانية يعنى تاخد اول يوترن شمال وترجع تانى كأنك طالع على فيصل
هتلاقى محل عليه علامه vw هو جمبه علطول

المشاركة الأصلية كتبت بواسطة abdelmessih67

بالنسبة للورشة الثانية هي اسمها ايه و هل شارع المنشية فيصل اللي هو شارع منشية الطوابق و هل الورشة على شارع منشية الطوابق الرئيسي و اسمه ايه ؟؟؟؟؟؟؟؟

أنا أعرف أن شارع المطبعة آخره سد من ناحية فيصل و مش متذكر ان كان بيتقاطع مع منشية الطوابق أم لا ؟؟؟؟؟
هأتعبك معايا في مزيد من الايضاح

ولا يهمك يا زعيم
الشارع مش سد ولا حاجة والمنشية بيقطعه فعلا
شارع المنشية ده ماسك من اول الطالبية لحد بعد الطوابق موازى لفيصل

وانت فى فيصل وجاى من اتجاه الجيزة هتدخل يمين المطبعة وتمشى فيه لأخره خاااالص
هتلاقى تقاطع شارع المنشية وهتلاقى كوبرى الدائرى فوقك بيقطع المنشية هتاخد شمال علطوووول لحد ماتلاقى ورش ميكانيكا وحداد تقريبا
هيكونو على ايدك الشمال هو جمبهم بس مش فاكر اسمها والله

بس انا انصحك بالورشة دى علشان صحبى كان عنده مشاكل فى التابلوه وعملولهاله حلو جدا

**أبو إياد** · 16-06-2009 02:20 PM

اذا ماعملتهاش انت ممكن تيجى وتنورنى فى المركز اخر شارع العشرين فيصل وان شاء الله الموضوع منتهى

**abdelmessih67** · 16-06-2009 03:04 PM

المشاركة الأصلية كتبت بواسطة kodak_gti

بس انا انصحك بالورشة دى علشان صحبى كان عنده مشاكل فى التابلوه وعملولهاله حلو جدا

الف شكر يا أخ حسام على التفصيل و لكن هل هناك فارق كبير في المستوى بين الورشتين لان بصراحة بتاعة حربي اللي في شارع النفق نوعا ما أقرب لمشواري من بتاعة شارع المنشية .

-

الموضوع: ورشة للحام الفيبرات سواء أكصدامات او فيبرة تابلوه

LinkBack

أدوات الموضوع

عرض

-

-

-

المواضيع المتشابهه

## السر لتظبيط فيبرة قائم الصني بكل سهولة ##

كلبسات الفيبرات اللي تحت

فيبرة الفوجات ؟؟؟؟؟؟؟؟ ارجو الافادة

عايز أركب أكصدامات والنمر الجديدة هى المشكله

أكصدامات فيبر

الكلمات الدلالية لهذا الموضوع

المفضلات

المفضلات

ضوابط المشاركة