منتخبنا الموكوس

**MoToRiZeR** · 08-06-2009 01:24 AM

المشاركة الأصلية كتبت بواسطة se_coralsea

علي فكرة يا جماعة الكاميرون و المغرب خسروا برضه أمبارح و من فرق تعبانة توجو و الجابون يعني ده عادي و مش نهاية المطاف

لأ أعتقد دي ماتشات الجولة الأولي يا أستاذ سمير
إمبارح كان الكاميرون و المغرب بيلاعبوا بعض في الكاميرون و إتعادلوا .

عامة عادي يا جماعة بتحصل يعني الفرق بتنهار في ماتشات و تخسر .. بتحصل
موعدنا الإثنين القادم مع البرازيل في كاس القارات (يا نهار إسود!!)

**MoToRiZeR** · 08-06-2009 01:34 AM

المشاركة الأصلية كتبت بواسطة dr.mohamed

مدرب تعبان وفاشل وطول عمرى بقول عليه كده
شوفوا بعد الحون الاول والتانى والتالت رده فعله ايه قاعد يتفرج
وماحدش يقولى بطوله 2006 و 2008 يا جدعان شوفوا البطولتين تانى احنا ما لعبناش ده كان حظ وتوفيق من ربنا وقتها
حارس فاضل وخاين عايزين ربنا يباركله ازاى و مدرب مغرور بيسانده
ومحمد شوقى الى ما بيلعبش بقاله اد ايه ؟ كان بيعمل ايه
ولا عمر ذكى
ابوتريكه وزيدات و فتحى الراجل اوى و ووائل جمعه كتر خيركم
وانسوا كاس العالم يا رجاله

يا دكتور حرام عليك بقي 2008 كانت حظ !!
ده اللعيبة كلهم كانوا زي ما يكونوا واخدين حباية سوبر بندق ! سوبر تريكة .. سوبر عمرو زكي .. سوبر زيدان .. سوبر حسني عبد ربه .. 6 لعيبة في منتخب أفريقيا .. أحسن مدافع و أحسن لاعب و أحسن حارس مرمي من فريقنا .. الكاميرون و كوت إيفوار مهزومين مننا بالأربعة .. حظ !؟ و محدش من الفرق دي شنق نفسه في أوضة الفندق بعد الماتش يعني .. أهو دروجبا زي القرد في شيلسي و الكاميرون نسيوا الماتش و قابلناهم تاني في النهائي !

متخلوش يا جماعة هزة للمنتخب تنسينا الأيام الحلوة .. متنسوش معظم اللعيبة المحترفين مبيلعبوش .. و اللعيبة المحلية مجهدة .. و خلاص إتغلبنا يعني نعمل إيه نولع في نفسنا ولا نعمل إيه .. عدوها .. امال لما نتطحن من إيطاليا هتقولوا إييييييه .

**merosss** · 08-06-2009 01:37 AM

انا بقة مش عارف عمرو زكى وشوقى دول كانوا بيعملوا اية فى الماتش وحسن شحاتا مغيرهمش لية ولا الاخ زيدان الى نص الباصات بتحتة بتتقطع انا شايف انى الى كان بيلعب هما سيد معوض و احمد فتحى وابو تريكة وطبعا الدفاع لا تعليق

**pharonicking** · 08-06-2009 01:38 AM

دول كانوا عاملين زى الناموس اللى مرشوش عليه بيروسول دايخين ومش لاقيين بعض
هو لازم نجرى ونتشد لما يدخل فينا جول
لسة خطط الجوهرى بتتلعب لغاية دلوقتى فى 2009
الدفاع اهم من المكسب دى فريق متخلف فكريا ومدرب مهزوم نفسيا وفكريا ومتخلف كرويا

**MoToRiZeR** · 08-06-2009 01:42 AM

نقاط تانية حول الماتش :

- الجمهور الجزائري كان في حالة شحن زائدة و كان شعاره اللي نشره "النصر أو الشهادة!" علي الإنترنت .. و طبعاَ زي ما شفنا ولعوا في الملعب اما جابوا إجوان و صواريخ و شماريخ .
- الجهاز الفني بالكامل جاله تسمم من الأكل الفاسد اللي أكلوهوله في الجزائر! و بعض اللاعبين و أخدوا أدوية عشان يلعبوا .
- المدير الفني الجزائري أعلن قبل الماتش إنه بيطلب من السلطات حماية عائلته في حالة الخسارة من منتخب مصر .

عشان نشوف برضه الجو المتوتر اللي كان المنتخب بيلعب فيه .

**Nader** · 08-06-2009 01:50 AM

يعني لما نلعب مع منتخب الجزائر "المكسح فنياً" نشيل 3 اجوان ملعوبين يعني لا من فولات ولا ضربات جزاء، طيب لما نلاعب البرازيل ولا ايطاليا هنعمل اية؟!!

انا خايف اللجنة المنظمة لكأس العالم للقارات تحملنا تكاليف الشباك المهتكة!!

**ConDoR** · 08-06-2009 01:52 AM

يااه مش مصدق ان لسه قدامي 4 سنين كمان علشان اقعد نفس القعده اللي قعدتها النهارده في نفس القهوه واقول في

نفسي ان شاء الله حنفوز ونطلع كاس العالم بس اكيد حيكون معانا المغرب او تونس وتحبط الواحد زي النهارده ويفوت اربع سنين

غيرهم بس انا بسال نفسي من زمان اوي هو احنا عندنا عقده من دول المغرب العرب ؟ وليه ا بنخاف منهم من التسعينات ؟

بس زي ما قال سعد زغلول " مفيش فايده يا صفيه غطيني وصوتي عليا "