سؤال محتاج لجواب من الاحباب

السلام عليكم ورحمة الله
كان لى استفسار بسيط خالص بس مطلع عينى
انا كنت عملت شغل فى التكييف شحن والمراجعة على دورة التبريد وتغيير بعض الاساتك ما يطلق عليها طقم اصلاح وبعدها التكييف الحمد لله بقى تمام وكان فية مشكلة بسيطة ان انا لما بشغل التكييف على 1 او 2 او 3 بيشتغل
ولما بجيب 4 بيفصل خالص
المهم ساعتها الكهربائى قالى ان دة من الريوستات ودى خلف درج التابلوة
فلما لقيت التكييف تمام طنشت ومعملتهوش مع انى لقيتة استعمال بحوالى 50 جنية كسل منى بس
المهم كنت مسافر اليوم ومشغل التكييف بعد ساعة كدة بحس ان التكييف مش بيطلع هواء
اطفية شوية وارجع اشغلة يشتغل تمام
وانا راجع اتصلت بالكهربائى قالى غير الريوستات اصل فيها ترموستات بتخلى الكمبروسر يفصل علششان يريح وميكونش تلج على مداخل الهول الى هية الريش الى فى التبلوة وكمان علشان لا يؤثر على الكباس
السؤال
هل الريوستات بتاعت النوبيرا 1 يوجد بها ترموستات تجعل الكباس يفصل و يرجع يشتغل تانى علشان يريح الكباس ولا لا ؟
والشكر كل الشكر لجميع اعضاء المنتدى على تفاعلهم المثمر والبناء

موضوع ان المراوحة مبتشتغلش على 4 ملوش علاقة بترموستات التكييف

السرعة الرابعة للمروحة ليها كتاوت منفصل ممكن يكون مش شغال

الاعراض اللى وصفتها دى تدل على ان السربنتينة بتكون تلج و تسد مجرى الهوا و دى مشكلة ترموستات

MMamdouh

شكرا على ردك يا ممدوح باشا
انا متفق مع حضرتك فى الكلام دة
بس هناك نقطة معينة وهى
هل الترموستات دى هيا هيها الريوستات الى خلف درج التبلوةعلى نفس الشريحة يعنى؟
لان الكهربائى لما عملى قفلة ووصل التكييف مباشر اشتغل على اعلى سرعة
هل موضوع تمون الثلج دة بياثر على التكييف او احد مكوناتة باى حال من الاحول
والشكر للجميع بالاخص لممدوح باشا لسرعة ردة
ملحوضة السيارة نوبيرا 1 1500 سى سى كورى

اقتباس:

---

الاعراض اللى وصفتها دى تدل على ان السربنتينة بتكون تلج و تسد مجرى الهوا و دى مشكلة ترموستات

---

طيب فين الأعراض دى يا أبو حميد .....اللى خلاتك كونت رأى على أن سربنتينة التكييف بتكون ثلج (على فكره ده نقاش محبه مش أكتر لكى نستفيد من النقاش سويا ) وأنا عاوز أتناقش معاك فعلا فى الحاله دى

انا معرفش ايه هو الريوستات دة اصلا

تكون الثلج معتقدش بياثر على حاجة غير كفائة عمل التكييف

MMamdouh

اقتباس:

---

انا معرفش ايه هو الريوستات دة اصلا

---

الريوستات عباره عن مقاومه متغيره فى دايرة الكتاوت بتاع السرعات من 1الى 3 وتقريبا تحت منطقة المفتاح بتاع المروحه......بحيث وأنت جايب أول سرعه للمروحه بيكون المفتاح بتاع المروحه الكونتاكت بتاعه على نهاية المقاومه دى (اللى هى الريوستات ) وبكده بيكون الجهد اللى رايح لموتور المروحه أقل مايمكن لأن تم نزوله فى الريوستات.وبكده سرعة المروحه بتكون بسيطه فى الأول.....ولما بتجيب السرعه التانيه المفتاح بتاع المروحه بيمشى على المقاومه شويه ويستقطع منها (بيقللها ) بحيث يزيد الجهد اللى رايح لموتور المروحه وهكذا مع السرعه التالته لحد ماتكون مقاومة الريوستات بقت صفر وكل الجهد الكهربى اللى رايح للموتور بيشغل المروحه وبكده بتكون المروحه أسرع مع التالت

اقتباس:

---

تكون الثلج معتقدش بياثر على حاجة غير كفائة عمل التكييف

---

تمام كده يا أبو حميد ...........وطالما التكييف شغال معاه كويس من واحد الى تلاته .....يبقى الثرموثتات اللى جنب السربنتينه تمام .............أما عيب السرعه الرابعه فهو ده

اقتباس:

---

السرعة الرابعة للمروحة ليها كتاوت منفصل ممكن يكون مش شغال

---

كلامك ده يا أبو يوسف ....وهو ده الصح بالنسبه للسرعه الرابعه .....والتلاجه شغاله برضه ....بس مفيش تدوير للهواء للأسف بسبب الكتاوت بتاع السرعه الرابعه

ياااااااااااااااااااااااا ااه

فكرتنى بايام ثانوى

http://www.bombayharbor.com/productI...2/Rheostat.JPG

و فى حالة التكييف حيبقى المفتاح زى مفتاح الصوت فى الكاسيت بس له اربع نقاط محددى على المدى الحركى بتاعة... العلم نور برضة

http://media.digikey.com/photos/Ohmi...S%20SERIES.jpg

MMamdouh

اللى أنا مش فاكره بقه هل لو غير الريوستات اللى تحت المفتاح حتتحل المشكله كلها ولا لا ....لأن المفروض المفتاح بيتحكم فى الأثنين كتاوت وتحته الريوستات .............عموما حراجع الموضوع ده تانى مع نفسى .....وبرضه أنصح أخونا الفاضل أنه يغير الريوستات بس الأول ويشوف الأداء ....................وبرضه لو لقيت جديد نحو النقطه الأخيره .......حقول عليه أن شاء الله ............وأشكرك أخى الفاضل : محمد لسعة الصدر

اقتباس:

---

و فى حالة التكييف حيبقى المفتاح زى مفتاح الصوت فى الكاسيت بس له اربع نقاط محددى على المدى الحركى بتاعة

---

تما كده ياباشا .....وربنا مايحرمنا من صورك وتوضيحاتك الجميله

اقتباس:

---

العلم نور برضة

---

ياباشا .....دا أنت البركه كلها بجد والله .........بدون مجامله ..................

سيادة المستشار ممدوح
الريوستات هة عبارة عن شريحة صغيرة خلف درج التابلوة بيضلة شفافة بها بعض المسارات بتاخد كهرباء من سوكت مربع ولكهربائى لما وصل مباشر ولغاة اشتغل التكييف باعلى سرعة
وياسيادة الاخ المحترم المهندس سمير الريوستات خلف درج التبلوة مش تحت المفتاح
بالنسبة انا لما بجيب السرعة الرابعة التكييف بيفصل خالص كانى مش مشغل التكييف
الى عاملى الشغل فالتكييف دة واحد صحبى بتاع تبريد وتكييف ضبطلى التكييف الصراحة تمام وغيرلى الاتنين بلف الى جوة والاساتك الى بين الخراطيم والكمبرزسور
بالنسبة للفيوزات انا راجعت عليها عند الكهرابى قالى ان كلة تمام مفيش حاجة فاصلة
انا سؤالى هل الريوستات دى فيها ترموستات بتتحكم فى فصل واعادة تشغيل الكمبروسر ولا اية؟
لان بتاع التكييف قالى ان الريوستات موجود عليها ترموستات بتخلى التكييف يشتغل ويفصل لما يوصل لدرجة تبريد معيتة الى انا ضابط التكييف عليها فهل دة صح ولا غلط وقالى لو ملقتش الريوستات انة ممكن يعملى ترموستات خارجى من عندة اذاى مش عارف بس قالى ان فايدة الترموستات دى هتنظم شغل التكييف علشان يشتغل ويفصل يريح ويشتغل تانى والكلام دة فرى بدون مقابل منة انا بسال علشان معدلش حاجة فالعربية وكلة يبقى على وضعة ومش عاوز اروح لحد تانى يشتغلنى بس مش اكتر

حسب الكلام الل ىاتقال يبقى الريوستات مكون كهربائى ملوش علاقة بدورة التكييف اساسا لان دة بيتحكم فى سرعة المروحة فقط

و لو الكلام صح يبقى ازاى بتتحكم فى سرعة المروحة فى اللانوس اللى مفيهاش تكييف؟؟

MMamdouh

اقتباس:

---

حسب الكلام الل ىاتقال يبقى الريوستات مكون كهربائى ملوش علاقة بدورة التكييف اساسا لان دة بيتحكم فى سرعة المروحة فقط

---

:كلام سليم...........

اقتباس:

---

و لو الكلام صح يبقى ازاى بتتحكم فى سرعة المروحة فى اللانوس اللى مفيهاش تكييف؟؟

---

سؤال جميل وفى محله تماما ...............أنا راجعت الموضوع تانى فعلا .....وفعلا مفيش أى علاقه بين مروحة التكييف ودورة التكييف نفسها .....................حيث وظيفة المروحه فقط تنحصر فى تدوير الهواء الذى تم تبريده حول الثلاجه الى داخل مقصورة الركاب كالآتى ..........كما نعلم جميعا بأن مفتاح المروحه له أربع أوضاع 1-2-3-4 ...................من 1الى 3 المفتاح على أتصال بشريحه كهربيه ( مكونه من 3 مقاومات متصله مع بعضها على التوالى ومن الرسم شكلهم عامل زى المقاومات اللى بتبقى مطبخه فى الدواير الكهربيه ) وفى بداية ونهاية كل مقاومه على الشريحه طرف للأتصال مع المفتاح (أربع أطراف على الشريحه للأتصال ....ثلاثه مع أوضاع المفتاح التلاته والرابع مع تغذية موتور المروحه ....لأن الكهرباء فى الحاله دى بتيجىء لمفتاح المروحه من الكونتاكت مباشرة )..................حينما نضع المفتاح على السرعه 1 يمر الجهد الكهربى من أول الشريحه مارا بالثلاث مقاومات .....وبالتالى تنخفض قيمته كثيرا ثم يذهب الى ملفات موتور المروحه ومن هنا تدور المروحه بسرعه بطيئه ..................وعندما يتم وضع المفتاح على السرعه التانيه .....يمر الجهد الكهربى خلال مقاومتان من التلاته بتوع الشريحه وينخفض الجهد بس بصوره أقل شويه .....ثم يذهب الى الموتور جهد أعلى من السابق قليلا ....وبالتالى تدور المروحه أسرع شويه ........وعند السرعه الثالثه يمر الجهد الكهربى خلال مقاومه واحده .....فيقل الأنخفاض فى الجهد ثم يذهب الى الموتور فتدور المروحه بصوره أسرع من المرحلتين السابقتين ...........يلاحظ أن الأتصال بين المفتاح وشريحة المقاومات (الصنايعيه بيقولوا عليها تقريبا ريوستات لأن نظرية عملها بتشبه الريوستات الدائرى فعلا ولكن ترتيب المقاومات فى الشريحه ليس بشكل دائرى ولكن فى صورة شريط مقاومات ).......الأتصال بيكون من خلال أسلاك كهربيه فعلا .................................................. ............................................نيجى بقه للسرعه الرابعه .....فى الحاله دى بيمر تيار بجهد كهربى مباشرة من الفيوز ef2 بقدرة 30 أمبير الموجود فى علبة فيوزات الغرفه الى كتاوت السرعه الرابعه ثم آخر الشريحه بعد الثلاث مقاومات ثم موتور المروحه مباشرة ....وباتالى لايوجد مقاومات مشتركه مع ملفات موتور المروحه .....ومن هنا تدور المروحه بالسرعه الرابعه السريعه ................................

اقتباس:

---

فى الحاله دى بيمر تيار بجهد كهربى مباشرة من الفيوز ef2 بقدرة 30 أمبير الموجود فى علبة فيوزات الغرفه الى كتاوت السرعه الرابعه ثم آخر الشريحه بعد الثلاث مقاومات ثم موتور المروحه مباشرة

---

سورى التيار بيجى من الفيوز ثم الكتاوت ثم موتور المروحه على طول وملوش دعوه بالشريحه مع السرعه الرابعه.......... حيث أن وضع المفتاح على الرابع فقط وظيفته بيسحب تيار من خلال كونتاكت العربيه علشان يلقط الكتاوت وذلك بتهييج وأثارة ملفات كويل الكتاوت....يقوم الكويل بشد كونتاكت الكتاوت......وبالتالى التيار بيجى من كونتاكت الكتاوت نفسه الى موتور المروحه مباشرة مارا بالفيوز ef2 الموجود بعلبة الفيوزات...........

يا دكتور سمير
ممكن شوية شوية على المريض
او تكلمنى بالبلد علشان افهم المصطلحات الطبية المكتوبة

اقتباس:

---

بالنسبة انا لما بجيب السرعة الرابعة التكييف بيفصل خالص كانى مش مشغل التكييف

---

طيب جرب كده وخللى المفتاح على الرابع بتاع المرحه ............وشغل التكييف برضه ...............حتلاقى الكمبروسور لقط .....وأنا واثق أن ده اللى عندك ( يافيه مشكله فى الفيوز EF2 أو الكتاوت بس ).............

اقتباس:

---

انا سؤالى هل الريوستات دى فيها ترموستات بتتحكم فى فصل واعادة تشغيل الكمبروسر ولا اية؟

---

لأ

اقتباس:

---

لان بتاع التكييف قالى ان الريوستات موجود عليها ترموستات بتخلى التكييف يشتغل ويفصل لما يوصل لدرجة تبريد معيتة الى انا ضابط التكييف عليها فهل دة صح ولا غلط

---

غلط

اقتباس:

---

وقالى لو ملقتش الريوستات انة ممكن يعملى ترموستات خارجى من عندة اذاى مش عارف

---

الشريحه أو الريوستات عندك شغالين .....علشان أنت بتقول المروحه شغاله كويس من 1 الى 3

اقتباس:

---

بس قالى ان فايدة الترموستات دى هتنظم شغل التكييف علشان يشتغل ويفصل يريح ويشتغل تانى والكلام دة فرى بدون مقابل منة انا بسال علشان معدلش حاجة فالعربية وكلة يبقى على وضعة ومش عاوز اروح لحد تانى يشتغلنى بس مش اكتر

---

هو بيشتغلك فعلا فى الحته دى .........بس كلامه صح فقط بالنسبه لوظيفة الثرموثتات اللى بيبقى جنب التلاجه علشان بيستشعر درجة البروده ويبلغ وحدة التحكم لما البروده تقل ......تقوم هى تلقط كلاتش الكمبروسور تانى...............وأدى شكل دورة التبريد .................والثرموثتات فى أى دورة تبريد هو الخط الأصفر الرفيع اللى عامل زى الشعره وخارج من بلف التمدد EXPANSION VALVE وملمس التلاجه الزرقاء............وموجود زيه فى التلاجه المنزليه
http://img41.imageshack.us/img41/8108/83064519.th.jpg

اقتباس:

---

المشاركة الأصلية كتبت بواسطة kimoo2002

يا دكتور سمير
ممكن شوية شوية على المريض
او تكلمنى بالبلد علشان افهم المصطلحات الطبية المكتوبة

---

طيب قوللى اللى أنت عاوزه .......وأنا شايف أن اللى عندك يا الفيوز يا الكتاوت بس

الشكر لكل من ساهم برد فى مشكلتى
واحب اقول ان المشكلة اتحلت مع تغيير الريوستات الى مكانها خلف درج التابلوة والسرعة الرابعة بتاعت التكييف اشتغلت تمام بس لسة مجربتش انى اشغل التكييف مدة طويلة علشان اعرف بيفصل ويريح الكمبروسور ولا لسة
واخص بالشكر كل من قطلى المنتدى
د/ سمير عياد
أ/ محمد ممدوح

أنا طبعا مقتنع أننا كنا بنفكر صح (سواء أنا أو أخونا محمد ) بناءا على ملابسات عرضك للموضوع ............لأننا بنبنى رأينا على اللى بيتقال لنا وقت عرض المشكله ..............وفى النهايه لك منى ألف مبروك للوصول لحل المشكله ......لأن ده اللى يهمنا فى الأول وفى الآخر ..........وهو الوصول للحل من أجل راحتك................وليس أثبات الذات لأننا بنتناقش من خلف الكواليس بهدف الأقتراب من الحل ومعاينة أى مشكله بتفرق طبعا(لأن التشخيص العملى مفيش شك أنه أدق من النظرى )..............وألف مبروك مره تانيه..........[gdwl]وياريت لو تقدر تصورلنا الريوستات القديم التالف وترفعه .....علشان نتعرف على شكله برضه[/gdwl]

اقتباس:

---

http://i728.photobucket.com/albums/w...untitled-2.jpg

---

دى الدايره الكهربيه لدورة التكييف والمروحه.........وواضح طبعا أن مفيش علاقه كهربيه بين التلات سرعات الأولى والسرعه الرابعه كهربيا.............وبرضه دورة التكييف منفصله عن المروحه.................ده مجرد أيضاح من الكتالوج

السلام عليكم
شكرأ على المعلومات المفيده
انا احب ان الدايو مفيهاش ثرموستات وانما فيها بلف بيركب فى الكمبروسر وده ميزه فى تكييف الدايو
لان الثمروستات مشكلته انه بيحتاج يتغير وهوه بيكون داخل الثلاجه وفك الثلاجه مقرف
انا مهندس كهرباء واول مره اسمع ريوستات؟؟؟؟؟؟؟؟؟؟؟

اقتباس:

---

وانما فيها بلف بيركب فى الكمبروسر وده ميزه فى تكييف الدايو

---

ماهو البلف قدامك فى الرسم يابشمهندس (فى أسفل الرسم من تحت ) وأسمه a/c pressure sensor وهو على علاقه بوحدة التحكم ...........لما الضغط بيقل وحدة التحكم بتأمر كمبروسور التكييف أنه يفصل

اقتباس:

---

انا مهندس كهرباء واول مره اسمع ريوستات؟؟؟؟؟؟؟؟؟؟؟

---

الريوستات فى اللغه الكهربيه يابشمهندس يعنى variable resistance resistor ...........وده فى الرسم موضح تحت مسمى blower resistor وهو عباره عن ثلاث مقاومات متصله على التوالى وبيتم الأستقطاع من هذا المقاوم للجهد الكهربى مع حركة المفتاح من 1 الى 3..........والصنايعيه بيسموه الريوستات علشان كده...............

[ALIGN=CENTER][TABLE....="width:90%;background-image:url('http://www.nilemotors.net/Nile/backgrounds/4.gif');background-color:darkblue;border:3px solid burlywood;"][CELL="filter:;"][ALIGN=center]
شكرأ ياباشا للافاده
ولك جزيل الشكر
[/ALIGN][/CELL][/TABLE....][/ALIGN]

الله يخليك يا أخى الفاضل : المهندس / أحمد.............:satelite: