العربيه دى سرعتها كانت 120 كم/س
وخبطت كلب على الطريق
http://up3.m5zn.com/photo/2009/6/8/04/y1a0cqscp.jpg/jpg
http://up3.m5zn.com/photo/2009/6/8/04/6cel408z0.jpg/jpg
http://up3.m5zn.com/photo/2009/6/8/04/sa6fn4hk1.jpg/jpg
عرض للطباعة
العربيه دى سرعتها كانت 120 كم/س
وخبطت كلب على الطريق
http://up3.m5zn.com/photo/2009/6/8/04/y1a0cqscp.jpg/jpg
http://up3.m5zn.com/photo/2009/6/8/04/6cel408z0.jpg/jpg
http://up3.m5zn.com/photo/2009/6/8/04/sa6fn4hk1.jpg/jpg
اما كلب ابن ... هي هي هي
انا حصل معايا موقف مشابه
كنت ماشي على طريق سريع الصبح
والسرعة 70 - 80 بالشاهين
المهم كلب غبي قرر فجأة يعدي الطريق من الناحية الشمال
انا خفيت السرعة بسيط (انا على طريق سريع!)
المهم خبطت الكلب في رجليه في الاكصدام من الناحية اليمين ومشيت عادي ولا في دماغي والكلب جري مافيهوش حاجة
بعد ما وصلت مشواري ببص بالصدفة لقيد فانوس الشبورة داخل لجوة والاكصدام اتكسر ولمبة الشبورة اتحرقت !!!
دا كلب ابن ........
على فكرة لو عصفورة صغيرة بردة حتبوظ الدنيا
على فكرة من زمان و انا عارف ان عضم الكلاب جامد و اى حكة معاه بتبهدل الدنيا و هوه ولا يجراله حاة .
لا حول الله يارب خدوا بالكم ياجماعه نسبه انتحار الكلاب كترت اوى اليومين دول
صح العبرة بالسرعة مش بالكلب
الكلب كمل وراح المستشفى يتعالج
ههههههههههه
الموقف ده فكرنى بواحد صاحبى معاه اسبارنزا حصله نفس الموقف وهو ماشى على 80 لقى كلب معدى والغريب انه بيقولى ان الكلب كان بيفكر بنفس طريقة تفكير صاحبى ""حلوة ده"" يعنى يجى للكلب يمين الكلب يجيله يمين يجيله شمال والكلب يجيله شمال لحد مالكلب لزق فى الاكصدام وكسره.
للاسف مش شايف حاجه
بس بتمنى السلامه لينا جميعا
الكلاب
من كام يوم عربية نقل خبطت كلب
الكلب مات ونام على الاسفلت فى الحال
كلب تانى قعد يشد فيه ويحرك فيه وعايز يبعده عن الطريق
لحد ما بعده شوية
ربنا يسترها كنت بالمرسيدس ال 200 و ماشى و طلع كلب فى طريق الصعيد و خبطته
تقرير الأضرار
1. شبكة
2. سربتينه تكييف
3. ردياتير المايه
4. الكشافين و الصدر و الكبوت و الزجاج الأمامى
كل ده على 120 كم و بتكلم على مرسيدس 200 موديل 1982
قتلتوا يا مجرم
حصلت معايا بس بالمرسيدس بس اللى الغاظنى ان الكلب مماتش والاكصدام طبعا انتم عارفين دا كلب ابن كلبة
انا مره كنت ماشى بالعربيه البولونيز على 120 ودوست على كلب بس كان ميت اصلا
انا سمعت صوت العضم وهو بيتكسر والعربيه اترفعت وكانت هتتقلب لولا انها تقيله جدا وكمان كنا مسافرين فكانت متحمله جامد
بس طبعا محصلش حاجه فى العربيه دى بولونيز:mahf(5):
i know it is funny and all but try your best to not hit a dog as it is one of gods creatures......
على فكرة الكلب بيفهم تقليب النور مقلبتلوش نور عشان يوسعلك ؟؟؟؟؟؟؟ ههههههههههه
أووووف فكرتونى لما دوست قطة قبل كدة بس أنا ألى غلطان ماشى فى شارع مصدق على 80 كم\س ولقيت حاجة بتعدى فا مستحيل ألحق اقف فا قولت ياعدت يا معدتش انا سمعت صوت حاجة بتعمل طق هههههههههههههههههههه
did you replace it or fix it?
and if u did fix it then you had a great job done to your car
ربنا يستر انا فاكر ابني كان يدوبك لسه بيتكلم و دوست علي قطة و احنا ريحين عند جدته طلع جري قال لها الحقي يا تيتا بابا موت وحدة ست
اة بيفهمو فعلا انت بتقول فيها !
والله انا مش ناسى منظر كلب كان واقف على جنب الطريق كدة وسرحان وبالة مشغول يا عينى .. هديت و فضلت مركز معاة وانا بقربلة واول ما لاقيتة بيتحرك هيعدى الطريق اديتة كلاكس خفيف كدة لاقيتة بصلى ورجع تانى فى منتهى الهدووووء هههههههه
عقبال البنى أدمين قولو آمين
انا لله وانا اليه راجعون
أنا شايف عربية نقل محملة أنابيب دايسة على نص كلب و كان لسه عايش
طول عمر ابويا وجدي يحذروني من 3 حيوانات علي الطريق
الكلب
الحمار
الجمل
والتلاته عضمهم انشف من بعض وبيبهدلوا العربيه
انا مره شوفت بعيني ميكروباص دخل في حمار علي سرعه 80السواق والتلات ركاب اتوفوا فورا والتلاته اللي وراهم راحوا المستشفي في حاله خطيره
والجمل لو استفزيته ممكن يكسر الزجاج بتاع العربيه ويعورك علشان كده بتلاقي في دول الخليج بيقفوا يستنوا الجمال تعدي في منتهي الهدوء
نصيحه حاول بقدر الامكان تبعد عن الحمار حتي وانت واقف لانه لو خبط العربيه بدماغه العربيه هتتبهدل وهوا هيفضل سليم
حمد الله على سلامتك
شكرا لكل الاعضاء اللى شاركوا فى الموضوع
بس الغرض من الموضوع مش موضوع الكلب هو العربيه وتظبيطها بعد الخبطه كان الهدف الاساسى للموضوع
فكرتنى وانا فى السعوديه واحد صديق لوالدى توفى فى حادث عشان خبط نقه حامل بعربيته (لاند كروزر) على طريق سريع
والحوادث دى مشهوره هناك ان لو انت محصلكش حاجه صاحب الجمل يقوللك عاوز تعويض اما لو انت اتعورت او توفيت يقول الجمل مش بتاعى :whtauwant:
بعد كدا نعمل العربيات من عضم الجمال والخيول lol
هههههه . موضوع شيق والله !!، برضه لي تجربة ... بس أنا ماعرفش خبطت إيه ... كان سنة 1995 وكنت مسافر اسكندرية الساعة 2 بالليل بعد ما خلصت شغل وكنت سايق على 120 بعربية إبيزا وخبطت حاجة كانت بتعدي الطريق بسرعة الله أعلم إيه هي، لأ وكمان طارت من فوق سقف العربية!!!!... النتيجة... إكصدام وردياتير ومروحة وجوز الفوانيس وحتة من الرفرف اليمين!!! والحمد لله على السلامة لأني عرفت بعد كده إن كانت إحتمالية دخولها الكابينة عن طريق البربريز الأمامي كبيرة جدا.
عافانا وعافاكم الله.
تحياتي.
عربية نص نقل دبابة خبطت كلب وعديت عليه علي الطريق الزراعي والنتيجة اكصدام وريداتير وكارتيرة الزيت اتهشموا تماما دا غير العفشة..........احذروا الكلاب والحميرررررر
ههههههههههههههههههههههههه ههههه
موتوني من الضحك بجد
انا كنت هتقلب من قوة الفرملة و العربية عومت تعويمة سوده علشان ماخبطهوش
كلاب اخر زمان
الكلاب زمان كانت متربية عن كدة
بس الله ينور على رشه الاكصدام
هههههههههههههههه
فكرتونى بحكاية بس الحمد لله
كنت مرة ماشي جوة البلد فى الاسماعيلية
المهم ماشي على تقريبا 75 لقيت بقرة بتجرى ووراها واحد
المهم مسكت فرامل على الاخر وطبعا مقلقوش على التعويمة لانى وجهت الطارة شمال علشان القرة كانت فى نص العربية
لقيت البقرة اتفزعت من صوت زعق الكاوتش فى الارض وراحت نطة لفوق وكانت هتنزل على العربية لكن ربنا ستر الحمد لله