سؤال محيرنى: ياترى فيه أى بلد فى العالم غير مصر لما تكون سايق فى اى مكان فيها وتلاقى أمامك عائق وتحب تفرمل،لازم تبص فى المراية الأول وتطمن ان الفرملة لن تسفر عن إن المتخلف اللى لازق فى قفا عربيتك لن يحول شنطة سيارتك الخلفية الى أشلاء؟
عرض للطباعة
سؤال محيرنى: ياترى فيه أى بلد فى العالم غير مصر لما تكون سايق فى اى مكان فيها وتلاقى أمامك عائق وتحب تفرمل،لازم تبص فى المراية الأول وتطمن ان الفرملة لن تسفر عن إن المتخلف اللى لازق فى قفا عربيتك لن يحول شنطة سيارتك الخلفية الى أشلاء؟
بجد يا أبو السباع أنا بقلق أوى من الفرامل دى دايما لازم أبص فى المرايا ميين ورايا و راكب عربية إيه و واحده ولا واحد لآن الخبطة من ورا دى ربنا ما يورينا ولا يكتبها علينا بتبقى رزع و شاسيهات و بهدله
بس أعتقد ده فى المحروصة بس مش أى مكان :arrow:
هى دى مش قاعدة عالمية فى المرور؟
القانون هنا اقصد في فرنسا بيقول اني لازم ابص فى المرايه اذا كنت اول واحد هاقف كما فى الاشاره علي سبيل المثال اما اذا كان فيه خطر مفاجىء او هاخبط اللي امامي يبقى افرمل لان اذا خبط اللى امامى فانا غلطان اما اذا اتخبط من الخلف فانا صاحب الحق ويوجد هنا عقبال عندكم ما يسمى بمسافة الامان التى يجب تركها وهذه المسافه تتناسب طرديا مع سرعه السياره وتحاسب عليها في حالة حدوث حادث او مرور دوريه مثلا
وده طبعا بيقرفني لمل باكون راكب سيارة فراملها abs يادوب تشعير للفرامل واحيانا ادوس واسيب----لان مش كتير عربيات فيها abs-ربنا هو الستار وعليك ودعاء السفر كلما ركبت السيارة
dr/ehababdelhafeez
اسبرانزاااااااااااااااااا ااااااااااااااااااوي رقم31
من المفضل إن الواحد يهدى قبل المطب بمسافة كافية
وده فى حالة المعرفة السابقة بالمطب وطبعا حتلاقى اللى وراك عمال يقلبلاك نور
وحتلاقيه فجأة راح كابس بنزين ومعدى من جنبك بسرعة
ويروح لابس المطب بس طبعا حيكون حاسس بالنصر
أما فى حالة عدم المعرفة بالمطب أكيد حيتاكل
:lol:
محاوله لتجنب كل هذه الأخطار اول مابعرف ان فيه مطب او افاجئ بيه باروح مشغل لمبات الأنتظار ( الفلاشر الخاص بالتحذير) و ده بيفرق كتير مع اللى وراك و اول مابيشوف الفلاشر ده بيهدى على طول و يمكن قبل ماتدوس على الفرامل و فعلا هو ساعات بيبقى اهم من نور الفرامل لأن لما بتدوس فرامل اللى وراك مش عارف هاتهدى بس وللا هاتقف و للا هاتقف فجأه و وللا فيه حاجه معديه امامك و هو مش شايفها و ممكن يحاول يطلع منك يمين او شمال انما لو الفلاشر هاتلاقى كل اللى وراك ابتدى يهدى و مش هاتلاقى حد طالع من يمينك او شمالك .........
a7'ookom
Sherif
شرط من اهم الشروط فى القيادة انة وقبل ان تدوس على الفرامل لابد وان تنظر فى المرايا--بالظبط زى ما تكون نازل من السيارة لازم برضة تنظر فى المرايا اللى على شمالك--الفكرة اللى بيقولها شريف هى من ضمن الحالات التى يحق لك فيها استعمال -لمبات الانتظار--
اول لما تلاقى خبطة من النوع ده تعرف ان انت اكييد اكييد فى مصر
فى اى حتة تانية فى الدنيا من قواعد المرور انك تسيب مسافة كافية بينك وبين العربية الى ادامك عشان اى فرامل مفاجأة وعلى فكرة فى امريكا فى ولايات معينة ممكن تاخد مخالفة لو انت مش سايب مساحة كافية بينك وبين الى ادامك
لمبات الانتظار هي احسن وسيله وانا اعرف علي حد علمي ان المسافه السليمه بين العربيات هي 4 متر لكل 10 كيلو سرعه تقريبا