اليوم سالت عن مشط الكتروني للشاهين الراجل قالي في ب 150 و 125 و115 و90 و 60 صيني يا تري الافضل ايه منهم عن تجربه اي صناعه افضل ان الواضح انهم انواع كثير قول تجربتك ...........:colsmil:
عرض للطباعة
اليوم سالت عن مشط الكتروني للشاهين الراجل قالي في ب 150 و 125 و115 و90 و 60 صيني يا تري الافضل ايه منهم عن تجربه اي صناعه افضل ان الواضح انهم انواع كثير قول تجربتك ...........:colsmil:
كل انواع الامشاط للشاهين مضروبه بتشترى انت وحظك
وعموما الثقه عندى منعدمه تماما فى الصينى
الله يعينك
هو كله صينى صينى صينى مافيش تايوانى (على وزن هو كله ضرب ضرب ضرب مافيش شتيمة؟)
الصينى انت وحظك ممكن تجيبه ويعيش العمر وممكن تجيبه وميروحكش البيت، كل اللى اقدر انصحك بيه انك اشترى المشط اللى شكله انضف، ولو اشتغل معاك وكان كويس اشترى واحد تانى وخليه معاك احتيطاى واتعلم ازاى تغيره
بس لو تلاقى حاجة من بلد تانية هتكون افضل، ودور هتلاقى ،لأن الفكرة ان بياعين قطع الغيار بيحاولوا يسدوا عليك السبل عشان تشترى القطعة الصينى لانه بيكسب فيها الدبل ، لكن لو رحت لحد متخصص هتلاقى قطع اصلية، جرب الكيلانى فى شارع شامبليون وهشام لهيطة فى شارع زكى فى وسط القاهرة
على رأى أخونا محمد ممدوح : شعار المنتج الصينى ....أشترينى وأرمينى ...........هههههههههههه
هوا ايه المشط الالكترونى ده و بيعمل ايه
المشط الألكترونى ....وظيفته بيأخد فولت البطاريه الصغير ويقطعه ويوديه للبوبينا (لأن البوبينا بنعتبرها محول لرفع الجهد الكهربى وعلشان نرفع الجهد لازم يتم تقطيع الفولت بتاع البطاريه جوه المشط ....لأن أى محول كهربى بيشتغل على تيار غير ثابت الموجه .....متقطع يعنى ) علشان يتم رفع ال12 فولت الى آلاف الفولتات العاليه(جوه البوبينا الأول ) اللى حتروح للأسبراتير ويوزعها على البوجيهات ( وهو بيقوم بنفس دور الأبلاتين والكوندسر فى الأسبراتير العادى )...........يعنى بيقوم بدور الأبلاتين تقريبا ............بس بطريقه الكترونيه
فيه مشط تركى انا جايبه وزى الفل ي110 وربنا يوفقك
و لية صيني يا عمنا
انا جايب الإية سي الإيطالي من عند الكيلاني بـ 100 جنية و علي فكرة بتاع الأونو هو هو بتاع الشاهين حسب كلام الكهربائي بتاعي
روح هاتة انا لسة مغيرة من شهر و الدنيا زي الفل
حتلاقي الماجنيت ماريللي عامل 130 تركي
التركي حلو
هات الاصلى وفى واحد اسمه كمال مهران فى التوفيقيه عنده الحاجات الاصلى بتاعه الشاهين
لالالا هاتو من عزبة شلبى استيراد الفابريقه لو بقالو عمر انا شغال بواحد من عزبة شلبى وربنا يديمو ويعيش العمر
البياع ده اكيد بيستعبط
معظم قطع غيار الشاهين
فى منها الايطالى والتركى والمصرى والصينى
وفى حاجات المانى كمان
بس انت وامكانياتك فى الشراء
بس نصيحه ماتستخسرش علشان يعمر معاك
السلام عليكم انا رايى ان الكهربائي ايللي هيشتغل في العربيه هو ايللي يحدد احسن نوع لانه اكيد جرب كتير وعارف الحلو من الوحش بخبرته
السلام عليكم ياباشمهندس سمير
حضرتك بتقول ان المشط الالكترونى بياخد فولت البطارية وبيقطعه وبيودية للبوبينه
وكمان حضرتك بتقول انه بيعمل عمل الابلاتين اللي فى الاسبيراتير الميكانيكى العادى
انا كده اتلخبط
طيب هو موجود فى العربيات القديمة على اساس انه بيقوم بوظيفتة بين البطارية والبوبينة؟
وعليكم السلاماقتباس:
السلام عليكم ياباشمهندس سمير
يامتر
أتمنى أن تكون بخير
نعم هو وسيط بين البطاريه والبوبينا وخط أنتاج البوبينا سيتعطل عند حدوث عطب للمشطاقتباس:
طيب هو موجود فى العربيات القديمة على اساس انه بيقوم بوظيفتة بين البطارية والبوبينة؟
المشط الاكترونى مش موجود فى العربيات القديمة لان فى السيارات القديمة بها ابلاتين وهو الى بيقوم بتقطيع فولت البطارية المستمر حتى يمكن تكبيرة داخل البوبينة وهذا العمل يقوم بة الابلا تين فى السيارات القديمة والمشط الاكترونى فى السيارات الحقن الاكترونى
طيب على كده بقى المشط الالكترونى دقيق اكتر من الابلاتين فى ضبط توقيت الشرارة؟
كمان اذا كان الابلاتين بينظم توقيت الشرارة عن طريق عمود الكامه
امال المشط الالكترونى بيعمل كده ازاى؟
نصيحة ابعد عن الصينى تماما مهما كان سعره مغري