الموضوع: رجه

جهاز الترصيص ده لا يعطى نفس (الوزن الدقيق) اللى بيديه جهاز الترصيص العادى (free run) ده لأنه اثناء الترصيص و هو بيلف العجله ما بيحسبش معاه الإهتزاز الناتج عن مثلا البلى أو العفشه (unsprung mass) او بالأصح بيضيفها معاه فى الحسابات و هو (موش واخد باله)
لو انت رصصت باستخدام الجهاز ده و رحت تانى ترصص عادى هتلاقى فرق و كبير كمان ممكن مش فى وزن الرصاص ممكن فى مكان الترصيص
لذلك انا هرتب الخطوات الصحيحه للترصيص حسب خبرتى البسيطه (و التجربه خير برهان)
1- لو الأخت (rasha96) مركبه جنوط سبور لازمن تفحص الرنجات كلها و تشوفها سليمه و لا لأ و مقاسها مضبوط و لا لأ و اذا مكانش فى رينجات لازمن تركبها و بالمقاس الصحيح و اذا ملقتش المقاس المناسب متتسرعش و تركب اى حاجه (كأننا معملناش حاجه) نروح عند الخراط و نعملهم هيتكلفو حوالى 100 جنيه
2- نرصص الكاوتش و انتى بترصصى قولى للفنى ان الرجه بتيجى عند سرعه عاليه <120 و شوفى رأيه ايه فى الكاوتش (هل فيه لوٌحه الخ)

3- لو استمرت الرجه نروح نربط عفشه و نختبر المساعدين (بيبقو خطر جداً لو هما فعلا بايظيين)
4- بعد ربط العفشه نضبط زوايا "مهم"(و اللى هتختلف كتير لو ضبطنا زوايا الأول و بعد كده ربطنا عفشه)

مهم ضبط ضغط الهواء للكاوتش (لو عالى قوى هيحسسك بخشونة الطريق بصوره رهيبه و تلاقى العربيه "بتتنطط" على اى مطب صغير و اللى ممكن نعتبره رجرجه لو على طريق سريع)

لو حصل بعد ما رصصنا الكاوتش انك قمت بفرمله جامده (الكاوتش صرخ) لابد من اعادة الترصيص لأن فى جزء من مادة الكاوتش قل و بالتالى هيضيع التوازن بتاع الترصيص اللى فات
ارجو اكون وضحت الموضوع بصوره سهله