الموضوع: أسعار الفيات الزيرو في الخارج

شكرا يا أخ مكا على التفاعل و لكن هل فارق السعر كبير هكذا بين التجميع التركي و التجميع الايطالي ؟؟؟؟؟؟؟؟؟؟

يعني المفروض أن سعر لينيا يكون حوالي 55 أو 60 الف بحيث لو أضفنا 40 % جمارك و 15 % ضريبة مبيعات و 5 %

تنمية موارد و شحن توصل في الآخر ل 95 الف بأعتبار ان هامش ربح التاجر هو هو .

فهل لينيا الايطالي بما يوازي 82 الف و التركي 60 الف يعني الفارق بينهما أكثر من 22 الف جنيه لفارق التجميع

بين تركيا و ايطاليا ؟؟؟؟؟؟؟؟؟؟؟

اليست بلد المنشأ واحدة و التجميع التركي يتم تحت اشراف ايطالي ؟؟؟؟؟؟؟؟؟؟؟؟

أنا حاسس أن فارق التجميع لا يستحق كل هذا الفارق في السعر و الا أيه رأيك ؟؟؟؟؟؟؟؟؟

لا هى اللينيا عموما بتتقفل حاليا فى تركيا و البرازيل و الهند , الى بتنزل مصر التركى .... هى خامتها على فكره جيده جدا و لكن اقل من الجراند بونتو على سبيل المثال .

الفكره فى السعر ان التوكيل بيحصل على العريبه بسعر مخفض + ان اسعار بيعها فى اوروبا بيبقى اساسا مضاف عليها ضرايب.فبتنزل هنا بالسعر ده ,

المشكله ان الناس ماتعرفش ان العربيات الاوروبى تمنها فيها و ك تكنولوجيا احسن و عوامل امان افضل , عكس بعض السيارات الكورى و اليابانى الى بيكون فيها نسبه ربح اكبر و التوكيلات فى مصر مش بتهتم انها تنزل عربياتها فىها عوامل الامان .

الاخوة الافاضل

أنا لي رأي في موضوع الاسعار أنا يهيئ لي ان الكلام اللي كنا بنسمعه عن انهيار الاسعار في الخارج غير منطقي بدليل الاسعار التي عرضتها و اللي هي مقاربة لاسعار بيع الزيرو في مصر لو أضفنا الجمارك و الشحن .

يعني سمعنا كلام على ان اللي يشتري عربية يأخذ ثانية مجانا و انا بحثت في النت لم أجد هذا العرض في أي موقع من مواقع السيارات كما ان اسعار الزيرو في الخارج نزلت حاجة بسيطة جدا .

يعني أنا زي ما قلت كنت متخيل أن الينيا زيرو في أوروبا تعمل في حدود 60 الف جنيه ( حوالي 8 آلاف يورو ) لقيتها في حدود ( 80 -85 ) الف حوالي ( 12 الف يورو ) و نفس الشئ عن الجراند بونتو و حتى الرينو لوجان التي تباع في الخارج
على انها داتشيا لوجان ثمنها زيرو في رومانيا حوالي 51 الف جنيه لل 1600 سي سي مانيوال .

يعني أنا حاسس أن تخفيض الاسعار اللي الناس مستنياه مش هيحصل الا في حالة واحدة و هي رفع الجمارك و في رأيي أن الاحسن للي عايز يجدد يجيب مستعمل بحالة جيدة لان الزيرو مش هينزل قبل عدة سنوات مع الغاء الجمارك على الاوروبي .

يا جدعان و ربنا الكلام صح

الفارق يا سادة مش سعر العربيات، الفارق فعليا مستوي الدخل

يعني لما تدفع قسط 300 يورو لعربية في أوربا دة مش مبلغ اساسا لأن مرتبك بأي حال مش حيقل عن 1500 يورو

يعني مثلا في امريكا امازدا 3 كان تمنها حوالي 18 الف دولار يعني تقريبا 100000 جنية، يعني الفارق بين السعر هنا و هناك حوالي 15 الف مثلا

كل المسألة ان مستوي الدخول هناك مختلف عن هنا بمراحل

و ياريت الناس متقارنش بأسعار المستعمل برة لأن الصيانة برة غالية جدا و مكلفة جدا

و متنسوش يا سادة انكم هنا بتشتروا البنزين برخص التراب، لتر البنزين في أوربا بيعدي اليورو، مستعدين تشيلوا الجمارك و تدفعوا بنزين بالأسعار العالمية؟؟؟؟؟