هزة في الدركسيون بعد تركيب الكبالن
غيرت الكبالن اللي عندي .. وبعد السؤال عن الأنواع الكويسة الموجودة في السوق .. كل الناس اجمعت ان الموجود في السوق كله مضروب .. ومضروب بمضروب نصحوني اني اجيب الكبالن الصيني وأهي تقضي الغرض وشغالة عن تجارب .. وأهي تاخد وقتها وبعد كدة تتغير لو نزلت حاجة نضيفة .. المهم اشتريت الكبالن الصيني وركبتهم .. وكنت محتاج أظبط زوايا قبل تغيرهم لأن كان فيه حدفه يمين في العربية بس مش بشكل كبير .
الحدفة دي زادت بعد تركيب الكبالن .. وزاد عليها أني بقيت حاسس وانا ماشي أكن في حد ماسك الدركسيون وبيحركه ناحية اليمين على خفيف (اكن واحد بيعلم حد السواقة وماسك معاه الدركسيون وبيعدله مسار العربية).. وده بيحصل لو مشيت على حته مكسرة شوية أو الأرض فيها حتت طالعة ونازلة إنما في الطوالي والأرض مستوية مبيحصلش الكلام ده أو بتخف حدته بشكل عام .. المهم رحت ظبطت الزوايا والحدفة فعلاً قلت شوية (بس مرحتش) وحركة الدركسيون دي لسه موجودة :U_thin1[1]:
المهم ناس قالت ليا ان فردة الشاسية اليمين ممكن يكون فيها شرخ صغير :K_crying[1]: ودي بسيطة وبتتلحم .. وناس تانية بتقولي علبة الدركسيون (بس هي شبه جديدة مبقالهاش سنة ونص) .. وناس تالتة بتقولي روح عند حد نضيف وأظبط الزوايا تاني ويقولك على المشكلة فين :rfds:
افيدوني افادكم الله .. لأني من ساعة ما سمعت حكاية الشرخ في فردة الشاسية دي وانا بطني مكركبة .. مع العلم أن العربية 128.. وشكراً لمروركم مقدماً .