المشاركة الأصلية كتبت بواسطة semsem kane
تمام ماتورها قوى على البودى بتاعها ودة اللى مخليها سحبها حلو اوى ,بس فى مقابل مافيش اتزان ,فرامل ضعيفة ,بودى خفيف جدا ,وصغير جدا
بس اغلى من الصينى ودة بردة اللى يقلقك من الصينى امكانيات كتير مع سعر قليل جدا
ولو هانقول ان المفروض دة يبقى سعر العربيات عندنا ,وان العربيات الموجودة حاليا بجميع انواعها مبالغ فيها طيب ماهو اللى هايمشى عليها هايمشى على الكل,اشمعنا الصينى اللى بينزل سيارات سعرها 65 الف جنية وفيها ايرباج وabs.ebd واوبشن تانى كتير مش هتلاقية الا فى عربيات معدية ال130.000 الف جنية وبتبقى اوسع منهم ونازلة بفخامة جامدة جدا ,دة نفسة يخليك تشك ان فى حاجة غلط فى العربية ,سواء بقى من عوامل امان ,او عمر افتراضى لقطع الغيار ,او وجود عيوب بتظهر بعد كثرة الاستخدام ,
يعنى لو هانقول الاسبيرنزا a620 انا ماشوفتش فى حياتى سيارة بالوسع دة ,وفيها كمية اوبشن ,وفرش جلد عالى جدا فى الجودة ,وكل دة وب 107 الف جنية ,دة بقى تسمية اية ,وكمان نازلة بنظام gps وتلات شاشات دى فى دى ,وكراسى كهرباء وزينون ,وكسوة جلد للتابلوة والطارة ومقبض فرامل اليد , متهيالى لازم تلاقى عدم ثقة وكل دة قدامك وبالسعر دة