الموضوع: طبلوه ال 405

السلام عليكم ورحمه الله وبركاته
أنهارد أنهيت رحلة معانى أستغرقت يومين فى فك تابلو ال 405 وتغير اللباد اللى وراه وتنظيف الكوييل
ونظرا لتجربة أخونا الحبيب محمد عبد الحمن (حرفوش ) فى الأعتماد على النفس لأصلاح وصيانة السيارة
فدفعنى للمضى قدما لخوض هذة التجربة
وعملآ بمقولة المطرب( طارق الشيخ كافى ناااااااااااااااااااااااا اااااااااافسك) اللى الناس قرفنا بيها فقررت ان أعتمد على نفسي وفكيته والحمد لله
على فكرة الموضوع سهل جدا بس عاوز صبر وطولة بال يعنى تبص للموضوع بوجه عام تقول يأنهار ابيض طبلوه معقد ضفيرة كبير فيش كتير ممكن لخبطة ممكن حاجه تتعطل بعد التركيب كانت شغاله الاول كل الوساوس ديه
بس خلى بالك كل ده معرض ليه الصنيعي اللى بيركب برضه يعنى متفتكرش هو حافظ هوبيشغل دماغة وكمان مش قلبه على الحاجه يعنى ممكن يكسر أى حاجه فى الفك والتركيب لكن انت هتكون طبعا احسن واحد يحافظ علي ماله وده كان السبب الأساسى وكمان اكتساب خبرة فى الحكاية ديه
خصوصا انى فكيت كل مسمار فى عربيتى وعملت فيها كل حاجه بنفسي وحافظ فيها كل حاجه بس الطبلوه هو الوحيد ألى متحلش ولآ مرة فكنت متغاظ منه بسبب أو منغير سبب
وكمان كان بيجيب سخونيه فى الدوسات وكمان بيأثر على التكييف ففكرت وقررت
المهم الحكايه سهلة بمعنى أصعب حاجه فى الليله دية الضفيرة كبيرة قوى فيها فيش كتيييييييييييييييييييير وعملاقة ومتشعبه فى كل حتة وخده التبلوه من الشمال لأخر اليمين
أهم حاجه تحسن ان الجماعة المصنعين عملين حساب الفك بمعنى كل فيشه ليها لون ولما تفكها تلاقى مكانها بنفس اللون أو عليه علامة بنفس اللون
كمان فية مسالك ومسارات بتمشى فيها الضفيرة وبيتقفل عليها بفبرة
عندك لما تفتح الكبوت للطبلوه تلات مسامير تحت المسحات واتنين فى الجنبين فى القايمين اللى قدام تحت واتنين فى الصدر للكويل بعد فك خراطيم الفريون والميه وفك مسامير تثبتهم
فك فبرتين اللى تحت البابين اليمين والشمال الأماميين وهما ركبين بمسمار أفقى فى وسط القلب واالباقى مشابك كابس وكمان فبر اللى فوق اللى على القايم برضة كبس
نخش على الطبلوه من جوه
فك علبة الطارة بفك العلامه والصامولة التثبيت تحتها وفك علبه الدريكيون بخمس مسامير من تحت
فك دراعين المساحات والنور
فك طقم العدادات بثلاث مسامير اتنين فى الطرفين وواحد فوق
فك القطمة بفك مسمارها المتحرك فى الدواسة وكمان أربع مسامير فى حديد علبة الدريكسيون
فك حديدة تثبيت الدريكسيون بأربع مسامير فى الصر من خلف البطارية
خلع عصا الفتيس فك مسامير تثبيت الكنصول ورفع الهاند وخلع الكنصول

فك الكاسيت و فك الباب بتاعى برفق من الجانبين
فك مسامير تثبيت لوحه التكييف وهما تلاتة الأول فوق الهوايتين الكبار تلاقى غطا على اليمين أخلعة بمفك ساعة صغير هتلاقى وراه مسمار كبير وكمان اأتنين تحت مربع التحكم بتاع التكييف وكمان ويرين فى الترس واحد فوق والتانى تحت زى بتوع سلك فرامل العجله وتثبتين بكابسات حديد فك الكلبسن ووأخلع صمولة الوير من مكانها
فك فبرة عصا الفتيس بأربع مسامير رأسية ومسمار الحركة من أسفل دلوقتى بقى كله أتفك
تيجى بقى على فرشه الدواسة ورجعها لورا
شد الطبلوه من النص برفق ونزله على وشه على الكرسيين اللى قدام
دلوقتى الضفيرة بانت قدامك فك علبها و مواسير التكييف
وفك الفيش فيشه فيشة وسلك الضفيرة خارج الطبلوه طلع الطبلوه بقي يا معلم برا العربية
لو اللبادة فيه قطع عالجة وأقفل جميع المنافذ لو حالته وحشه غيره وريح دماغك ب 150 ج
هتلاقي بقي الطبلوه مليان تراب ووساخة نضف بقي يا معلم
خش على الكويل وفك مسامير وهما اتنين فى الناحيتين اليمين والشمال كبار ألنكيه أصفر أمسك الكويل وأتوصى فى نضافته أنا شخصيا شكل خناقنى خته وطلعت على البنزينة وبمسادس الميه وغسلته تمام
بقي زيرو وأرجع ركبه فى الطبلوه ودخل الطبلوه زى مخلعته على وشه فوق الكرسيين اللى قدام
وأبتدى رجع الضفيرة مكانها وركب الفيش فى أمكانها وقفل عليها مواسيرها وركب فوقيهم مواسير هوا التكييف
رجع كل فيشه فى مسارها بمعنى فيش العدادات الستة كل تنين من ناحيه يعنى اليمين نفد اتنين ومن النص اتنين وكذالك الشمال وكمان وير السرعة
تلات الفيش بتوع الأنتظار والشبورة والسخان الأزاز الخلفى كل واحد نفده فى مكانه
فيشه لوحة التكييف برضة
رجع بقى زى مخلع بس برفق وخلى حد يبص على الصدر من قدام عشان مواسير الكويل يظبطها معاك
لحد ميركب مكانه وتبتدى تربط كل اللى فكيته

والسلام ختام