ممكن اعرف اعمل ايه بالظبط انا عربيتى دايو لانوس بطاريه جافه هسيبها لمده اسبوع للمصيف اسيبهل عادى ولا فى حاجه معينه اعملهاعلشان مفيش حاجه ممكن تبوظ وشكر ليكم مع العلم انى هسيبها فى الشغل ومينفعش اسيب المفتاح لحد علشان يدورها ولا حاجه
عرض للطباعة
ممكن اعرف اعمل ايه بالظبط انا عربيتى دايو لانوس بطاريه جافه هسيبها لمده اسبوع للمصيف اسيبهل عادى ولا فى حاجه معينه اعملهاعلشان مفيش حاجه ممكن تبوظ وشكر ليكم مع العلم انى هسيبها فى الشغل ومينفعش اسيب المفتاح لحد علشان يدورها ولا حاجه
طالما المده أسبوع والبطاريه جديده ......فيمكنك تشغيل السياره قبل التخرين مباشرة لتنشيط البطاريه وتأمين شحنتها .....وبكده تبقى تمام أن شاء الله ............
للامان امام حلين وعن تجربه فعلا عن تجربه واسال واتاكد
1*افصل الكابل الخاص بالكهرباء ( + ) وبكده البطاريه تفضل زى كا هى
2* انك تسافر بالعربيه وتخليها معاك
ها ؟
من رأيى للمره الثانيه عدم فصل البطاريه .......لأن المده قصيره ....وفى نفس الوقت لعدم حدوث خلل فى سرعة السلانسيه حينما يتم تركيب كابل البطاريه لو تم فصلها( بعد العوده من المصيف بأذن الله ) .....وستحتاج عمل أيدل ليرن لو فصلت البطاريه ......[gdwl]لأن دى عربيه حقن ألكترونى مش كربوراتير عادى [/gdwl].......دا غير أن البطاريه عندى بقالها سنتين ونصف ............وساعات بسيب العربيه من غير دواره لأكتر من أسبوع ...........بس أهم حاجه تكون مطمن أن الدينامو شاحن البطاريه معاك كويس قبل التخزين والذهاب للمصيف .....وأى كهربائى ممكن يطمنك على الدينامو بسهوله جدا وأنت واقف فى 5 دقايق ......................
فعلا حكاية انها حقن او كاربيراتير مهمه جدا للاسف مااخدتش بالى من الفرق لأن اللى عندى كاربيراتير , الله ينور يا م سمير
وعليك يا أخى...............
انا بأستخدم عربيتي مرة واحدة في الاسبوع ومفيش مشاكل لان البطاريه الجافه ممكن تسيبها فترة من غير تشغيل
الف شكر يا جماعه ربنا يخليكو للمنتدى وشكر خاص للمهندس سمير ان شاء الله لما اجى طالع المصيف هروح للكهربائى اطمن على الدينامو وابقى اسافر وانا مطمن
الله يخليك يا أخى .....وعاوز أطمنك برضه ....أنى طالع مصيف زيك يوم 26 /6 .................وحسيب البطاريه فى العربيه بدون عمل أى شىء ......يادوب حعمل مشوار بسيط للتنشيط (نهارا مع عدم تشغيل الكاسيت وخلافه ) للأستفاده من كل خرج الدينامو للبطاريه قبل التوقف الأخير ..................
تروح وتيجى بالف سلامه يا باشمهندس بس انا لسه طالع يوم 14/8 بس حبيت اعرف من دلوقتى وجزاك الله كل خير
الله يخليك يا أخى وشكرا لزوقك ...........وبرضه تروح وتيجى بالسلامه أن شاء الله ............
طب انا كنت عايز اسأل يا باشمهندس سمير
هل عمل ريسيت للecu عن طريق فصل الفيوز.... و العربيه مبطله طبعا ....لكن بدون فك كابل البطاريه يتطلب عمل برضه ايدل ليرن؟
بعيدا عن الموضوع..تروحوا وترجعوا بألف سلامة إن شاء الله
أهم شىء تقصد أى فيوز يا أبو حميد .....لو بتكشف على أى فيوز غير بتوع وحدة التحكم ........فده عادى ولايتطلب عمل أيدل ليرن ( أو ريست )لأن الذاكره شغاله ومحصلهاش حاجه نهائيا ..................وبرضه عاوز أقولك أن تنفيذ الأيدل ليرننج لأزم بيكون فيه جانب تشغيلى للمكنه برضه .....وسيستم معين (علشان وحدة التحكم تتعرف على حمل التكييف وقت السلانسيه ) والحته دى مهمه جدا .............وقد يغفل عنها الكثير للأسف ...........ويلاقى المكنه بتنخع معاه والسلانسيه مش مظبوط لما يحب يشغل التكييف وقت السلانسيه دا لو كان فصل البطاريه أو فصل فيوز وحدة التحكم ....ورجع عمل ريست بطريقه غير علميه ................يعنى طريقة بليه .....هههههههههههه
أحتمال يكون الdeigen بتاع ذاكرة وحدة التحكم عندهم مش من النوع اللى عندنا فى الدايو ............لأن أحنا عندنا الذاكره من النوع RAM اللى الداتا المخزنه جواها بتفقد مع فصل التغذيه الكهربيه عن وحدة التحكم .......وبالتالى فى الدايو لابد من الأيدل ليرن ( لو تم فصل الفيوز أو البطاريه )........................يعنى الموضوع ليه علاقه برضه بتصميم الوحده بدون شكاقتباس:
اقصد فيوز الecu اللي في علبة الفيوزات اللي قدام
شفتها علي فورم لهيونداي اجنبي
بس ماكانش قال هو عمل ايدل ليرن و الا لا
بناء على الكلام السابق ........فاكيد بتختلف من تصميم لتصميم فى حالة الذاكره الRAM ولكنى أعتقد أن معدل الحيود مش حيكون كتير برضه ( هذا والله أعلم ) لأننى برضه بحلل من خلال أطلاعى على التحكم الألكترونى فى الدايو عامة ................اقتباس:
طب هي طريقة الايدل ليرن واحده و الا بتختلف من سياره لاخري؟
الله يخليك ياأبو حميد .............ولو ليك COMMENT ...أو لديك أضافه فياريت تقولهالى ............واكون شاكر طبعااقتباس:
و شكرا مقدما يا باشمهندس سمير
الله يخليك يا أبو حميد ............وأشكرك لزوقك
با ش مهندس سمير هما بتوع الاسماعلية بيصيفوا فين ده انتم مصيف طول السنة و كل سنة و حضرتك و الاسرة بالف خير و صحة و ترجع بالسلامة
ياباشا ...أنا من الغربيه ....ولكن شغال بالأسماعيليه ....والأسماعيليه على القناه وبحيرة التمساح ( يعنى شوية ميه على القد ) أنما العريش على البحر الأبيض المتوسط ..............فهناك فرق ........ولايفوتنى شكرك على الزوق دا كله
لو سمح المهندس سمير : اعمل ايه لو عاوز اسيب العربيه اسبوع بس البطاريه مش جافه.
مع الشكر
أنا عاوز أطمنك أولا أنى كان معايا أوبل فكترا مانيوال ......وكربوراتير عادى ............وشحنت البطاريه بدينامو العربيه ............وبعد كده رفعت البطاريه وحطيتها على قطعة خشب فى مكان جاف لمدة شهر (لأننى كنت فى بعثه لليابان )......ولما رجعت ركبت البطاريه تانى .....وأشتغلت العربيه عشره على عشره (ولكن للأمانه كان عمر البطاريه حوالى سنه تقريبا وكانت حمضيه ....بس كنت على طول كل شهر بقيس كثافة الحامض بالهيدروميتر بنفسى )...............علشان كده .......لو الدينامو تمام .......سيب بطاريتك راكبه فى العربيه بعد ماتطمن لكثافة الحامض وأشحن وتوكل على الله ...........طالما المده بسيطه كده وأسبوع ...........دا أنا حاليا بسيب البطاريه بأكثر من أسبوع وراكبه وبقالها حوالى سنتين ونصف عندى
الف شكر لحضرتك...
الله يخليك...............
طيب انا البطارية كانت نامت منى فهل المفروض انى اعمل ايدل لرن وهوة اساسا بيتعمل ازاى وفين واية فايدتة؟
ولكم خالص شكرى
الأيدل ليرن يا أستاذ: أحمد .............الهدف منه أعادة تنشيط ذاكرة وحدة التحكم ....لبداية دورات سلانسيه مظبوطه ( وده بيتم بعد ماتفصل فيوز وحدة التحكم أو الوحده نفسها أو تغير البطاريه ).......وأدى طريقتهبس على فكره لو معندكش مشاكل فى دورة السلانسيه ( وبالذات مع تحميل التكييف وقت السلانسيه ى) فسيب الأمور ماشيه .....طالما مفيش حاجه ملحوظه على الآداءاقتباس:
طريقة أعادة تنشيط ذاكرة وحدة التحكم تجاه سرعة السلانسيه idle learn procedure
-بعد فصل البطاريه لعمل صيانه معينه بالسياره أو بعد رفع وحدة التحكم من مكانها بهدف الكشف عليها وخلافه أو عند تغيير فيوز الأمداد العمومى يلزم عمل الآتى لتنشيط ذاكرة وحدة التحكم......................بعد عمل جميع التوصيلات المطلوبه وتجهيز منظومة السياره للعمل نفذ الخطوات التاليه1- أفتح الكونتاكت لمده 5 ثوانى2-أغلق الكونتاكت لمدة 10 ثوانى3-أفتح الكونتاكت لمده 5 ثوانى مره ثانيه ...وبعدها شغل المحرك على السلانسيه4-أترك المحرك للتسخين حتى الوصول لأقصى درجة حراره ممكنه (لحد ماتعمل مراوح تهوية الردياتير).....تقريبا درجة الحراره فى هذه الأثناء بتصل الى 85 درجه مئويه 5- شغل التكييف (أن وجد) لمدة 10 ثوانى6-أفصل التكييف(ان وجد) لمدة 10 ثوانىوأذا كانت السياره مزوده بناقل حركه أوتوماتيكى (فتيس أوتوماتيك).......أفعل الآتى1-أرفع فرامل اليد....وأثناء الضغط على دواسة الفرامل ضع زراع التعشيق للفتيس على الوضع d
2-شغل التكييف لمدة 10 ثوانى3-أفصل التكييف لمدة 10 ثوانىبعد ذلك أفصل الكونتاكت وسمى الله ......وبكده تم المراد بأذن الله
بقالها سنتين ونصف عندى يا أبو حميد ...........وسايبها 8 أيام ورجعت دورت تمام ......من أول مره والحمد لله ............
والله انا سافرت اكتر من مره والمده كانت تقريبا اسبوعين او تلاته وسبت العربيه زي مهيا مركونه فاالجراج انا بطاريتي جافه والعربيه كربياتير العربيه سويفت 93 يعني مش العربيه الجديده والحمدلله رجعت ودورة ولا كانها كانت مركونه اسبوعين نصيحتي خليها مركونه وخلاص وتوكل على الله وانتا مطمن
سيبها و توكل علي الله
أسبوع مش مده طويله
حمدالله على السلامه بشمهندس سمير والف شكر للاهتمام
ياباشا .........الله يخليكاقتباس:
اولا انا بشكرك جدا على اهتمامك وردك
السلانسيه يعنى سرعة الحمل الخالى للمحرك ( وحمل خالى ....يعنى مانعرفش نأخد قدره وعزم كويس من المحرك عند السرعه دى ).......اقتباس:
بالنسبة لتشغل المحرك على السلانسية ,مممكن توضحى اكتر ؟؟ اساسا اية هوة السلانسية
علشان كده بنسميها فى لغة الهندسه .....سرعة الحمل الخالى ....idle speedالسرعه دى بنحصل عليه وأحنا لسه مدورين المكنه والعربيه لسه واقفه فى مكانها .....وبتكون فى حدود من 650 الى 850 لفه / ق للسرعه المستقره للمكنه الكويسه بدون رعشه أو رجه ..........عملية أستقرار ..........والدليل على كده .....لو دورت العربيه وأنت واقف ( وبالذات العربيات الكربوراتير ) اللى يادوب السلانسيه بتاعها هادى .......وحبيت تطلع بالعربيه من وضع الوقوف ....وعشقت الأول .....وحبيت تطلع بدون تشعيرة البنزين ....العربيه ممكن تبطل منك لو لم تتحكم بالدبرياش وتلحق نفسك ......علشان مفيش حمل كويس خارج من المكنه ممكن يشيل دفع العربيه فى اللحظه دى .........وده السبب اللى خلانا نسميها سرعة الحمل الخالى ..............اقتباس:
واعتذر اذا كان سؤال ساذج
.....لا لا سؤال ساذج ولا حاجه ....وفعلا أن مهتمناش بالصغائر مش حنقدر نعرف الكبائر .......وأرجو أن تكون الأمور واضحه بالنسبه للجزئيه دى
شوفت البلدى يوكل أزاى .........هى دى الخلاصه فعلا ......هههههههههههه............بس خللى بالك حتة الأول دى مش مظبوطه ....لأنها بتبقى واقفه لا أول ولا غيره ......وضع الحياد أو المور ( والفتيس متمور )اقتباس:
يعنى بالبلدى كدة سرعة السلانسية هية سرعة العربية وهية على الاول ومنغير ما ادوس بنزين؟؟؟؟
معلش بقى سؤال كمان بمناسبة الموضوع دة
ازاى اقدر احكم على سرعة السلانسية اذا كانت عالية او واطية؟
وازاى اقدر اعدل وضعها للوضع الصحيح؟
طالما تحت الشرطه الأولى يبقى السرعه تمام .....وطبعا المكنه تبقى مستقره وشده حيلها وأنت واقف مكانكلا هى بتعدل نفسها .....لما بنظف بلف الأيدل ونعمل أيدل ليرننج ( وبتكون مظبوطه فى المصنع .....وعلى مسمار البلف طبه بلاستيك ....لعدم اللعب من قبل الميكانيكيه فى ظبطة البلف )......وتقريبا بتتراوح من 650 الى 850 لفه /ق وبتتفاوت من مكنه لمكنه ........حسب برمجة وحدة التحكم والوضع العام لكفاءة عملية التحكم من جهة السلانسيه ......اقتباس:
وازاى اقدر اعدل وضعها للوضع الصحيح؟