ترك السياره لمده اسبوع

**mmedali1978** · 11-06-2009 11:37 AM

ممكن اعرف اعمل ايه بالظبط انا عربيتى دايو لانوس بطاريه جافه هسيبها لمده اسبوع للمصيف اسيبهل عادى ولا فى حاجه معينه اعملهاعلشان مفيش حاجه ممكن تبوظ وشكر ليكم مع العلم انى هسيبها فى الشغل ومينفعش اسيب المفتاح لحد علشان يدورها ولا حاجه

**samirayad** · 11-06-2009 02:50 PM

طالما المده أسبوع والبطاريه جديده ......فيمكنك تشغيل السياره قبل التخرين مباشرة لتنشيط البطاريه وتأمين شحنتها .....وبكده تبقى تمام أن شاء الله ............

**أبو إياد** · 11-06-2009 03:14 PM

للامان امام حلين وعن تجربه فعلا عن تجربه واسال واتاكد

1*افصل الكابل الخاص بالكهرباء ( + ) وبكده البطاريه تفضل زى كا هى
2* انك تسافر بالعربيه وتخليها معاك
ها ؟

**samirayad** · 12-06-2009 12:14 AM

من رأيى للمره الثانيه عدم فصل البطاريه .......لأن المده قصيره ....وفى نفس الوقت لعدم حدوث خلل فى سرعة السلانسيه حينما يتم تركيب كابل البطاريه لو تم فصلها( بعد العوده من المصيف بأذن الله ) .....وستحتاج عمل أيدل ليرن لو فصلت البطاريه ......[gdwl]لأن دى عربيه حقن ألكترونى مش كربوراتير عادى [/gdwl].......دا غير أن البطاريه عندى بقالها سنتين ونصف ............وساعات بسيب العربيه من غير دواره لأكتر من أسبوع ...........بس أهم حاجه تكون مطمن أن الدينامو شاحن البطاريه معاك كويس قبل التخزين والذهاب للمصيف .....وأى كهربائى ممكن يطمنك على الدينامو بسهوله جدا وأنت واقف فى 5 دقايق ......................

**Lion_Heart** · 12-06-2009 01:53 AM

فعلا حكاية انها حقن او كاربيراتير مهمه جدا للاسف مااخدتش بالى من الفرق لأن اللى عندى كاربيراتير , الله ينور يا م سمير

**samirayad** · 12-06-2009 01:56 AM

وعليك يا أخى...............

**aid904** · 12-06-2009 10:21 AM

انا بأستخدم عربيتي مرة واحدة في الاسبوع ومفيش مشاكل لان البطاريه الجافه ممكن تسيبها فترة من غير تشغيل

**mmedali1978** · 12-06-2009 10:55 AM

الف شكر يا جماعه ربنا يخليكو للمنتدى وشكر خاص للمهندس سمير ان شاء الله لما اجى طالع المصيف هروح للكهربائى اطمن على الدينامو وابقى اسافر وانا مطمن

**samirayad** · 12-06-2009 11:41 AM

الله يخليك يا أخى .....وعاوز أطمنك برضه ....أنى طالع مصيف زيك يوم 26 /6 .................وحسيب البطاريه فى العربيه بدون عمل أى شىء ......يادوب حعمل مشوار بسيط للتنشيط (نهارا مع عدم تشغيل الكاسيت وخلافه ) للأستفاده من كل خرج الدينامو للبطاريه قبل التوقف الأخير ..................