i need advice in a car

**eman_249** · 06-10-2007 12:58 AM

انا شوفت النهاردة عربية كـرايسـلر نيون 98 automatic 2000 cc
كانت حالتها كويسة قوى , و سعرها 42 الف
يا ريت تقولولى ايه رأيكوا فى العربية دى
انا عجبانى قوى بس مش بفهم فى العربيات فيا ريت حد يفيدنى و يقولى ايه عيوبها و مميزاتها
edited by Abdallah

**Abdallah** · 06-10-2007 01:17 AM

ابعدى عنها, العربية قوية وممتازة ولكن ملهاش قطع غيار فى السوق الا فيما ندر وفى حاجات مش موجودة خالص سواء جديد او مدبوح ومتتخدعيش انها 2000 سى سى وبالسعر دة لانها ملهاش سوق فى البيع, زودى شوية وشوفى لانوس 99 مثلا احسنلك او حتى فيات اونو هتبقى اكيد احسن من حيث قطع الغيار واعادة البيع.

**Nile Heart** · 06-10-2007 01:27 AM

اولا 42 قليل عليها قوى ودى حاجه تقلق! ممكن تكون عامله حادثه جامده

لكن لو بحاله جيده تبقى صفقه كويسه يعنى ممكن تركبيها 3 او 4 سنين والخساره هاتبقى 10-15 الف وده يبقى مقابل الأستمتاع بموتور قوى وكماليات كتير

بس فعلآ قطع غيارها هاتبهدلك

**Abdallah** · 06-10-2007 01:29 AM

المشاركة الأصلية كتبت بواسطة الريس

مالهاش اي قطع غيار
ما انصحكش
لو حد هيشتريها لازميكون صايع شويتين في الميكانيكا لان ساعات بيتجاب لها توافيق من ماركات تانية
هي كانت من اختياراتي زمان في البدايات بس تراجعت في اخر لحظة

**tutankhamoun** · 06-10-2007 01:31 AM

الفورد ميت في مصر و ملوش قطع غيار و تقيل جدا في البيع ........ و ما بيوفرش في البنزين خالص و خصوصا العربية ال 2000 سي سي و زي ما الأستاذ عبد الله قالك فيات أحسن ميت مرة .......... أي ميكانيكي يعرف يصلحها ........... قطع غيار متوفرة .......... و رخيصة ........ بس أنا أقصد الفيات الجديد يعني بعد 98
يعني مثلا فيات بونتو و لا أنصح أونو لأنها صغيرة إلى حد ما و ليست بقوة السينا أو البونتو .......... و البونتو مفيهاش عيوب السينا من ناحية السخونة .......... و الدايو ممتاز و الهيونداي كمان .........
وفقك الله و كل سنة و أنتي طيبة

**Ahmed Samy** · 06-10-2007 03:01 AM

العربية دي جوز اختي اشتراها و كان غاوي يعني يحب يفتح الكبوت و يلف على قطع الغيار و التعديل و كده

العربية دي لسه عنده (مركونة علي 4 قرم في الجراج من 3 سنين ) لا ليه نفس يصلحها و لا هاين عليه يبيعها بتراب الفلوس
و اتربى و اتأدب و اشترى بي ام زيرو و صيانة في التوكيل و ماشي جنب الحيط

اشتري نفسك

**Sharky** · 06-10-2007 05:03 PM

ابعدى عنها, العربية قوية وممتازة ولكن ملهاش قطع غيار فى السوق الا فيما ندر وفى حاجات مش موجودة خالص سواء جديد او مدبوح ومتتخدعيش انها 2000 سى سى وبالسعر دة لانها ملهاش سوق فى البيع, زودى شوية وشوفى لانوس 99 مثلا احسنلك او حتى فيات اونو هتبقى اكيد احسن من حيث قطع الغيار واعادة البيع.

+1

الفورد ميت في مصر و ملوش قطع غيار و تقيل جدا في البيع

حضرتك العربية كرايسلر مش فورد لكن هى بضه قطع غيار غير متوفرة و غالية و تقيلة فى البيع

**amrrashed** · 06-10-2007 09:46 PM

قبل ما تشترى العربية شوفى الاول الميكانيكية بتوعها فين واسالى على قطع الغيار عندهم وهل هى متوفرة ولا ايه واسألى فى التوكيل برضه اخبار قطع غيارها ايه ؟