استشارة عاجلة وماخاب من استشار

**aboudelmsry** · 12-06-2009 04:57 AM

السلام عليكم ورحمة الله وبركاته

اخوتي في الله اعضاء المنتدي الافاضل

تحية طيبة وبعد

انا عاوز مشورة عاجلة

ياريت حد يرد عليا بسرعة لاني فعلا حيران ومش عارف اعمل ايه

طبعا دي اول مشاركة ليا

اللي خلاني اشترك هنا ماسمعته عنكم من حسن المشورة

انا لسه متعلم سواقة جديد وعاوز اشتري عربية

الكل طبعا نصحني اني اشتري اتوماتيك خصوصا اني جديد في القيادة

في البداية كنت هشتري عربية مستعملة اتعلم فيها

لكن انا عاوز عربية زيرو والجميع قالي طالما هتشتريها زيرو وانت لسه جديد يبئا خليك في الاوتوماتيك

المهم كل مدي شريحة المبلغ العربية بتزيد

لاني كل ماابحث عن سيارة مش بلاقي اتنين يتفقو علي انها كويسة

ابتديت بالماروتي والكل اجمع انها عربية سيئة و800 سي سي وبعدها فكرت في الالتو ونفس المشكلة

لكن طبعا لما فكرت في الاتوماتيك شريحة المبلغ زادت

وجميع اصدقائي اجمعو اني ابعد عن الاتوماتيك الصيني او الهندي او المصري

قالولي خليك في الياباني

وطبعا المبلغ اللي معايا مش هيكفي

والحجة قالتلي انها هتساعدني في باقي المبلغ

واصبح الرنج بتاعي مابين 80 : 100 الف

في ناس نصحوني بالانسر وناس بالتويوتا

المهم والدي بيعمل في السعودية قالي انه ممكن يبعتلي عربية من هناك وان انا اجمركها

انا محتار محتار محتار ومش عارف اختار ايه

ياريت تساعدوني وتنصحوني

هل اشتري من مصر ولو اشتريت اشتري ايه لاني عاوز عربية كويسة

ولا اشتري من السعودية ولو اتجمركت هيكون افضل شرائها من هنا ولا من هناك وبرضو هشتري عربية ماركة ايه

انا بئيت متلغبط ومش عارف اعمل ايه

ارجو المشورة يااهل المشورة وماخاب من استشار

بارك الله فيكم وجزاكم كل خير

**mohamed777** · 12-06-2009 06:27 AM

السلام عليكم ورحمة الله
وصلتنى معلومة من واحد صحبى ان المواصفات المصرية بتكون معمولة لمصر وظروف التشغيل فيها وان المواصفات الخليجى او اى دولة اخرى بتكون ليها طبعاً
فمش من المحبذ انك تجيب عربية مواصفات بلد اخرى وتشغلها فى مصر
بتختلف من قوة التكيف ونوعية الكتوتشات وتحملها للحرارة والبنزين المستخدم

بس للاسف المواصفات الي بتيجى للسعودية والخليج بتكون احسن فى الرفاهية من المصرى
هذا والله اعلم
وانتظر واصبر وماتستعجلش وشوف راى الاخوة العضاء فى المنتدى

**bmw323** · 12-06-2009 07:04 AM

هات نيسان صنى أوتوماتيك

**Fadi Ezzat** · 12-06-2009 09:09 AM

هات لانسر
ولو لقيت سعرها مثلا 100 الف جنية مصرى فى السعودية حط عليهم 60 % من تمن العربية جمارك
يعنى 160 الف شفها بكام فى السعودية وحط عليهم 60%

**yoko** · 12-06-2009 02:20 PM

أنا كنت ناوي أنزل من السعودية لقيت الجمارك عالية أوي وهتبقى العربية أغلى من مصر سألت في الكورولا والأوكتافيا لقيت هتبقى أغلي من مصر بحوالي ١٥ ألف جنية بعد ما جبت سعر الجمارك بالضبط

**أحمد كمال** · 12-06-2009 03:22 PM

لانسر الى الابد

حمالة أسية و طويلة العمر و مصاريف تشغيلها مش عالية

**aboudelmsry** · 12-06-2009 04:00 PM

Fadi Ezzat

شكرا يامان علي الرد وعلي المرور

الجمارك كمان علي ماسمعت ممكن تكون 61% من تمن العربية

انا بس عاوز اعرف هل هتكون هنا سعرها احسن ولا هناك ولا هيا هيا

ولو مفيش فرق يبئا اختياري يكون علي المصري ولا الخليجي

شكرا جزيلا وجزاك الله كل خير