ملخص رحلة إسكندرية 5/10/2007

**إسلام شاهين** · 06-10-2007 03:03 AM

1- تم التجمع عند بنزينه موبل على الصحراوي
2- الحضور كريم منير وإسلام المصري وإسلام شاهين
3- التحرك تمام الثالثة في سيارة كريم منير
4- الوصول كان حوالي الساعة الخامسة إلى داون تاون
5- حفاوة الاستقبال حدث ولا حرج من هاني آدم
6- حضور المحترم ميدو 777
7- الطحن قصدي الإفطار في قرية بلبع ( صحون من المندي )
8- الخروج لعمل تقرير عن الانسر 2008 بالصور
9- الذهاب لكوفي شوب تحفة على البحر
10- حرق العديد من أحجار الشيشة
11- الذهاب لحلقة السمك بالأنفوشي
12- التحليه بالرز بلبن والكسكسي
13- العودة للقاهرة

مش عارف أقولكم اليوم ده كان عامل إزاي ولا في الأحلام

انتظروووووووووووووووووووو ووووا الصور

**AlmAhAtmA** · 06-10-2007 03:07 AM

1000 حمدا لله علي السلامه يا اسلام
عايزين الصور عايزين الصور عايزين الصور

بما اننا بدانا نذيع انباء المعركه قصدي الرحله
لازم نشيد بزهره المنتدي
و اللي نورت علينا الدنيا كلها
الانسه كنزي كريم منير

عايزين الصور عايزين الصور عايزين الصور

**اسلام المصرى** · 06-10-2007 03:55 AM

فعلا الأكل كان معركة مش طبيعى يعنى , الطبق كان حجمه مهول و طعمه فوق الوصف. أنا بس اللى أكلت كسكسى محدش شجعنى :) ماحدش فيكم رضى ياكل معايا بعد الرز باللبن :( حتى أنت يا اسلام :) هنضطر ننتظر كريم علشان الصور الجميلة اللى عملناها و صور اللانسر الجديدية و أطباق الأكل قبل و بعد و بالذات طبقك يا هانى :lol:
بس كريم بجد رجله طارشه على دواسة البنزين شوماخر :lol: نشفت دمى يا جدع السرعة المتوسطة 150 160!! و قد منع الركاب من التدخين داخل السيارة :lol: و أحترم الركاب هذا الطلب خصوصا لوجود بنته الجميلة كنزى ربنا يحفظهالك و يخليهالك يا كريم.
بجد أنا مبسوط جدا من الطلعة ديه و لازم ان شاء الله ننكرر عمار يا مصر برجالتك المحترمين جدا.

**eng_mkhalaf** · 06-10-2007 09:53 AM

حمد للة على السلامة - بس فكرة الأسكندرية اللى طلعت فى يوم وليلة كانت جامدة قوى

**memo_hefnawy** · 06-10-2007 10:52 AM

حمدا لله على السلامة يا رجالتنا :) و ألف ألف شكر لرجالة إسكندرية و إعتذار مرة أخرى عن عدم الحضور لظروف عزومات عائلية

إسلام المصرى أنا لو كنت موجود كنت هاضرب معاك الكسكسى أنا راجل أحب الحلو كله و الكسكسى ده من أحد الحاجات إللى بحبها أوى :)

كلكم كده بالصلاة على النبى محدش ليه دعوة بالآنسة كنزى أنا قارئ فاتحتها و إللى يفكر يتقدم لها عضويته تتوقف فورا :mrgreen: و أقطع عنه مايه و نور أنا عمال بحوش فى المهر و الشبكة من دلوقت عشان يا دوب بعد 18 سنة ولا حاجة أكون كومت نفسى :D

**khaledfox** · 06-10-2007 10:56 AM

طيب كنتوا قولوا
انا معرفتش اى حاجة مع انى متابع كل يوم اخبار المنتدى
المهم الحمد لله على السلامة
وكل سنة وانتوا طيبين

**goodwave** · 06-10-2007 12:15 PM

عايزين الصور عايزين الصور عايزين الصور

+10000
مع إني مش حكون فيها لاني جيت متأخر

لازم نشيد بزهره المنتدي
و اللي نورت علينا الدنيا كلها
الانسه كنزي كريم منير

شكلك كدة يا هاني بتبصبص وحتتلغي عضويتك يا حلو :twisted:

**Hesham A.Megid** · 06-10-2007 01:24 PM

المشاركة الأصلية كتبت بواسطة إسلام شاهين

11- الذهاب لحلقة السمك بالأنفوشي

كنتوا تحت بيتي بضبط :D

**اسلام المصرى** · 06-10-2007 02:50 PM

إسلام المصرى أنا لو كنت موجود كنت هاضرب معاك الكسكسى أنا راجل أحب الحلو كله و الكسكسى ده من أحد الحاجات إللى بحبها أوى

الله عليك :D أيوه كده انا احب الناس الاكيلة و بالذات فى الحاجات الحلوة ديه لينا جولة مع بعض ان شاء الله يا أخ محمود :)

**3mr Farrag** · 06-10-2007 03:03 PM

علي فكره انا مش عارف اقول لكم ايه بالضبط....
من غير زعل انتوا ادتولنا احلي تنفيضاااااااااااااااااااا اااااااااااااااااااااااا
لأني انا قايل انا و خالد عادل اننا هانيجي ...سألت كذا مره في الموضوع علي المعاد بالضبط و محدش رد غير اني كمان مأكد اني هاجي ذي ما قلتوا ....بس قشطه بقي

و حمدلله علي السلامه

الموضوع: ملخص رحلة إسكندرية 5/10/2007

LinkBack

أدوات الموضوع

عرض

-

-

-

-

-

-

المواضيع المتشابهه

رجعت من رحلة العمرة (بل رحلة العمر)

ملخص لتعديلات المواتير

ملخص صيانة 10000

بمشيئة الله تعالى غدا الجمعة 28 ديسمبر 2007 رحلة الى الأسكندرية: الدعوة عامة

الكلمات الدلالية لهذا الموضوع

المفضلات

المفضلات

ضوابط المشاركة