[gdwl]عود للمصطلحات[/gdwl]
كربراتير
ردياتير
تكيهات
هل وش الجوان هو وش السلندر .... وما الفرق
الموتور ( تكويناته الأساسية إيه ) لما عملت الكابس للموتور طلعلي 4 نتائج مفهمتش منهم حاجة
السلانسيه ...... تاني بليـــــــــــــز
:rfds:
عرض للطباعة
[gdwl]عود للمصطلحات[/gdwl]
كربراتير
ردياتير
تكيهات
هل وش الجوان هو وش السلندر .... وما الفرق
الموتور ( تكويناته الأساسية إيه ) لما عملت الكابس للموتور طلعلي 4 نتائج مفهمتش منهم حاجة
السلانسيه ...... تاني بليـــــــــــــز
:rfds:
صوت الفرقعة
ده علشان فيه عندك بوجيهين بيجي عليهم الزيت فا بيخلو 2 سلندر ما بيشتغلوش كويس
فباقي البنزين الي مشتعلش بيطلع مع الشكمان وسخونيته بتخليه يشتعل ويعمل الباك فاير الي بتسمعيه
وش الجوان هو هو وش السلندر
التكيهات هي هي الصبابات
يبقا انا عندي كام صباب وتكلفة الصبابات كام تقريبا بالنسبة للفيورا
وكام سلندر في الموتور ... ويعني إيه وش سلندر كأحد العيوب لو حصلت اسمع عنها من أغلس المشاكل
وإيه علاقة وش السلندر بزوادة الماء دون ان يكون المحرك دائر والعربية سخنة ؟؟؟؟؟
وهل ممكن جهاز الكبس يكون مخطئ ... أتمنى
الرزع بيحصل في صوت الموتور مرة بشدة في حالة لمبة الزيت مبتطفيش ودي حصلت مرتين
مرة بعد ما اشتريت العربية دورت ومشيت من غير ما تطفي فكان فيه صوت رزع والمدرب بتاعي لحقني وقاللي أوقف بسرعة ولحسن الحظ المكتب جمب العمارة يعني ملحقتش أمشي ... ومرة تانية وممشتش بالعربية وقطرتها ودي بعد ما حطيت زيت الشنبر ... وطلعت كانت عاوزة تغير فلتر تاني مش عارفة ليه يمكن عشان سمك الزيت اختلف .. وكان فيه ترس عاوز يتغير
ومرة سمعت تخبيط ورجرجة في العربية ودي كانت البوجيهات جابت آخر وكانت لازم تتغير ويا دوب مشيت بالعافية لحد أقرب ميكانيكي .. ومن ساعتها حطيت السن القصير وكله تمام
عندك موتور 4 سلندر 8 صباب
حكاية لمبة ضغط الزيت الي بتنور دي اخطر ما في الموضوع لان معناه حركة الزيت جوة الموتور مش مزبوطة(بيقولو عليها ضغط الزيت)
تخيلي حديد بيصنفر في بعضه بدون زيت يقلل الاحتكاك هايتاكل طبعا
واسبب الاساسي بيكون طرمبة الزيت مش مظبوطة او مسدودة وفيه اسباب تانية بس ده اكتر سبب
أنا ركزت مع لمبة الزيت بتطفي بعد خمس ثواني ..... الحمد لله
طيب والعربية دايرة ولسة متحركتيش بيها (في السالنسيه) بتعلي وتوطي ولا بتبقي هاديه
هو جهاز قياس الكبس مش ها يغلط في الاغلب بس يقدر يحدد اي سلندر ضغطه كويس واي سلندر ضغطه مش مظبوط بس مش هايقدر يحدد العيب ايه بالظبط
وعلشان الموتور يبقي كويس لازم قرايات الضغط الاربع سلندر قريبين من بعض ومايزيش الفرق بينهم عن 10%
وبالمناسبة كاوتش الصبابات لو تعبان يخلي القراية للسلندر ضعيفة(يعني كبس السلندر ضعيف)
موضوع ان العربية تشتغل من غير الزيت حتي لو دقيقة معناه ان الموتور حصل فيه ضرر ولو بنسبة صغيرة