-
باسات 3c عادة وfsi وtsi
السلام عليكم ورحمة الله وبركاته
الموضوع ده يمكن يقلب بطن ناس كتير بس بكل أسف دي عيوب قاتلة في العربية دي والحالات كتيرة جداً
العيبوب:
- العربية شغالة على حاجو اسمها Smart Key يعني مفتاح من غير سلاح وده معناه إن فيه وحدة تحكم موجودة على عمود القطمة وده بيت القصي والعيب هنا إن العمود ده بيبوظ ولما بيبوظ بيتغير هو ووحدة Convenience والتكلفة في التوكيل 12 ألف جنيه مصري. العيب ده على العربية بصفة عامة، عادة 8 صباب وFSI وTSI
- بالنسبة لل FSI وال TSI عيبين تانيين:
1. البنزين (عدم استخدام بنزين 59 بيعمل مشاكل في حساس الكرنك وبيحرق الكنترول بتاع العربية ولزيادة وجع البطن، الكنترول مش موجود استيراد في السوق لأن العربي منزلتش في أوروبا غير 2000 ديزل وبنزين وكل شغل الاستيراد الموجود جي من الإمارات وبايظ أصلاً)
2. البطارية لو نامت وعملت وصلة كهرباء للعربية كنترول القطمة بيتحرق (راجع التكلفة في العيب رقم 1)
برجاء من كل الأخوة مالكي العربية دي يخدوا بالهم كويس جداً
ولو حد عنده مشكلة في الكنترول أو في عمود القطمة ميترددش إنه يتصل بي
وشكراً
-
-
هو حضرتك عندك حل للمشكلة دي ؟ ولا حضرتك طالب الناس تتصل بيك عشان تجمع الناس إلي عندها مشاكل و ترفع قضية على الشركة مثلاً ؟
-
لا أنا عندي الحل
موضوع القضية أتعمل في أمريكا وفشل
لأن تلف أي جزء من الأجزاء دي عيب استخدام مش عيب تصنيع
-
طيب وطالما عندك سر كنتاكى كده.. ما تقوله للماس وتكسب فيهم ثواب .. عايزهم يتصلوا بيك ليه ؟
-
لأنه بمنتهى البساطة دا شغلي يا عزيزي
أنا بصلح الحاجات دي
تفتكر بقى حد بيحط صباعه في عينه؟
المساعدة الي بقدمها هي معرفة مين عنده الحل، مش الحل
-
فى حاجه على الجيتا ياباشمهندس ؟
-
لا الجيتا مفيهاش Smart Key
العيب ده في الباسات والميجان 2
-
أصل أنا فهمت إن حضرتك بتوضح عيوب معينة في العربية ،
لكن لو حضرتك بتتكلم على إصلاح ، إيه الاعراض إلي الواحد لما يشوفها يعرف إن فيه مشكلة و يتصل بحضرتك على طول ؟
و فيه حاجة مش فاهمها و اتمنى من حضرتك تتكرم و توضحها إذا سمحت، ازاي الكنترول يتحرق من البنزين ، ممكن يخرف في الإشعال انما هو نفسه يتحرق دي مش فاهمها؟ أرجو التوضيح ، و شكراً جزيلاً على سعة صدرك
-
البنزين بيعمل تحميل على الكنترول وبيبوظ أجزاء معينة جواه نتيجة كثرة معالجة البيانات داخل الكنترول على جزء معين وده مش مفروض يحصل فيتحرق.
العيب التاني العداد بيكتب على طول Steering Column Lock Defective بمجرد ظهور العيب ده تعرف على طول إن العملية خرفت والقطمة بتاعة العربية باظت. ممكن تمشي شوية بيها بس كده أو كدا حتبوظ.
ولما بتبوظ العربية بتوقف لوحدها ومش حترضى تدور تاني أبداً لحد ميتم تغيير عمود القطمة والكنترول بتاعه
العربية لو في الضمان العميل برضو بيدفع تكلفة العملية مبتتعملش ببلاش
بالنسبة للكنترول بتاع الموتور داخل الضمان العميل بيدفع 3000 جنيه (ثمن الكنترول الفعلي يعدي 10000 جنيه، التأمين بيشيل الباقي)
بالنسبة بقى لعمود القطمة، معرفش في الضمان بكام، بس برة الضمان في الشركة بتدفع 12000 جنيه
Content Relevant URLs by
vBSEO 3.6.0 PL2