مشكله فى تهرب الفتيس اثناء المارشديه 128

**tammam55** · 14-06-2009 03:33 AM

عندى مشكله فى الفتيس ...........سيارتى فيات 128--- 1100 سى مو80 عندى الفتيس بيهرب فى المارشديه
ياريت أعرف ايه اسبابه والحل ايه ........والتكاليف كام أرجوا من الساده الاعضاء و المهندسين الخبراء مثل المهندس سمير عياد الافاده وياريت أعرف ورشه تكون نظيفه وليست مستغله نقوم بالاصلاح فيها وانا من الجيزه
مع الشكر

**aYaBooY** · 14-06-2009 10:26 AM

طيب ارد انا لحد ما سمير باشا يوصل
انت المشكلة انك لما تدي العربية مارشدير و تبدا تتحرك ينطر الفتيس و يرجع لوحدة للمور
و المشكلة ديه في حاجة بسيطة اسمها الغويشة و علشان تتصلح لازم يتفك الفتيس كلة و عادتا اي ميكانيكي هايؤلك ده فتيس 28 اعملهولك انا
بس المفروض ان الفتيس يروح لمتخصص فتيسات و عادتا ده مبيفكش يعني انت محتاج ميكانيكي يفك ز بعد كدة يروح لبتاع الفتيس
التكلفة على حد ما ازكر 50 جنيه فك و تركيب و 130 تغير الغويشة
و لو انت مش عاوز توجع دماغك ممكن تنزل عزبة شلبي او الوكالة و تستنضفلك فتيس جديد و بالمرة يكون 5 غيار و ده يريح العربية اوي
و اعتقد سعرة هايكون في حدود 350 او 400 جنيه و اتمني تكون الاسعار مظبوطة

**tammam55** · 14-06-2009 10:48 AM

المشاركة الأصلية كتبت بواسطة ayabooy

طيب ارد انا لحد ما سمير باشا يوصل
انت المشكلة انك لما تدي العربية مارشدير و تبدا تتحرك ينطر الفتيس و يرجع لوحدة للمور
و المشكلة ديه في حاجة بسيطة اسمها الغويشة و علشان تتصلح لازم يتفك الفتيس كلة و عادتا اي ميكانيكي هايؤلك ده فتيس 28 اعملهولك انا
بس المفروض ان الفتيس يروح لمتخصص فتيسات و عادتا ده مبيفكش يعني انت محتاج ميكانيكي يفك ز بعد كدة يروح لبتاع الفتيس
التكلفة على حد ما ازكر 50 جنيه فك و تركيب و 130 تغير الغويشة
و لو انت مش عاوز توجع دماغك ممكن تنزل عزبة شلبي او الوكالة و تستنضفلك فتيس جديد و بالمرة يكون 5 غيار و ده يريح العربية اوي
و اعتقد سعرة هايكون في حدود 350 او 400 جنيه و اتمني تكون الاسعار مظبوطة

اشكر حضرتك لكن ينفع أمشى بالعربيه الى ان أقوم بهذه الاعمال ولادا بيبقى خطر على العربيه ....... وياريت تبقى الاسعار دى مضبوطه .... وبالمره هل الفتيس 5 غيار يمشى مع 128 موديل 85 نصر 1100 cc ارجوا من حضرتك التأكد وشكراً جزيلاً لحضرتك على الاهتمام

**aYaBooY** · 14-06-2009 11:00 AM

على ما اذكر من ايام المرحومة يمشي و ممكن يكون فيه تعديل بسيط و بيتعمل و بيشتغل
لو مشيت كدة معتقدش يكون فيه مشكلة بس لازم تمسك العصايا مع الغيار الي بينطر

**bahaaothman** · 14-06-2009 11:00 AM

انا العربية كانت بتعمل معايا كده برضه وانا عربيتى 5 سرعات 1300
وفعلا روحت للميكانيكى فك القتيس وبعد كده رحت لبتاع الفتيس قاللى لازم نغير مجموعة تروس الخامس والمارشدير عشان دول مع بعض واتكلقت حوالى 420 جنيه

قك وتركيب الفتيس 80
مجموعة التروس 250
مصنعية بتاع الفتيس 50
زيت جديد للفتيس 40

انا اعرف ان الفتيس كله تمنه حوالى 3500 جنيه مش 300 400 خالص

**aYaBooY** · 14-06-2009 11:07 AM

طيب انت سالت على الفتيس ده فين
موضوع الـ3500 اعتقد كتير اوي على فتيس 28 علشان انا عندي فتيس الفورد 2500 و موتورها 3500
يبقي لما نقيس موتور 28 1300 بـ 1200 جنيه يبقي الفتيس اخرة 500
بس انا اسمع ان اسعار قطع غيار الـ128 نوفا بتفرق عن العادة

**tammam55** · 14-06-2009 11:09 AM

يااااااااااااه دا ثلث ثمن العربيه

**sab3aawy** · 14-06-2009 12:03 PM

اضافات بسيطة :

1-بالفعل المشكلة مشكلة غويشة المارشدير

2-فتيس ال 5 غيار بيركب على الموتور ال1100 بدون مشاكل بشرط تغيير عصاية الفتيس(اللى بيمسكها السائق وينقل بيها) بقاعدتها الى عصاية الجراند لوكس لأن عصاية ال128 العادية مش بتروح لحارة الخامس، مع تغيير ميزان السيارة الى ميزان الجراند لوكس لان ميزان ال 1100 هيلطش فى فتيس ال 1300

3- سعر الفتيس حاجة بين ال 500 وال 1000 مستعمل حسب حالته وحسب التاجر

**lord23** · 14-06-2009 12:29 PM

انا عندي العيب ده في العربية بقاله سنة
وماشي بيها عادي جدا استني شوية لما الفتيس حالته تدهور وبعدين هات واحد استيراد احسن

**samirayad** · 14-06-2009 04:22 PM

من وجهة نظرى المتواضعه بعد كل الكلام الجميل اللى أتقال من الجميع ........غير غويشة تعشيقة المارشدير ( طالما الفتيس أربعه غيار وخلفى ) وشوف التكلفه الأول .........بس أهم شىء تكون حالة الفتيس كويسه ( وبالذات جميع النقلات الأماميه ) وحالة البلى تكون تمام ( اما لو فيه ونه فى الفتيس والبلى وحش ) غير الفتيس وخلاص بواحد حالته كويسه ( والتمن لن يتعدى 500 ج على الأكثر )

الموضوع: مشكله فى تهرب الفتيس اثناء المارشديه 128

LinkBack

أدوات الموضوع

عرض

-

-

-

-

-

المواضيع المتشابهه

صورة اثناء نزوح السكان اثناء الاعصار ساندي

مشكله بوش فى الفتيس

ما هي القطعة في العربية المسئولة عن انارة لمبة المارشديه في الفانوس الخلفي ؟

مشكله في الفتيس

مشكله اثناء الاداره

الكلمات الدلالية لهذا الموضوع

المفضلات

المفضلات

ضوابط المشاركة