ممكن حد يقولى ايه عدادات القوايم ديه و بتعمل ايه ولا لازمتها ايه
عرض للطباعة
ممكن حد يقولى ايه عدادات القوايم ديه و بتعمل ايه ولا لازمتها ايه
حد يقولى ايه هى عدادات القوايم يا جماعااااااااااااااااااااا انا داخل على اسبوع و محدش رد عليا
هى بتبقى جسم فيبر فيه 3 اماكن لعدادات صغيرة و انت تركب اللى يعجبك
انا شايف ان العدادات دى ملهاش لزمة الا لو مركب تربو مثلا عشان تراقب:
ضغط التربو
ضغط الزيت
نسبة الهواء للوقود
معظم الناس بتركبها فيها RPM و هو عندة RPM و فولتميتر بيقيس شحن البطارية و التالت بيبقى حرارة مية مثلا او ضغط زيت او حرارة زيت.... يعنى فى الاخر انت بتختار العدادات اللى تركبها حسب احتياجك
http://www.autogauge.com.tw/
MMamdouh
متشكر يا باشا بس ممكن تقولى ايه حراره الزيت و ضغطه ده و الهوا بتاع الوقود و يا ترى ممكن اخلى العداد يقيس ضغط الكاوتش و ممكن الغى ال rbm و بتتركب ازاى و اقول للراجل ايه
معليش هتعبكوم معايا بس انا لسه جديد فى الحوار بتاع العربيات و عايز اتعلم
دورة الزيت بتشتغل تحت ضغط عالى و من المفيد انك تعرف ضغط الزيت عام... عداد ضغط الزيت بيبقى معاه وحدة ارسال للضغط بتركب على بلوك الموتور و بتدى اشارة للعداد عشان يبين قيمة الضغط
نفس القصة لعداد حرارة الزيت و المية بس وحدة الارسال بتبعت قراية الحرارة بتاعت المية او الزيت للعداد
ضغط الكاوتش اعتقد له نظام مختلف خالص و بيعتمد لعى وحدة ارسال بتشتغل بالبلو توث و عى مفيدة لما تركب run flat tires
بالنسبة لعداد الRPM دة اسهل حاجة فى العدادات دى كلها و معظم الكهربائية يعرفوا يركبوة
MMamdouh
متشكر يا باشا بس ايه نسبة الهواء فى البنزين و ايه لازمتها لما اعرفها و برده ايه اللى هستفيده لما اعرف حرارة الزيت و ضغطه
نسبة الهوا و البنزين يفرق معاك لما تكون مركب تربو... غير كدة مش حيفرق معاك
ضغط الزيت طبعا مهم عشان تبقى متابع حالة دورة التزييت و تقدر تشوف لو فيه انخفاض فى الضغط اللى ممكن يؤدى الى تلف المحرك... لاحظ ان لمبة الزيت حتنور عند تخطى حد الخطر فقط لكن مش حتنبهك لو الضغط بيقل عن المعدل الطبيعى... و طبعا مع وجود تربو بيبقى العداد دة مهم جدا للحفاظ على التربو خصوصا مع وجود خطوط زيت اضافية
حرارة الزيت بيبقى مؤشر اوقع لحرارة الموتور... حرارة مية التبريد بترتفع مع ارتفاع حرارة الموتور بس مش بالسرعة الكافية و بالتالى ممكن يكون الفرق بين ارتفاع مؤشر الحرارة بتاع المية و ارتفاع حرارة المحرك كبير شوية و ممكن يكون فيه اضرار بدات تحصل لحد ما المؤشر يتحرك لمنطقة الخطر
لكن فى حرارة الزيت بيبقى التغير اسرع بكتير و بتبقى المعلومة بنتاعت حرارة الموتور اوضح بكتير و اسرع
MMamdouh