اللي عاوز فوجات للأفيو (فوانيس شبورة) ...

**Salamonti** · 14-06-2009 11:26 AM

أخويا معاه عربية أفيو...
وجايبلها الفوجات الأصلية من برة..
بما فيها الجزء الفيبر اللي حواليها..
زي اللي في الصورة دي بالظبط ...

بس الفرق الوحيد كالآتي..
ان الفوجات اللي هو جايبها الموديل الأحدث من ده اللي هي الكريستال...
يعني الزجاج بتاعها شفاف كله زي الفانوس الأمامي..
والخلفية النيكل هي اللي مضلعة لتوزيع الضوء..

تكلفتها الإجمالية كانت في حدود 500 جنيه تقريباً...
وانا استأذنته اني هاحط رقمه هنا عالمنتدى..
عشان اللي حابب يتفرج عالفوجات اللي عنده..
ممكن يقابله ويشوفهم ويجيبله زيهم ان شاء الله..

رقمه 0106405058 أو 0114405058

وانا قلتله يصور عربيته ويبعتلي الصورة
عشان انزلها هنا للي عايز يشوفها الأول...

**Salamonti** · 14-06-2009 11:27 AM

الصورة جت أسرع مما أتخيل ... هههههه

ربنا يخليلنا تكنولوجيا الـmms ...

**Michael_Lanos** · 14-06-2009 11:40 AM

شكلها جدمد ... ويا سلام لو على زينون بقه تبقى شديده

**shady_hamdy** · 14-06-2009 11:42 AM

انا اشترتهم ب 75 ج الاتنين و سعر الشبكة المفتوحة 60ج للاتنين و ركبتهم

**أشرف العدوي** · 14-06-2009 12:03 PM

انا اشترتهم ب 75 ج الاتنين و سعر الشبكة المفتوحة 60ج للاتنين و ركبتهم

اشتريتهم منين
و جبت الدراع بتاعه و لولا مشغلهم بزارا من جوة العربية

**shady_hamdy** · 14-06-2009 01:55 PM

المشاركة الأصلية كتبت بواسطة أبـو آســـــر

اشتريتهم منين
و جبت الدراع بتاعه و لولا مشغلهم بزارا من جوة العربية

اشترتهم من فيصل و ركبتهم على مفتاح منفصل بس مستخبى علشان مردتش ابوظ فى التابلوة و دورت على مفتاح زى الانتظار اركبة فى الطبة الفادية ملقتش

**Salamonti** · 14-06-2009 01:58 PM

المشاركة الأصلية كتبت بواسطة ekrami

انا اشترتهم ب 75 ج الاتنين و سعر الشبكة المفتوحة 60ج للاتنين و ركبتهم

بالتأكيد انت جبت أي فوجات عجبك شكلها ورحت جبتلهم شبكة بتتفتح تفصيل على شكل الفوجات وركبتها...

لكن انا باتكلم على حاجة أوريجينال بتاعة بلادها من مصنعها...

وفرق شاسع ما بين الاتنين...

لأن النتيجة في الآخر بتفرق فرق السما من الأرض

اللي عندك أكيد شكلهم ظريف وكل حاجة وآخر شياكة ومديين العربية منظر تمام

لكن تعالى بقى بص على الإضاءة... فرشة النور على الأرض... ضبط مستويات الإنارة فوق وتحت ويمين وشمال..

ممكن تقضي بقية عمرك تحاول تظبطهم و عمرك ما هاتعرف تخلي اضائتهم زي بتوع الفابريكة وأتحدى...

واللي يزود الطين بلة هو طريقة تثبيت الفوجات اللي عندك لأنها متوفقة على الشبكة ومتثبتة بأي طريقة وخلاص.. آه انت شايف شكلهم حلو وكل حاجة بس كلنا عارفين الفرق 1 مللي في اي اتجاه بيفرق ازاي في توزيع النور...

غير لما تكون برضه الحاجة نازلة أوريجينال وماسكة في مكانها صح في الشبكة بتاعتها والشبكة ذات نفسها برضه راكبة في نفس أماكن الكلبسات الأصلية في الاكصدام ككل

وأي حد بيفهم أكيد هايقوللك نفس الكلام...

طبعا الموضوع ده بيفرق من مستهلك للتاني..

فيه واحد بيدور عالشكل وواحد بيدور عالمضمون قبل الشكل !!

كل واحد في الآخر حر في عربيته وأكيد هي عاجباه على حالها..
والاختلاف في الرأي لا يفسد للود قضية..

-------------------------------------------------------------------------------

أما بالنسبة للأخ اللي سأل على الدراع فتقدر تجيب دراع الأفيو 5 الكاملة من مصر لكن هاتلاقيه غالي (((هو هو دراع الأفيو الكاملة بتاعة برة ومافيهوش أي اختلاف عن اللي عندك بس فيه زيادة بكرة للفوجات)))
لكن اخويا حاليا موصل الفوجات مع النور الصغير وشغالة زي الفل...

**Salamonti** · 14-06-2009 02:02 PM

استكمالا لمعلومة التوصيل ...

ممكن لو تعرف كهربائي نضيف خليه يفك الترملة بتاعة زرار تسحين الزجاج الخلفي (اللي محدش بيستعمله في مصر)
ويوصل الفوجات عليه بسلك جديد وترملة جديدة (عشان تقدر ترجع الوضع زي ما كان في اي وقت وبدون أي تلفيات أو تعديل في الضفيرة)

**shady_hamdy** · 14-06-2009 02:06 PM

المشاركة الأصلية كتبت بواسطة salamonti

بالتأكيد انت جبت أي فوجات عجبك شكلها ورحت جبتلهم شبكة بتتفتح تفصيل على شكل الفوجات وركبتها...

لكن انا باتكلم على حاجة أوريجينال بتاعة بلادها من مصنعها...

وفرق شاسع ما بين الاتنين...

لأن النتيجة في الآخر بتفرق فرق السما من الأرض

اللي عندك أكيد شكلهم ظريف وكل حاجة وآخر شياكة ومديين العربية منظر تمام

لكن تعالى بقى بص على الإضاءة... فرشة النور على الأرض... ضبط مستويات الإنارة فوق وتحت ويمين وشمال..

ممكن تقضي بقية عمرك تحاول تظبطهم و عمرك ما هاتعرف تخلي اضائتهم زي بتوع الفابريكة وأتحدى...

واللي يزود الطين بلة هو طريقة تثبيت الفوجات اللي عندك لأنها متوفقة على الشبكة ومتثبتة بأي طريقة وخلاص.. آه انت شايف شكلهم حلو وكل حاجة بس كلنا عارفين الفرق 1 مللي في اي اتجاه بيفرق ازاي في توزيع النور...

غير لما تكون برضه الحاجة نازلة أوريجينال وماسكة في مكانها صح في الشبكة بتاعتها والشبكة ذات نفسها برضه راكبة في نفس أماكن الكلبسات الأصلية في الاكصدام ككل

وأي حد بيفهم أكيد هايقوللك نفس الكلام...

طبعا الموضوع ده بيفرق من مستهلك للتاني..

فيه واحد بيدور عالشكل وواحد بيدور عالمضمون قبل الشكل !!

كل واحد في الآخر حر في عربيته وأكيد هي عاجباه على حالها..
والاختلاف في الرأي لا يفسد للود قضية..

-------------------------------------------------------------------------------

أما بالنسبة للأخ اللي سأل على الدراع فتقدر تجيب دراع الأفيو 5 الكاملة من مصر لكن هاتلاقيه غالي (((هو هو دراع الأفيو الكاملة بتاعة برة ومافيهوش أي اختلاف عن اللي عندك بس فيه زيادة بكرة للفوجات)))
لكن اخويا حاليا موصل الفوجات مع النور الصغير وشغالة زي الفل...

كل الى انت بتتكلم علية دة عندى و انا ركبوا فى الاكصدام فى الماكن الاصلى بتعهم

-

الموضوع: اللي عاوز فوجات للأفيو (فوانيس شبورة) ...

LinkBack

أدوات الموضوع

عرض

اللي عاوز فوجات للأفيو (فوانيس شبورة) ... - انشر الموضوع فى :

-

-

-

-

-

المواضيع المتشابهه

عاوز اركب فوانيس شبورة للنيو اكسنت rb

فريم كاسيت للأفيو(اللي عاوز يغير الكاسيت)

عاوز اركب فوانيس شبورة للباليو !!

فوانيس شبورة (فوجات ) للفيرنا .... يا ريت الإفادة .. الأسعار و الأنواع

اخيرا جبت فوانيس شبورة للأفيو الحمد لله

الكلمات الدلالية لهذا الموضوع

المفضلات

المفضلات

ضوابط المشاركة