فى انتظار النموذج
عرض للطباعة
فى انتظار النموذج
ياللا يا جيسو الناس مستنيه
اوؤيدك بشده
اكيد طبعا عايز يساعد الاعضاء لانه هايستفيد ايه من جمع معلومات عن الاعضاء !!
شكرا لك موضوع مفيد وانا كنت طلبت من شخص هنا نموذج قبل كدة ومردش عليا
منتظرين نماذج للسي مع الشرح واكيد كدة اسهل لك من الرد على كل عضو على حدى وافيد للجميع
وشكرا مرة اخرى
أعضاء المنتدى الجميل أولا أنا آسف جدا للتاخير بس إن شاء الله لما تشوفوا الموضوع هتعرفوا ليه أنا اتأخرت و الحمد لله نفذت وعدى ليكم بموضوع شامل كل نقطة فى ازاى تكتب الCV و بعتذر مرة تانية للناس اللى شافت إن أنا بستغل الأعضاء و بجمع معلومات عنهم بس على فكرة أنا كنت بشتغل قبل كده فى شركة توظيف و لو كنت لسه فيها كنت هدخل هنا أحط توبيك أى حد من الأعضاء عايز يشتغل أو عايز تدريب صيفى يبعتلى الCV بتاعته و مافتكرش هنا الناس كانت هتحس إنى بستغلهم أو بجمع معلومات عنهم و الكل عارف إن الجزء ده من المنتدى الاجتماعى عشان المسائل دى أصلا و على فكرة أنا كلمت الأستاذ Abo Rouqi و شرحتله وجهة نظرى و هو للعلم واحد من أكتر الناس اللى بيساعدوا بجد هنا فى المنتدى و ساعدنى أنا شخصيا قبل كده و كان مدينى رقم تليفونه من غير سابق معرفة
عموما كده أفضل للكل حتى تماشيا بحكمة (علمنى كيف أصطاد سمكة) بس برده أنا مابتخلاش عن وعدى بالمساعده لأى شخص ما قدرش يستفيد بالكامل من الموضوع أو ماقدرش يعمل الcv بنفسه برده انا تحت أمره سواء فى أى استفسار بخصوص نقطة معينة أو مساعدة عملية فى الCV نفسه.
طبعا فى ناس هتبقى عارفة اللى أنا كتبته مش هزود لها حاجة لأنى مش أعلم أهل الأرض فى كتابة الCV's بس أنا اجتهدت على أد ما قدرت عشان أفيد الناس اللى ما تعرفش أى حاجة عن الموضوع ده.
و اعذرونى إنى ما نزلتش الموضوع هنا عشان يبقى متاح للناس كلها مش اللى شاركوا من خلال الموضوع ده بس.
ده اللينك بتاع الموضوع الجديد
خطوات عمل الCV بشكل بروفيشينال (بالتفصيل الممل)
http://www.nilemotors.net/Nile/showt...636#post917636
بجد انت انسان فى قمة الاخلاق و الاحترام يا هيثم ....
ربنا يجازيك خير يارب ... ويباركلك يارب
تحيـــــــــــــــــاتــى
ميرس يا باشا علي تعبك معانا