العاب الفيديو جيم ....بتشد انتبهاك ...وتركيزك...وترفع نسبة الادرينالين في الدم ...بدرجة كبيرة جدااا ودة لانك بتحط نفسك في بيئة افتراضية علي انها واقعية...
الاكثار من لعبها بيخليك في حالة اشبة بفقدان الوعي ...يعني ممكن في اوقات ما تبقاش عارف انت في الحقيقة ولا في اللعبة....
في ناس من ممارسة العاب معينة ....بقي يتهيألة انة لو عدي الشارع والعربيات ماشية ...وعربية منهم خبطتة ..هايقوم تاني ...ويكمل...ولولا انة فاق علي الكلاكسات ...كان مات ...
اما من ناحية الاستفادة...فانا اعتقد..ان برامج المحاكاة الكاملة هي ايلي ممكن تفيد جداااا...ودي اجهزة متكاملة ....بتحاكي السيارة كلها من حيث اليات التحكم فيها ...(دركسيون و فرامل وبنزين ..واشارات...يعني عربية حقيقة) بس بتشتغل في بيئة افتراضية عالية جداااا.....Virtual Reality ودي ايلي ممكن تتدرب فيها علي اي شيء...من اول السيارات ...لحد الطيارات...
لانها متصممة ومتبرمجة علي انها تدي ردود افعال ديناميكية حقيقية ...يعني بتحس باهتزاز العربية ..وصوت الشارع والموتور...وغيرة...
طبعا بتفيد في القياده الواقعيه
خاصه لو محرك اللعبه معمول صح
عندك مثلا لعبه جامده جدا كانت ف 2008 وهي GRID
اللعبه دي واقعيه لدرجه كبيره وبتحتاج منك تركيز شديد حتى العربيات اللي الهورس باور والتورك بتاعها عالي لو مظبطش النسبه بتاعت ضغطك على البنزين والفرامل ونسب الفرامل ورا وقدام مش هتكسب ولا سباق
يعني مش جري وخلاص
أنا شخصيا في مهارات بقت جوايا بتتطبق على الواقع من كتر الممارسه الفيرشوال وتنوع العربيات اللي بسوقها ف الحقيقه كمان
حاجه اخيره : حاول تسوق manual shift+in car camera !!!! استفاده من الاخر
الاستفاده من الالعاب ديه فى الواقع مع القياده الحقيقيه بتتلخص فى التركيز و سرعه رد الفعل . و ديه انا لاحظتها بنفسى فعلا .
انا عن نفسى مش شايف اى استفادة من الموضوع
معلش يا رجالة بس الواقع مفيهوش زرار Reset و لا ٌRestart و كل العاب السيارات فيها الكلام ده
و القصد ان اسلوب السواقة فى الالعاب مش للشوارع خالص
انا مدمن العاب من زمان و طبعا العربيات هى الاساس , بس فى اطار ال FUN مش اكتر
و افتكر ال Disclaimer اللى تفضل الاخ AshTurbo برفعة فى مشاركة سابقه و اللى من مقدمة Undercover بتوصل الرسالة دى
و بتبقى منشورة فى معظم ان لم يكن كل العاب السيارات اللى لعبتها فى حياتى
اللعبة الوحيدة الى استفت منها اسمه Rally وكانت قديمة جدا
كانت لو لفيت على سرعة عالية بتتقلب وهكذا
فتعلمت ازاى الف بسرعة ع الواسع
ودا بطبقه على الواقع العملى بالظبط.
ابسط حاجة لو بجرى فى سارع واسع والشارع بيلف يمين ممشيش انا ف الشمال لا
اخد اليمين وواحدة واحدة افتح شمال ( اطلع من حارتى يعنى ) وبالتالى ابقى انا جريت والعربية لسة ع الارض. :36_1_35[2]:
انما سلسلة NFS خليك ماشى على 300 ولف يمين ولا شمال مش حتقول لا وبالتالى مفيش صعوبة فى التوجيه.
وبرضو اتعلمت الديفت بمعنى ببقى عارف العربية رايحة فين قبل ما ادخل الملف او اشد هاند.
قدر الافادة حيكون على قدر واقعية اللعبة... معلش زمان كان فيه need for speed 2 كنت بتعمل بالعربية البدع و ممكن تطير من فوق جبل او تخش فى عربية تانية و انت ماشى 200 و الحياة عادى
MMamdouh
اكيد طبعا القيادة دي بتفيد
بتخلي الواحد التركيز بتاعه يزيد
بيتابع المرايات على طول ( عشان يعرف اللى وراه فين بالضبط )
و لو لا قدر الله العربية مشيت على فردتين الجنب بعرف الف الدريكسيون في انهي ناحية عشان اعدل العربية تاني) و لو لا قدر الله حصلت في الحقيقة الواحد بيسترجع المهارات دي تاني)
بس مش معناه اني امشي على 200 زي اللعبة بالضبط و اقضيها غرز ( و لو العربية اتقلبت لا قدر الله ادوس على زرار Reset Car )ههههههههه
و اللى فادني تاني اني عرفت ايه لزمة الجنوط و العتب و السبويلر
بجد لولا اللعب دي ( و المنتدي هنا طبعا ) كان زماني ب...... مش فاهم اي حاجة في العربيات
lfs
اللعبة دى فى منتهى الواقعية كل شىء حقيقى
تعرف يعنى ايه سواقة بجد و اللى مبيعرفش يسوق فى الحقيقة مبيعرفش يلعبها اصلا
غير ان فيها متغيرات كتير و كلها بتاثر على الاداء و انت اللى بتحددها زى نسب التخفيض لصندوق التروس عشان تظبط التسارع بتاعك و العزم اللى محتاجة فى الملفات زى كمان ضغط الاطارات و جساءة نظام التعليق و البرى اللى بيحصل للكاوتش و اللعبة on line game يعنى المنافسين بشر
و بتعلمك يعنى ايه قائد دفاعى و اخر هجومى و ازاى تستخدم المرايات و استراتيجيات اخد الملفات و تدربك على حالة لما تكون عربية لازقة فيك و مفيش حاجة اسمها reset يعنى كل حاجة هتبوظ منك وانت ماشى لازم تتواكب معاها يعنى مساعد يضرب او الكاوتش يتبرى او المراية اتخبطت و هكذا.....
باختصار need 4 speed لعبة فاشلة واقعيا
و live 4 speed احسن لعبة عربيات شوفتها فى حياتى