هل القيادة الإفتراضية (Electronic games) تفيد فى القيادة الواقعية

هل القيادة الإفتراضية (Electronic games) تفيد فى القيادة الواقعية
أنا بالنسبة لي بعد تجربتى مع Need 4 Speed
أرى إنها مفيدة كالتالى
- زودت من التركيز الشديد أثناء القيادة الحقيقية ( إنت لو بتلعب مابتقدرش ترد حتى علي حد بيكلمك )
- خلتنى بخطط للطريق يعنى إمتى تمسك شمال وإمتى يمين وإمتى تبقى سرعتك أد إه ( ما إنت موش عاوز تغلط عشان ما تعدش الدور ثانى )
- مراقبة الطريق زادت ( لأنك بتتعود تراقب أى حاجة بتتحرك على الشاشة لأنك لازم تشوفها بدرى قبل فوات الأوان )
- بتخليك تعرف أنسب المسارات فى المنحنيات حسب سرعتك ( لأنك لو إتزحلقت إلى ورا هيعدوك )

تمام كلامك بس المفروض تختار لعبه معقوله تلعبها , انا كنت بالعب Burnout اللى كلها تكسير و خبطات و ده أكيد أثر عليا بالسلب

اعتقد الميزه الوحيده هتكون التعود على التركيز
والعيب انك هتكره عربيتك علشان مش هتجرى زى nfs

اقولك تجربتى مع نيد فور سبيد واكنت ابشع تجربة على الاطلاق
انا كنت حاطط شفرة بتك على زرار يروح اول لما اتك يكلبش العربية مكانها متتحركش ولا تتزحلق
وكنت على طول متعود العب بية وللاسف عملت كدة فى الحقيقة من غير اما اخد بالى كنت بالعرببية الاوكتافيا
كنت ماشى حوالى 160 وفى واحد كان ماشى حوالى 100 او 120 مش عارف بالظبط بس هو كان اهدى منى بكتير وسرحت
وجيت عندة وكبتك على الرفامل زى اللعبة لولا ستر ربنا انى رجعت لوعى تانى وردخلت الحارة اليمين باعجوبة وبسرعة جدا جدا لدرجة
انى سمعت صوت سرخة الكاوتش
ومن ساعتها مبقتش العبها رغم انى كنت بلعبها كل يوم وكتير اوى
بس بعد فترة بقيت العبها تانى وعادى

أكيد الالعاب دى بتديلك تركيز وتصور مثل الواقع تماما , وأنا أؤيد هذه النظرية تماما

بتدى تركيز وعادات جيدة وبالذات لو العاب تعليم القايادة

Need for Speed تصنف كلعبة arcade ....يعنى ملهاش فى الواقعية خالص....

عاوز لعبة تحس بيها بجزء من الواقعية..ممكن تجرب Live for Speed ودى تعتبر من أحسن اللعب ال simulation .

هي عموما بتدي تركيز افضل بس, لكن الRacing Dinamics مش بتكون مضبوطه فيها و ده لعده اسباب اهمها تفادي بعض الحلول البرمجية المعقدة

اما العاب Driving simulators دي بتكون احسن في الموضوع ده, و اتعلمت منها حاجات و تكنيكات كتير اوي بنفذها علي الطريق
و خاصة الDrifting لانه هوايتي المفضلة, بس خساره انه في مصر تكلفته عاليه و مش بعرف اعمله كتير

الميزة الوحيدة في نظري في نييد فور سبييد هي الأفكار اللي ممكن توحيلك بيها في تظبيط العربية زي شغل الفيبر والأستيكرات والجنوط والديفلات والسبويلرات غير كدة أي طريقة لعب فيها لو أطبقت على أرض الواقع هتبقى كارثة فياريت نفصل بين تقنيات وقواعد القيادة في الألعاب وبين القيادة في العالم الحقيقي .

أكتر حاجة بردو الواحد بيستفاد منها هى أمكانيات العربية ألى بتلعب بيها أخبارها أية فى الثبات ودا والله أنا أخدت بالى منة كويس جداا دا غير بقا أن الأحساس عندك بيبقى عالى شوية أنا بتكلم عن نفسى يعنى
وأنا مستعد أدخل لأى حد سباق وأنا ألى هكسب هاااا حد جاى:POINTI~2[2]: وMost wanted جامدة جداا بردو خصوصا لما البوليس بيقرب منك وأنتا ماشى على سرعة عالية فى سنسور كدة جامد أوى عامل زى السنسور بتاع العربية
http://img14.imageshack.us/img14/5247/78161961.jpg