السلام عليكم
ازيكم ياجماعه انا لسه جايب الادا 2110 مستعمله من واحد وكانت عامله 40000 كيلو متر واخدناها على 53000 روسى وفيها تكيف وعربيه حلوه بجد وبتجرى وعربيه زى الفل من الاخر بس انا عندى شويه اسئله عنها
1- هل العربيه دى حد يعرفها غير الى مشترينها ؟ يعنى انا كنت عاوز ليها مفتاح الى هو بتاع الانتذار روحت عند بتوع الادا اقولهم لادا 2110 بيقولو لا قصدك 2107 يعنى تقريبا محدش عارفها صح؟ المهم عاوز اعرف قطع غيرها القيها فين من الناس الى معاهم وخبره فيها وبالعربى عرفين المستخبى بتعها وانا من القاهره يعنى فين الناس الى فى القاهره عندهم قطع غيرها.
2- من اول الاسبوع ده وانا حاسس ان العربيه لما بشغل التكيف المؤشر بيعلى عن ال 90 حاجه بسيطه مع العلم انه الاول كان تحت ال90 حتى لو العربيه واقفه وفاتح التكيف ده ايه ؟
3- لما روحت البنزينه مره وعاوز اغسل الموتور بتاع البنزينه قالى لا دى فيها حساسات كتير ومش لازم تيجى مياه عليها ونظفها بالهواء هل فعلان غلط اغسل الموتور بتعها ولا ايه النظام معاها ؟

4- لما جينا نشتريها من الراجل ادلنا مع المفاتيح بتعاتها 3 مدليات 2 سود و1 احمر ولما قولت ليه ده ايه قالى معرفش غير انى لما جيت اشتريها الراجل قال لى متستعملهمش ؟
وانا اكتشفت يوم الاربع الى فات ان العربيه دى مش بتدور غير بالمفتاح بتعها الاسود غير كده انسى ياعمرو ان العربيه تنطق ولما سئلت بتاع المفاتيح قالى على شان المفتاح فيه شريحه عاوز حد يفهمنى نظام الامان بتعها الله يخليكم انا اخوكم برده

عموما على شان ما اتكلمش كتير وانتم تزهقو من كتر الكلام من الاخر انا معرفش اى حاجه عن العربيه دى لئنى جديد اصلا فى السواقه فياريت تعرفونى كل حاجه عن العربيه دى وشكرا جدا ليكم