عرض للطباعة
السلااااااااااااااااااااا اااااااااااااام عليكم:36_9_4:
ايه الفرق بين
الكريستالة (96-97-98-99-2000)
المكواة (2001-2002-2003)
ومين أحسن ؟
المكواة كلها برضه 1300 سى سى والاتوماتيك بتاعها سحبه تعبان زى الكريستالة
فى منها 1500 / 1600 سى سى
ممكن
يتسقط للمكواة مواتير زى الكريستالة
ولو ينفع بتبقى نفس مواتير الكريستالة ؟
مع الشكر
تقبلوا تحياتى:satelite:
انا هقولك اللى اعرفة على قد خبرتى لانى معايا مكواة 2001 وموتورها 1300 سى سى
بالنسبه للسحب مش هتحس بفرق كبير وان كان سحب الكريستاله افضل واعتقد دة عشان وزنها اخف.
بالنسبه للموتور الاتنين بينزلو مصر موتور 1300 كربرادتير ولكن ممكن تسقط للكريستاله موتور استيراد 1500 او 1600 و انا لما سألت للمكواة لقيت فيه موتور 1800 و 2000 كمان وطبعا كله انجكشن.
بالنسبه للثبات هما الاتنين تقريبا واحد.
بالنسبه للارتفاع فهو لصالح المكواه لان يعتبر العيب الوحيد فى الكريستاله انها فعلا واطيه زيادة بس طبعا دة فى صالح الثبات.
بالنسبه للصالون فصالون المكواة هو نفس صالون البومة و هو يعتبر كويس.
بالنسبه لاداء التكييف فهو رائع حتى مع موتور 1300 واكيد طبعا بيأثر على السحب.
بالنسبة لسحب البنزين فى المكواة فهو عالى شويه داخل المدينه (9كم/لتر)ولكن ممتاز على الطرق السريعة(12/كم/لتر).
بالنسبه لقطع الغيار فهى متوفرة للموديلين وان كان فى الكريستاله ارخص عشان موديل اقدم.
من الاخر العربيتين زى الفل و ان كان يعيبهم موتور 1300 كربرادتير اللى فعلا مخلى سحبهم ضعيف ومن الاخر كدة متفكرش تجيب اتوماتيك لان فعلا سحب العربيه مش مستحمل خصوصا مع التكييفز
الكريستالة سحبها مش تعبان و لا حاجة مش معنى انها 1300 يبقى سحبها ضعيف .
العربية سحبها و موتورها قوي جدا
الكريستاله زي الفل يا جماعه وسحبها حتى مع التكييف قشطه بس حطوا بنزين 90 مش 92 ولا تستعجبوا للاسف هي دي الحقيقه
ايه الفكره من البنزين ال90 ؟؟ الطبيعى ال 92 احسن و انظف
بص يا باشا انا في اعتقادي زيك بالضبط ان 92 انظف بس حضرتم انا بتكلم بناء على التجربه الفعليه ولما سألت ناس تانيه بردوا اكدولي ان الحريق بتاع الغيار في 90 اطول من 92 بناء على كلام عملاق الكريستاله هيما لانسر
بستعمل بنزين 92 و جربت 90 وكمان 80 (للتجربة فقط) فى كريستالة 99 اتوماتيك
92 افضل فى السحب و الاستهلاك.
فرق الاستلاك بسيط بس فرق السحب ملموس
95 مش فارق عن 92 خالص
بص ياباشا المكوه احسن في كل حاجه
شكل احدث ودي ازواق في ناس كتير مش بتحب الشكل ده
اتقل واثبت علي الطريق
اشيك من جوه وصالونها نفس البومه
الكريستاله سحبها احسن شويه عشان اخف
بالنسبه للبنزين كان معايا كريستاله وكانت دايما تسقف من بنزين 90 وتبقي مكتومه حاطيط 92 بقيت زي الفل وعمرها ما عملت تسقيفه او كركرت حتي مع التكييف
ياجماعة حيرتونا معاكم انا معايا كريستالة 99 و مانيوال و بحط 92 ......عايز اعرف انهى أفضل 90 ولا 92 ..... من المفترض ان كل لما الأكتان زاد يدى سحب للعربية أكتر و يتحرق أسرع....بس انا عندى باب البنزين ماكتوب علية 90 .....اعمل اية بقى
مش المفترض ياباشا هو الصح ان البنزين يتحطعلي حسب نسبه انضغاط الموتور مش شرط ان كل متحوط بنزين اعلي يديك سحب افضل وهضرب لحضرتك مثال انا مجربه بنفسياقتباس:
المشاركة الأصلية كتبت بواسطة nokian70
صديقي معه مرسيدس موديل 1986 190 e طول عمره بيحوطلها 90 والعربيه ماكنتش بتسحبوانا كنت بتحايل عليه يحوط 80 لان العربيه قديمه المهم جرب 80 مره العربيه بقيت طياره 160 دي بتجبهم هواااااا بعد ماكان اخره 140
فمش شرط المهم تحوط بنزين مناسب للرعبيه
بالنسبه للكريستالهفعلا مكتوب علي التانك 90 بس مكتوب +90 يعني 90 وانت طالع تمام كده
وبما ان حضرتك فيمصر المحروسه ال 90 = 80 لان التانكات مش نضيفه وكلها رواسب وبتكون قديمه ومتهالكه فمياه الغسيل بتنزل علي البنزين فطبعا البنزينبيكون زي الزفت
عشان كده 92 افضل كثيرا وده عن تجربه والله
العربيه معايا ال 90 كانت بتعمل حاجات غريبه وخصوصا لما اشغل التكييف تسمع احلي تشجيع وتسقيف وتصفير وكل حاجه من يوم ما حطيت 92 والعربيه ماشيه ماشاء الله زي الفل لحد ما بعتها واللي اشتراها برده بيحوط 92
:36_1_35[2]:
جزيل الشكر للأخوة الكرام على مشاركتهم
بس رجاء الأفادة عن الأستفسار ات الكتير انا عارف اللى أنا مش عارف عنها اى حاجة وهى:
اقتباس:
مين أحسن (الكريستالة * المكواة )؟
المكواة كلها برضه 1300 سى سى والاتوماتيك بتاعها سحبه تعبان زى الكريستالة
فى منها 1500 / 1600 سى سى
ممكن
يتسقط للمكواة مواتير زى الكريستالة
ولو ينفع بتبقى نفس مواتير الكريستالة ؟
*
ياريت شوية نصايح تكون عن تجربة من أصحاب الكريستالة أزاى الواحد يتغلب على مشكلة ضعف السحب فى حالة (اتوماتيك + تكيف )
مع تقديرى واحترامى
ياباشا تصحيح بس اولا لانسر السحبب تاعها مش تعبان ولا حاجه
ثانيا المكوه تقيله شويه عن الكريستاله وعشانكده سحبها اقل من الكريستاله
ثالثا السحب بيتقل مع التكييف تمام كده بس عايز اقولك ان معظم العربيات بتبقي كده مع التكييف الصني معايا واهي 1600 واتنين كامه ومع ذلك مع التكييف بتتقل جامد
فده طبيعي مع مراعاه انك هتركب عربيه مش زيرو انت عربيه بقالها 10 مثلا ماشيه في مصر يعني تراب وقرف وبنزين تعبان وصنايعيه تعبانه فاكيد الموتور مش هيكون بحالته
حاجه كمان حضرتك بقه لو عاز اصلا سحب وسرعه وغاوي شد ن الاول متجيبش اتوماتيك خاااااالص لا مع التكييف ولا من غيره لان التوماتيك معموله للراحه مش للشد والجري
ولذلك مفيش طريقه للتغلب علي ضعف السحب مع التكيييف عشان ده مش عيب في العربيه عشان بتعالج ويارب اكون افدتك
بالنسبه للتسقيط والحوارات دي انا بصراحه مش خبير فيها وفي ناس خبره هنا ترود عليك ان شاء الله
احب اوضحلك حاجة انا لما قلت ان المكواة او الكريستاله موتورهم سحبه مش جامد كان قصدى انها بالموتور دة مش بتاعة جرى وشد.يعنى ببساطة متبقاش راكب موتور 1300 و اتوماتيك و تروح تشد مثلا مع فيرنا و تقولى اصل انا راكب يابانى.
من الاخر الموتور دة كويس جدا بالنسبه لمواتير 1300 و مش هتحس خالص انه 1300 هقولك حاجة توضحلك اد ايه الموتور دة كويس.
انا معايا كيا برايد سيدان 1300 كربراتير .بتطلع 62 حصان.
عارف المكواة 1300 اللى بردة معايا بتطلع كام حصان. 78 حصان !!!!!!
واضح الفرق بين موتورين 1300 كربرادير قد ايه .دة غير طبعا ان الفرق فى النعومة مش طبيعى.
اقتباس:
ياباشا تصحيح بس اولا لانسر السحب بتاعها مش تعبان ولا حاجه
حاجه كمان حضرتك بقه لو عاز اصلا سحب وسرعه وغاوي شد ن الاول متجيبش اتوماتيك خاااااالص لا مع التكييف ولا من غيره لان التوماتيك معموله للراحه مش للشد والجري
أولاّ : متشكر جداّ جداّ لحضراتكم على المشاركة والأهتماماقتباس:
احب اوضحلك حاجة انا لما قلت ان المكواة او الكريستاله موتورهم سحبه مش جامد كان قصدى انها بالموتور دة مش بتاعة جرى وشد.يعنى ببساطة متبقاش راكب موتور 1300 و اتوماتيك و تروح تشد مثلا مع فيرنا و تقولى اصل انا راكب يابانى.
.
ثانياّ : انا مش بتاع شد وحركات ولا حاجة بس هى الفكرة أن أن مبحبش خاااااااااااااااالص أركب عربية
تكركر وتسقف واحس انها مش قادرة تمشى خصوصاّ لو راكب معاك أتنين أوتلاته
ولا مشغل تكيف أو حتى طالع كوبرى
الموضوع ده هو اللى مخوفنى وخصوصاّ أن تجاربى مع الأتوماتيك محدودة جداّ
مع جزيل الشكر
اقتباس:
المشاركة الأصلية كتبت بواسطة shemoo
لا لا
مافيش الكلام ده في المكوة - اللي اعرفها كويس- العربية بتمشي بالتكييف و تطلع مطالع و هي محملة اربعة و شنط و عادي ...ولا كركرة ولا تسقف
اللي بيقولك ان الموتور مش قد كده يقصد مقارنة بالحاجات التانية 1600 مثلا
انما انا كانت معايا مكوة 3 سنين تقريبا ...عمري محسيت ان الموتور قصر رقبتي
____________
المكوة كمان عربية ثابتو بشكل مرضي و جبت بيها 170 (بالعفية صحيح بس جابتها) وكانت حلوة ماتخوفش في المشي
الشنطة واسعة كويسة
الصالون ظريف هو هو بتاع البومة .
الارتفاع عن الأرض مناسب جدا و عملي جدا (ودي ميزة قدام الكريستالة اللي فضحتنا في العجمي و مطباته زمان)
فعلا انا لما قارنتها كان قصدى مواتير 1600 .بص هو زى ما قالط احمد سامى العربية انسى حكاية انك تحس انها ضعيفة بتكركر .يعنى انا بردة عربيتى ياما ركبنا 5 ومشغلين التكييف وماشى فى الزحمة.العربية ما شاء الله زى الفل و لا عمرها هتسقف ولا تكركر منك.اقتباس:
المشاركة الأصلية كتبت بواسطة Ahmed Samy
وعلى فكرة يا احمد انا مرة جبت بيها 190 بس للامانة متطولتش عليها هو انا بس كنت عاوز اشوف اخرها .بس رفعت راسى:verygood:
190 ؟اقتباس:
المشاركة الأصلية كتبت بواسطة momohsen
و جبتهم في قد ايه
اصلي كنت باقعد ربع ساعة على ما اوصل ل 170 دي
ههههههههههههههههههههه
زي الاخوه ماقالوا لحضرتك كده بالظبط حمل ياباشا فيها زي مانت عايز واطلع مطالع عااادي وعمرها هتكركر ولا تسقف ولا حاجه
بس القصد انك متشدش وتقرص وكده وانت محملها ومشغل التكييف لازم حضرتك تراعي انها 1300 وزي ماقلت لحضرتك التكييف بيأثر علي اي موتور وخصوصا لو الفتيساتوماتيك
بجد العربية دة محترمة يعنى انا كنت راجع بيها من السخنة و كنت قرص عليها و انا رايح بس راسها 1000 سيف مش هتجيب فوق 160 المهم قرصت عليها شويتين. و قمت و انا راجع قرصت على الغيارات شويه جابت 190 بس انا جبتهم و قمت مهدى لان بردة انا راكب لانسر 1300 مش مرسيدس 3000 :shyy:اقتباس:
المشاركة الأصلية كتبت بواسطة Ahmed Samy
أنا متشكر جداّ لحضراتكم وربنا يخليكم
بس معلش فى " سؤالين "
1- من الردود واضح ان حضراتكم بتفضلوا المكواة على الكريستالة صح ؟
2- طيب لو قدامى مكواة او كريستالة اتو 1300 أحسن ولا اركب كورى اتو 1600 زى ( فيرنا / سيفيا99 / النترا99 / نوبيرا / سبكترا ) وما شابه
معلش يا جماعة تعبتكم معايا بس الموضوع بتاع الاختيار طلع صعب أوى ومش عارف أرسى على حاجة وخلاص هاتجنن
تقبلوا تحياتى
خليك في المكواه الكريستالة هتبقى حسب الاستعمال دايما مش نظيف
الإلنترا ممكن تكوم منافس جيد
اللي يحكمك ..الحالة
ممكن النترا الشكل القديم العربيه دي جميله فعلا بس شكلها قديم من جوه
يعنى يا رجالة
تنصحونى بالكريستالة ولا المكواة
ولية؟؟؟
ساعدونا يا أخونا :ask::ask:
فين وحوش الانسر !!!!!!!!
تقبلوا تحياتى
فين اللانسراوية الجدعان ؟
طيب الهورس باور والعزم والتسارع والأمور الخاصة بأداء المحرك فى فروق بينهم ولا هما الأتنين واحد مع الأخذ فى الأعتبار ان الكلام على الاتوماتيك
عموماّ فى أنتظار تشريف الموضوع بوحوش ال لانسر
تقبلوا تحياتى
طب
أى حد
يقول أى حاجة:_Alshmokh22[1]::ask::ask::ask:
الكريستاله احسن كتير لو حالتها حلوه قطع غيار موجوده فى كل حته و الصنايعيه بيشتغلو فيها حلاوه و عربيه ناعمه و جميله اتوكل على الله و هات كريستاله
صباح الفل
يا لانسراوية
أخر كلام
مين أحسن الكريستالة ولا المكواة
لغاية دلوقتى
مش عارف مين فيهم أحسن
ياريت اللى عنده تجارب يفيدنا
تحياتى
أولا الكلام هيتوقف علي عده نقاط
1- انت أصلا مرتاح لمين فيهم
2- لما قعدت في كل واحده مين عجبتك
3- لما سوقتها مين شدتك ليها
وماتقولش انك مجربتش لازم تجرب شوف اي عربيه مع اي حد او اتفرج وكأنك هتشتري وجرب
لازم تجرب علشان تشوف انت مرتاح ولا لأ
في بعض النقط في صالح الكريستاله وبعض النقط في صالح المكواه
أولا نقط الكريستاله :
1- الشكل محبوب ومألوف لناس كتيره جدا
2- قوه وعزم الموتور أحسن
3- النعوميه في السحب
4- نعومه العفشه
5- قطع غيار في كل مكان وبأسعار جميله
بعض نقاط التي تقع في صالح المكواه
1- موديلها أحدث
2- المقصوره الداخليه تحتوي علي شكل حديث
3- العربيه مرتفعه عن الأرض
4- عفشتها ناعمه
ولك بعض عيوب الكريستاله :
1- ارتفاعها عن الأرض قليل نسبيا مما يسبب مشاكل لبعض الناس
2- موديلها قديم نسبيا للمكواه
ولك بعض عيوب المكواه:
1- الشكل غير محبوب لناس كثيره جدا
2- ارتفاع سعر قطع الغيار مقارنه بالكريستاله
3- عزم الموتور ضعيف مقارنه بالكريستاله وذلك لخفه وزن الكريستاله
انا كده تقريبا جمعتلك أهم النقاط ولك الأختيار وأهم شيء تكون مرتاح وربنا يرزقك بعربيه جميله وديلك خيرها ويكفيك شرها
بس ماتنساش تجيب لفه بقي
بص ياباشا العربيتين تقريبا واحد بس المكواه شكل احدث سواء شكل خارجي او صالون وموديل اقرب يعني ممكن تلاقي حالات كويسه اكتر من الكريستاله بس اللي يحكمك في الاول والاخر الحاله يعني لو حتي لقيت لانسر بطه قديمه بس حالتها احسن من الكريستاله والمكواه هاتها
بس ابعد عن الاتوماتيك في الحالتين , لكن عموما الكريستاله فيها مزايا كتير اهمها انتشار قطع الغيار وسهوله اعادة البيع
برضه ماتقارنش اللانسر بالسيفيا او اللانوس لان اللانسر يكسب رغم فرق الموتور لصالح الكوري
والمهم في الموضوع كله رايك الشخصي وانت مرتاح لمين فيهم
ليه بلاش الاوتوماتيك؟؟؟ مع ان معروف ان اوتوماتيك اليابانى محترم جدااقتباس:
المشاركة الأصلية كتبت بواسطة zezo13178
فعلا الاوتماتك اليبانى مفيهوش غلطه وبيعيش لحد متموت انته :]اقتباس:
ليه بلاش الاوتوماتيك؟؟؟ مع ان معروف ان اوتوماتيك اليابانى محترم جدا
لكن ممكن يقصدوا من حيث الناس اللى بتحب تجرى وتقرص لان الاوتماتك مينفعش فى الكلام دا
الاوتماتك للراحه والسهوله
انا اعرف ناس بتجيب العربيه علشان القرص والتخميس والكلام بتاع الشباب دا فمينفعش معاهم اوتماتك نهائى
لكن لفتيس اوتماتك فى اليبانى ولا كلمه لا يقارن مع الكورى اطلاقا اللى مبيكملش سنه وتلاقيه كله مشاكل
للعلم لصاحب الموضوع انصحك تجيب مكواه فهى مميزه عن الكرستاله فى حجات كتير وبقية الحجات تتشابه معها لذلك المكوه تغلب فى المميزات ... ولا تنسى اهم شىء انك تجيب العربيه اللى مقتنع بيها لو مقتنع بالكرستاله وحببها اكتر متخدش اى كلمه من اللى بقولها وتوكل على الله وهات اللى انته أرتحت له علشان تحب العربيه وتستريح ليها ومتتعقدش
للعلم عندى مكوه الآن 2001 العربيه ماشاء الله ممتازه لا تقارن بالفيرنا ولا الكلام دا كله
يكفى انى بمشى على 140 مبحسش باى هزه وثبات عالى لدرجه لا تتخيلها ولا كانك ماشى على 50 متحكم تحكم كامل فى العربيه .
طيب ممكن اعرف اية اخبار العربيه عامة؟اقتباس:
المشاركة الأصلية كتبت بواسطة zoro007
هى مانيوال ولا اوتوماتيك؟ طيب و سحب الاوتوماتيك عامل اية؟
مش للقرص بس قصدى يعنى ان العربية تسعفنى لو اتزنقت بين عربيتين مثلا؟
استهلاك البنزين؟
قطع الغيار واسعارها؟ معمرة زى الكريستاله؟
اعتمادية العربيه؟
هل فى عيوب مثلا دايما بدايقك فى العربيه؟ يعنى مبسوط منها 100 فى 100؟
شكرا مقدما
أخبار العربيه حتى الآن زى الفل مفيش اى شكوى فيها حتى الآن مرتاح فيها جدااقتباس:
طيب ممكن اعرف اية اخبار العربيه عامة؟
العربيه مانول مش اوتماتك صراحه مجربتش الاوتماتك فى المكوه لكن جربته فى الكرستاله والبومااقتباس:
هى مانيوال ولا اوتوماتيك؟ طيب و سحب الاوتوماتيك عامل اية؟
مش للقرص بس قصدى يعنى ان العربية تسعفنى لو اتزنقت بين عربيتين مثلا؟
وصراحه لقيت المكوه قريبه جدا من البومه بدرجه كبيره من جوه بحس انى راكب البومه بالضبط
بالنسبه للاوتماتك فجربته فى الكرستاله والبوما مشكلته الوحيده فى الموتور ال 1300 وانته مشغل التكييف
بيبقى سحب المكنه ضعيف شويه لما بيكون شغال تكييف لان تكييف واوتماتك فى مكنه 1300 صعب شويه خبطتين فى الراس توجع :]
والتأثير مش للدرجه يعنى لكن لو انته بتحب الجرى بالعربيه مش هتبقى مستريح لانه مش هيساعدك فى الجرى
لكن لو المكنه 1600 بيبقى زى الفل
استهلاك البنزين جيد جدا مع ال 90 فى ال 92 بيتحرق بسرعه لكن بالنسبه للمقارنه مع النوبيرا فهو موفر عنها كتير يمكن علشان النوبيرا 1500 و 1600 المكنه ... ملحوظة (مجرب النوبيرا قبل كدا فى سحب البنزين)اقتباس:
استهلاك البنزين؟
قطع الغيار اسعارها جيده ورخيصه اغلى من الكرستاله حجات بسيطه تفرق 10 و 20 جنيه كلام فارغ مش مستاهل يعنى بالنسبه لمعمره ام لا فلا اعرف العربيه بقالها معايه فتره بسيطه بس اكيد معمره دى لانسر :]اقتباس:
قطع الغيار واسعارها؟ معمرة زى الكريستاله؟
طبعا من غير مقول دى لانسر تعتمد عليها وانته مغمض ان كانت مكوه او اى موديل فى اللانسر ويكفى انها يبانى 100% مفهاش اى تدخل او أيد مصريه او كوريهاقتباس:
اعتمادية العربيه؟
بالنسبه للعيوب فمفيش عيوب ظهرت حتى الآن مستريح ليها 100% لحد دلوقتىاقتباس:
هل فى عيوب مثلا دايما بدايقك فى العربيه؟ يعنى مبسوط منها 100 فى 100؟
جميع المعلومات اللى قلتها لك عن تجربه شخصيه
اتمنى ان اكون افدتك
بأختصار شديد :
لو اسرتك مكونه من سعادتك + المدام + 2 أو 3 أطفال وهو دا أغلب مشيك بالعربية يبقى مافيش مشكلة اطلاقا فى ارتفاع الكريستالة عن المطبات بالنسبة لك وهو العيب الوحيد فى الكريستالة ... أم لو كان الركاب بالغين و ذوى أوزان فوق المتوسطة وهو دا أغلب مشيك بالعربية يبقى الكرستالة هتعذبك .. وحاول فى جميع الحالات انك تجيب الفتيس مانيوال .... أعتقد أن ده هو المختصر المفيد لأن باقى الفروق غير مؤثرة ولك تحياتى