* الكرسيتالة * vs * المكواة *

**el-shimy** · 14-06-2009 11:29 PM

السلااااااااااااااااااااا اااااااااااااام عليكم

ايه الفرق بين
الكريستالة (96-97-98-99-2000)
المكواة (2001-2002-2003)
ومين أحسن ؟

المكواة كلها برضه 1300 سى سى والاتوماتيك بتاعها سحبه تعبان زى الكريستالة

فى منها 1500 / 1600 سى سى

ممكن
يتسقط للمكواة مواتير زى الكريستالة
ولو ينفع بتبقى نفس مواتير الكريستالة ؟

مع الشكر
تقبلوا تحياتى

**MoMohsen** · 15-06-2009 10:57 AM

انا هقولك اللى اعرفة على قد خبرتى لانى معايا مكواة 2001 وموتورها 1300 سى سى
بالنسبه للسحب مش هتحس بفرق كبير وان كان سحب الكريستاله افضل واعتقد دة عشان وزنها اخف.
بالنسبه للموتور الاتنين بينزلو مصر موتور 1300 كربرادتير ولكن ممكن تسقط للكريستاله موتور استيراد 1500 او 1600 و انا لما سألت للمكواة لقيت فيه موتور 1800 و 2000 كمان وطبعا كله انجكشن.
بالنسبه للثبات هما الاتنين تقريبا واحد.
بالنسبه للارتفاع فهو لصالح المكواه لان يعتبر العيب الوحيد فى الكريستاله انها فعلا واطيه زيادة بس طبعا دة فى صالح الثبات.
بالنسبه للصالون فصالون المكواة هو نفس صالون البومة و هو يعتبر كويس.
بالنسبه لاداء التكييف فهو رائع حتى مع موتور 1300 واكيد طبعا بيأثر على السحب.
بالنسبة لسحب البنزين فى المكواة فهو عالى شويه داخل المدينه (9كم/لتر)ولكن ممتاز على الطرق السريعة(12/كم/لتر).
بالنسبه لقطع الغيار فهى متوفرة للموديلين وان كان فى الكريستاله ارخص عشان موديل اقدم.
من الاخر العربيتين زى الفل و ان كان يعيبهم موتور 1300 كربرادتير اللى فعلا مخلى سحبهم ضعيف ومن الاخر كدة متفكرش تجيب اتوماتيك لان فعلا سحب العربيه مش مستحمل خصوصا مع التكييفز

**M.FOUAD** · 15-06-2009 02:12 PM

الكريستالة سحبها مش تعبان و لا حاجة مش معنى انها 1300 يبقى سحبها ضعيف .
العربية سحبها و موتورها قوي جدا

**madoo_600** · 15-06-2009 02:52 PM

الكريستاله زي الفل يا جماعه وسحبها حتى مع التكييف قشطه بس حطوا بنزين 90 مش 92 ولا تستعجبوا للاسف هي دي الحقيقه

**islamaboelnaga** · 15-06-2009 05:41 PM

ايه الفكره من البنزين ال90 ؟؟ الطبيعى ال 92 احسن و انظف

**madoo_600** · 15-06-2009 07:55 PM

بص يا باشا انا في اعتقادي زيك بالضبط ان 92 انظف بس حضرتم انا بتكلم بناء على التجربه الفعليه ولما سألت ناس تانيه بردوا اكدولي ان الحريق بتاع الغيار في 90 اطول من 92 بناء على كلام عملاق الكريستاله هيما لانسر

**أبو_حمزة** · 15-06-2009 09:48 PM

بستعمل بنزين 92 و جربت 90 وكمان 80 (للتجربة فقط) فى كريستالة 99 اتوماتيك
92 افضل فى السحب و الاستهلاك.
فرق الاستلاك بسيط بس فرق السحب ملموس
95 مش فارق عن 92 خالص

**bmya** · 16-06-2009 12:33 AM

بص ياباشا المكوه احسن في كل حاجه
شكل احدث ودي ازواق في ناس كتير مش بتحب الشكل ده
اتقل واثبت علي الطريق
اشيك من جوه وصالونها نفس البومه
الكريستاله سحبها احسن شويه عشان اخف
بالنسبه للبنزين كان معايا كريستاله وكانت دايما تسقف من بنزين 90 وتبقي مكتومه حاطيط 92 بقيت زي الفل وعمرها ما عملت تسقيفه او كركرت حتي مع التكييف

**bmya** · 16-06-2009 07:58 PM

المشاركة الأصلية كتبت بواسطة nokian70

ياجماعة حيرتونا معاكم انا معايا كريستالة 99 و مانيوال و بحط 92 ......عايز اعرف انهى أفضل 90 ولا 92 ..... من المفترض ان كل لما الأكتان زاد يدى سحب للعربية أكتر و يتحرق أسرع....بس انا عندى باب البنزين ماكتوب علية 90 .....اعمل اية بقى

مش المفترض ياباشا هو الصح ان البنزين يتحطعلي حسب نسبه انضغاط الموتور مش شرط ان كل متحوط بنزين اعلي يديك سحب افضل وهضرب لحضرتك مثال انا مجربه بنفسي
صديقي معه مرسيدس موديل 1986 190 e طول عمره بيحوطلها 90 والعربيه ماكنتش بتسحبوانا كنت بتحايل عليه يحوط 80 لان العربيه قديمه المهم جرب 80 مره العربيه بقيت طياره 160 دي بتجبهم هواااااا بعد ماكان اخره 140
فمش شرط المهم تحوط بنزين مناسب للرعبيه
بالنسبه للكريستالهفعلا مكتوب علي التانك 90 بس مكتوب +90 يعني 90 وانت طالع تمام كده
وبما ان حضرتك فيمصر المحروسه ال 90 = 80 لان التانكات مش نضيفه وكلها رواسب وبتكون قديمه ومتهالكه فمياه الغسيل بتنزل علي البنزين فطبعا البنزينبيكون زي الزفت
عشان كده 92 افضل كثيرا وده عن تجربه والله
العربيه معايا ال 90 كانت بتعمل حاجات غريبه وخصوصا لما اشغل التكييف تسمع احلي تشجيع وتسقيف وتصفير وكل حاجه من يوم ما حطيت 92 والعربيه ماشيه ماشاء الله زي الفل لحد ما بعتها واللي اشتراها برده بيحوط 92