هل مازلت مصر على شراء السيارات الصينى

**nav man** · 15-06-2009 01:03 PM

السلام عليكم واللة يآخواني الحادثة مش بتفارق بين صيني و ياباني وكوري وغيرة,ربنا يحفظنا ومتنسوش دعاء ركوب السيارة.

**ahmedhilmy** · 15-06-2009 01:05 PM

المشاركة الأصلية كتبت بواسطة mohammed_raafat

ما هو الميزة في ان الموتور بيجي عندك في الصالون عشان تشوف بعنيك و تتأكد من إن جهاز الـ abs و الebd موجود فعلا مش اشتغالة

تمام قوي

**tutankhamoun** · 15-06-2009 01:11 PM

فعلا العربيات الصيني ( أغلبها ) فاشل في أختبارات التصادم و مش بيراعوا التصميم الدقيق لجسم السيارة لتفادي اصابة الركاب .

و فعلا بشوف عربيات حاصلة على 3 نجوم فأكثر في اختبارات التصادم و الناس بتطلع من العربية سليمة نظرا لأن الموتور بينزل على الأرض و الكابينة بتفضل سليمة .
إنما العربيات الصيني الموتور بيدخل على الكابينة و بيبهدل العربية .

بس في نقطة .
كل الأختبارات بتم على سرعة 64 كم - س .......
يعني أنا شوفت عربيات حاصلة على 5 نجوم في الأختبارات و برضه بتتعجن و الناس بتموت جواها .
يبقى أهم حاجة
نشتري عربية تكون فيها وسائل أمان و متجربة في أختبارات الأمان علشان الحوادث الفجائية اللي ممكن تحصل و كل لما تكون العربية فيها أمان أكتر كل لما تقل نسبة الوفيات في الحادث .
و كمان ......... نسوق بشويش ....... و منلصقش في بعض و أحنا طايرين على الدائري على سرعات عالية و ماشيين ورا بعض أكنا الدنيا هاتطير لو سوقت مظبوط على سرعة الطريق و تركت مسافة الأمان .

ساعتها و لا أي عربية هاتنفع ...... و لا صيني و لا يحزنون .

**نور القمر** · 15-06-2009 01:26 PM

يعني ايه abs و ebd ؟؟؟؟؟؟؟

**Hacker5** · 15-06-2009 01:29 PM

مش كل السيارات الصينى ساقطة فى اختبار التصادم
عندك ماركة جيلى الموديل اللى اسمه CK 2 ساقطة فى اختبار التصادم
و عندك شيرى A3 و عندنا اسمها Speranza M11 واخدة 5 نجوم فى اختبار الحوادث الروسى و تقدر تشوف الفيديوهات

http://www.youtube.com/watch?v=nWfIaimzVrQ

http://www.youtube.com/watch?v=TcwjDcyG5Vw

http://www.youtube.com/watch?v=a5bOuzG-Jys

يعنى مش كل الصينى وحش و هما كل فترة بيغيرو من نفسهم
حتى لو فاكرين اختبار التصدام بتاع البريليانس لما خدت صفر فى اختبار التصادم و بعد 3 شهور نزلو نفس العربية مع تعديل هيكل السيارة و تدارك الاخطاء خدت 3 نجوم
المشكلة اننا بنتكلم عن وسائل الامان و اكتر عربيات ماشية فى الشارع رايحة فى داهية من ناحية الامان زاى الفيرنا و اللانوس و الافيو ... الخ
متهيقلى ان لو حد عايز يشترى عربية صينى يروح لماركة كويسة شوية
و بلاش ماركة جيلى دى خالص :)

**Ashraf_Ashraf** · 15-06-2009 01:34 PM

المشاركة الأصلية كتبت بواسطة hacker5

مش كل السيارات الصينى ساقطة فى اختبار التصادم
عندك ماركة جيلى الموديل اللى اسمه ck 2 ساقطة فى اختبار التصادم
و عندك شيرى a3 و عندنا اسمها speranza m11 واخدة 5 نجوم فى اختبار الحوادث الروسى
يعنى مش كل الصينى وحش و هما كل فترة بيغيرو من نفسهم
حتى لو فاكرين اختبار التصدام بتاع البريليانس لما خدت صفر فى اختبار التصادم و بعد 3 شهور نزلو نفس العربية مع تعديل هيكل السيارة و تدارك الاخطاء خدت 3 نجوم
المشكلة اننا بنتكلم عن وسائل الامان و اكتر عربيات ماشية فى الشارع رايحة فى داهية من ناحية الامان زاى الفيرنا و اللانوس و الافيو ... الخ
متهيقلى ان لو حد عايز يشترى عربية صينى يروح لماركة كويسة شوية
و بلاش ماركة جيلى دى خالص :)

مع كامل الاحترام والتقدير لشخصك بس اعتقد ان الموديلات دى مانزلتش مصر ومش هى اللى موجوده فى مصر
وانا كان كلامى على النوعيه اللى موجوده هنا واللى الوكلاء كل همهم المكسب وبس حتى ولو على حساب ارواح الناس

**MaZaGAngeE** · 15-06-2009 01:55 PM

ادخل على www.youtube.com
و دور على العناون ده :
chinease car crash test
و إنت تشوف بلاوي مالهاش اخر من العربيات الفاشلة دي , و بعدين هيه أسعارها في مصر غالية مش رخيصة ...........

**Terrible_DaRsH** · 15-06-2009 02:05 PM

ضيف عليهم اللانوس .

اسوا عربية شفتها فى حياتى ( مع الاعتذار لملاكها ) .

امبارح فى شارع الهرم و على اقل من سرعة 50 كم خبطت عربية لانوس فى عربية تويوتا من الخلف .

التويوتا محصلهاش حاجة نهائي , فى حين ان اللانوس اتفرتكت 100 قطعة و بقت عبارة عن اجزاء ملقاه فى الشارع .

عربية ملهاش امــــان هى و الفيرنا .

**Ashraf_Ashraf** · 15-06-2009 02:24 PM

المشاركة الأصلية كتبت بواسطة terrible_darsh

ضيف عليهم اللانوس .

اسوا عربية شفتها فى حياتى ( مع الاعتذار لملاكها ) .

امبارح فى شارع الهرم و على اقل من سرعة 50 كم خبطت عربية لانوس فى عربية تويوتا من الخلف .

التويوتا محصلهاش حاجة نهائي , فى حين ان اللانوس اتفرتكت 100 قطعة و بقت عبارة عن اجزاء ملقاه فى الشارع .

عربية ملهاش امــــان هى و الفيرنا .

انا شوفت الميجان خبط فى 128 والله لقيت العربيه كان اللحام بتاعها كله فك كانها عربيه ميكانو
بس بيقال ان ده الاسلوب الحديث فى حمايه الركاب ان العربيه تتنتهى وتحافظ على ركابها

**jisso82** · 15-06-2009 02:45 PM

المشاركة الأصلية كتبت بواسطة ash_rsi

مع كامل الاحترام والتقدير لشخصك بس اعتقد ان الموديلات دى مانزلتش مصر ومش هى اللى موجوده فى مصر
وانا كان كلامى على النوعيه اللى موجوده هنا واللى الوكلاء كل همهم المكسب وبس حتى ولو على حساب ارواح الناس

الكلام ده مظبوط و العيب مش على الصين كدولة أو كإنتاج العيب فى المستورد أو الوكيل بتاعنا هو اللى بيحدد المواصفات اللى هو طالبها طبعا مش فنيا بس على الأقل سعريا يعنى مثلا أنا عايز عربية تتباع بكذا و يحط مبلغ و عليه هينفذوا كلامه فى حدود المبلغ اللى طلبه و ده إذا ما كانش باين أوى فى العربيات بصوا عليه فى باقى الحاجات التانية يعنى قارنوا مثلا mp3 صينى من العتبة و واحد صينى برده من راديو شاك هتلاقوا الجودة مختلفة تماما و قطع غيار الكمبيوتر و الموبيلات من أكتر الحاجات اللى باين فيها الفروق دى انتوا عارفين شاحن نوكيا الصينى اللى بيتباع فى محلات الموبيلات بتاعة المترو ب 5 جنيه ده بيقف بكام من الصين تكلفته الإجمالية بالشحن بكل حاجة طبعا أقصد لاستوك كامل بيقف ب 30 قرش حد يقوللى بقى ال30 قرش دول تمن إيه بالظبط السلك و لا البلاستيك المعمول منه غطاء الشاحن و لا المقاومات اللى جوا و لا إيه بالظبط (على فكرة المثال الرقمى ده حقيقى و من كلام مستورد قطع غيار أجهزة محمول كنا نعرفه شخصيا)
المشكلة عندنا فى مصر جشع المستورد فقط لا غير