الموضوع: هل مازلت مصر على شراء السيارات الصينى

و انا عايز اسال سؤال ..
دلوقتي التيجو ب 95 الف 2000 سي سي .. يعني جمارك 2.05 من ثمن العربية يعني بحسبة بسيطة يكون سعر العربية حوالي 34 الف جنيه يعني 6 الاف دولار ..
فهل المطلوب مني اثق فعربية نصف ثمن منافسينها يعني مواد و جودة اي كلام ..

المشاركة الأصلية كتبت بواسطة som3aa

حضرتك بتهزر و لا بتتكلم جد؟؟؟؟
كل الفيديوهات دى CHINA NCAP و دا اختبار امان صينى تعباااان تقليد اختبار الامان الاوروبى و ما شاء الله مفيش و لا عربية صينى معتدش منه و بجدارة و الاختبار دا اساسا مش معترف بيه من اى دولة اوروبية و لا من امريكا و العربيات الزبالة دى علشان تنزل (هى اساسا مبتنزلش لانها زبالة متسواش و محدش هيشتريها ) لانهم شعوب فاهمة كويس و عندهم مقاييس و معايير مش زى هنا فى مصر, طيب لما الزبالة الصينى دى احسن من الافيو و لا الاكسنت مثلا ليه الافيو بتتباع فى امريكا و الزبالة الصينى لا؟؟
اختبار ال china NCAP دا استخفاف بالعقول و ميدخلش على حد فاهم ابدا , قال CNCAP قال.

العربيات الصينى بلا استثناء زبالة و مينفعش نسميها عربيات و كلها ضحك على الناس و مبالغة فى مكاسب التوكيلات و خداع و خلاص.

أنا معاك علشان إنت بتفهم المفروض لم أجي أقارن أثبت كل العوامل و أغير حاجة واحدة

يا جماعة
حكاية ان الوكيل يطلب عربية بخامات معينة دى استحالة
احنا بتكلم فى عربية مش فوانيس رمضان ولا لعب اطفال و لا اجهزة الكترونية
دى عربية
استحالة الوكيل يقول مثلا انا عايز عربية خاماتها متوسطة
لا طبعا
الوكيل ممكن يطلب موصفات خاصة
مثلا يقول انا عايز عربية من غير ايرباج و ABS و EBD
عايز عربية من غير زجاج كهربائى خلفى
عايز عربية ... الخ
لكن مايقدرش يقولهم انا عايز خامات التابلو ه كذا و الموتور كذا
الكلام دة موجود فى حالة اى منتج تانى المستورد نفسه يطلب اعفن حاجة
لكن فى العربيات دى استحالة لان دى حاجة Standard ماينفعش لا يزود ولا يقلل منها

اما عن وسائل الامان اكتر عربيات ماشية فى الشارع مفهاش امان من 128 ولادا و لانوس و فيرنا و افيو اللى ادشدشت 1000 حتة فى اختبار التصادم و محدش اتكلم لكن الكلام دة لو حصل فى عربية صينى نقول " يع دى كوخة خالص "
طب بذمتكوا فى حد استلم عربية تقفيل مصرى سواء لانوس او فيرنا و مالقاش فيها عيوب
انا عن نفسى جربت
انا مغير فى الانوس فى فترة الضمان مساعدين امامين و طنابير و اول مستلمت العربية كانت عايزة ظبط زوايا و ترصيص
مقولتش دى عربية وحشة
لكن لو حصل فى عربية الصينى الناس هاتقول ما هو طبعا هو دة الصينى
الصينى دلوقتى بقى احسن من الاول بفرق ملحوظ و اديكوا شوفتوا البريليانس FRV تحفة فنية تجاد تقارب اليابانى و اعلى من الكورى اللى فى فئتها
الاسبيرانزا موديلتها اتعدلت من موديلات 2008 خالية من المشاكل و انا بنفسى جربت عربية خالى موديل 2009 زاى الفل
على فكرة انا مش بدافع عن الصينى ولا بهاجم السيارات الاخرى
الفكرة انى عايز اوضح الصورة الخاطئة اللى شايفاها الناس لانى بروح المصنع كتير عند والدى و هناك بشوف مستوردين و بحتك بيهم و منهم واحد معاه اسبيرانزا و هو مستورد من الصين و سالته قالى العربيات بالذات ماينفعش اطلب فيها خامات اقل و الدليل انى شارى عربية صينى و انا بستورد من الصين و عارف الدنيا ماشية ازاى
لكن ياريت اللى عايز يشترى يدور على ماركة كويسة و بتحسن من نفسها
Chery Speranza - BYD - Haima - Brilliance و تلك الشركات متوقع لها النجاح من الصينين نفسهم و من اكتر السيارت الصينية مبيعا فى الصين BYD F3
و لو حد كان معرض اتوماك كان راح شاف موديلات اسبيرانزا الجديدة M11 و M12 بجد حسيت ان الشركة عايزة تعمل لنفسها اسم
فى الاول و الاخر مافيش عربية كاملة و زاى ما فى صينى حلو و صينى وحش فى يايانى حلو و يابانى وحش

المشاركة الأصلية كتبت بواسطة hacker5

مش كل السيارات الصينى ساقطة فى اختبار التصادم
عندك ماركة جيلى الموديل اللى اسمه ck 2 ساقطة فى اختبار التصادم
و عندك شيرى a3 و عندنا اسمها speranza m11 واخدة 5 نجوم فى اختبار الحوادث الروسى و تقدر تشوف الفيديوهات

http://www.youtube.com/watch?v=nwfiaimzvrq

http://www.youtube.com/watch?v=tcwjdcyg5vw

http://www.youtube.com/watch?v=a5bouzg-jys

يعنى مش كل الصينى وحش و هما كل فترة بيغيرو من نفسهم
حتى لو فاكرين اختبار التصدام بتاع البريليانس لما خدت صفر فى اختبار التصادم و بعد 3 شهور نزلو نفس العربية مع تعديل هيكل السيارة و تدارك الاخطاء خدت 3 نجوم
المشكلة اننا بنتكلم عن وسائل الامان و اكتر عربيات ماشية فى الشارع رايحة فى داهية من ناحية الامان زاى الفيرنا و اللانوس و الافيو ... الخ
متهيقلى ان لو حد عايز يشترى عربية صينى يروح لماركة كويسة شوية
و بلاش ماركة جيلى دى خالص :)

لو حضرتك ركزت شوية حتلاقى ان المرايات مكانها.

المفروض من شدة الخبطة المراية تتنطر لقدام.

ودا دليل على ان العربية الى فى الاختبار مش بتجرى بسرعة.

الاختبار دة روسى مش صينى على فكرة