سلام عليكم يا اساتذنا
مشكلتي اني من اسبوعين وانا سايق العربية ومشغل التكييف بعد حوالي ربع ساعة لقيت موشر الحرارة طلع لفوق وعدا النص ولما فتحت الكبوت كانت المياة فايرة ونقصت بشكل كبير مع العلم ان المروحة بتاعت الردياتير كانت شغالة
المهم روحت لمحمد السيد وقالي ان الكاتوت بتاع التكييف ضعيف وركب هو واحد من عنده استيراد 3 ايام ورجعت المشكلة تاني
روحت انا واشتريت كاتوت جديد وركبته برده ما زالت المشكلة
يا تري ايه الحل
هل المشكلة في الكهرباء عن طريق الكاتوت ولا حاجة تانية
غطا القربة حالتة كويسة؟
MMamdouh
مرحبا بيكي يا بشمهندس سعيد جدا بردك
ايوه غطاء القربة سليم وبيقفل كويس
طيب صورلنا الوضع ده شويه ......وهل لاحظت تغيير فى لون العادم ( مبيض مثلا ) وفيه ميه خارجه مع العادماقتباس:
ولما فتحت الكبوت كانت المياة فايرة ونقصت بشكل كبير
ممكن يكون الترموستات علق على وضع القفل مثلا؟
MMamdouh
استاذ ممدوح والأستاذ سمير جزاكم الله خيرا علي الإهتمام بالرد
انا بس حبيت اوضح ان الحالة دي بتحصل في حالة تشغيل التكييف بس
لكن انا اذا ما شغلتش التكييف درجة الحرارة بتكون في الوضع الطبيعي والمية مش بتنقص بشكل كبير يعني بزود حوالي نص لتر كل اسبوع لكن اول ما بشغل التكييف والعربية ماشية بعدها بربع ساعة الاحظ موشر الحرارة بيعدي النص ولو سيبت يزيد ويطلع فوق ولما بفتح الكبوت القربة بتطلع بخار مية مغلي ولازم الرعبية تهدي عقبال ما افتح غطاء القربة واذود القربة المية اللي نقصتها واشغل العربية تاني وطالما التكييف ما اشتغلش ما فيش مشكلة لما اشغل التكييف زي ما قولت لحضراتكم ترجع المشكلة تااني
راجع على رباط رأس السلندر بالترتيب الصحيح (الميكانيكيه عارفين موضوع الرباط ده ) وجرب الوضع بعد الرباط
دورة التبريد عايزة تتراجع... نقص المية المتكرر معناه ان فيه تسريب مية
MMamdouh
سؤال:
هل لما الميه تكون بتغلي المفروض غطاء القربة ميسربش ماء ولا بخار ماء عشان يحافظ علي المياه؟
اصل هو بيقول انه القربة بتطلع بخار.......!
لو كده فعلا هل ممكن يكون التسريب من غطاء القربة ؟
انا بس بفكر معاكو عشان انا كمان عايز اعرف السبب
طالما المية بتغلى يبقى وصلت لدرجة حرارة الغليان... يعنى على الافل تعدت 100 درجة مئوية
طالما المية بتخرج من القربة يبقى الغطاء بتاع القربة منفس... و بما انه منفس يبقى مبيقدرش يحافظ على الضغط داخل دورة التبريد (الضغط بيرفع درجة غليان المية فوق 100 درجة) و بالتالى تبقى المشكلة فى الغطاء
MMamdouh
فى الوضع الطبيعى بيحصل خروج ميه من الشكمان (على افتراض ان الموتور سليم والحرق كويس)
طيب الميه دى مصدرها ايه هل القربة
ولو كام مصدره القربة فهل ده يؤدى الى نقصان الميه فى الاربة وهل فى الحالة دى ده وضع طبيعى
حاجة كمان هو الطبيعى ان ميية الاربة تتزود كل فترة شهر اة شهرين مثلا
سؤال اخير احنا بنغير الميه كل 40000 او سنتين صح؟
شكرا
:b4_444:
المية دى مصدرها اتحاد الهيدروجين الموجود فى البنزين مع الاكسجين الموجود بالهواء اللى بينتج عنة المياه H2Oاقتباس:
المشاركة الأصلية كتبت بواسطة Badrowi
باقى مركبات البنزين بتخرج فى شكل اول و ثانى اكسيد الكربون و اكاسيد نيتروجين
وضحنا ان مية القربة ملهاش دعوة بمية الشكماناقتباس:
ولو كام مصدره القربة فهل ده يؤدى الى نقصان الميه فى الاربة وهل فى الحالة دى ده وضع طبيعى
الحالة الوحيدة اللى يرتبط فيها الاتنين ببعض هى ان عربيتك تجيب جوان وش سلندر لا قدر الله
الطبيعى ان القربة متحتاجش اى زيادة... لكن بفرض ان فيه نسبة بخر حنفترض ان كل شهر او شهرين ممكن تحتاج "شوية ميه" مش نص لتر مثلااقتباس:
حاجة كمان هو الطبيعى ان ميية الاربة تتزود كل فترة شهر اة شهرين مثلا
من علامات وجود تسرب فى اى دورة فيها سائل هو الحاجة لزيادة مستوى السائل بشكل دورى او الحاجة لزيادة مستوى السائل بشكل كبير.... الحالة الاولى تنطبق عليك
yesاقتباس:
سؤال اخير احنا بنغير الميه كل 40000 او سنتين صح؟
MMamdouh
ربنا يكرمك يا استاذ ممدوح معلش انا تعبتك معايا بس كان ليه طلبين
انا راجعت المكانيكي القريب مني في السكن في التليفون قالي انه احتمال يكون فلتر التكييف فيه مشكلة وقالي اروح لحد بتاع تكييف يكشف علي الفلتر يغيره او ينظفه هل الكلام ده صح ولا غلط
تاني حاجة انا مقتنع بوجهة نظرك اني لازم اراجع علي دورة التبريد لان فعلا المية بتنقص والسؤال مين اللي تبعه دروة التبريد المكانيكي ولا التكييف
تالت حاجة ومعلش هتعبك معايا محمد ابو هاشم هل بنفس جودة وامانة محمد عبده لان انا مقتنع بمحمد عبده بس مشواره بيخلني اشوف الويل عقبال ما اطلع من شارع العشريني
1- ايه علاقة فلتر التكييف بدورة التبريد؟اقتباس:
المشاركة الأصلية كتبت بواسطة m_waheed
2- اللانوس مفيهاش فلتر تكييف
ميكانيكىاقتباس:
تاني حاجة انا مقتنع بوجهة نظرك اني لازم اراجع علي دورة التبريد لان فعلا المية بتنقص والسؤال مين اللي تبعه دروة التبريد المكانيكي ولا التكييف
امانة محمد هاشم لا غبار عليها... فى الكفائة و التجهيزات يجى رقم 2 بعد عبدةاقتباس:
تالت حاجة ومعلش هتعبك معايا محمد ابو هاشم هل بنفس جودة وامانة محمد عبده لان انا مقتنع بمحمد عبده بس مشواره بيخلني اشوف الويل عقبال ما اطلع من شارع العشريني
MMamdouh
هات غطا قربه من واحد صاحبك وجربه لانى كان عندى نفس المشكله وطلع العيب من الغطا .بس ان كانت المشكله مع التكيف ومن غيره
شكرررررررررررررررررا
يعنى نقدر نقول ازازة سائل تبريد حجم لتر معدل كويس على مدار سنة او اتنين للتزويداقتباس:
لكن بفرض ان فيه نسبة بخر حنفترض ان كل شهر او شهرين ممكن تحتاج "شوية ميه" مش نص لتر مثلا
للأمانه .....أنا غير مقتنع نهائيا بأن غطاء القربه ليه دور بالموضوع ده ..........................اقتباس:
هات غطا قربه من واحد صاحبك وجربه لانى كان عندى نفس المشكله وطلع العيب من الغطا .بس ان كانت المشكله مع التكيف ومن غيره
- غطاء القربه لو تالف ومسدود مثلا بلف التنفيس بتاعه .....الميه حتغللى .....بس مش حتنقص ........- لو بيسرب وبلف التنفيس مفتوح على طول .....الميه حتنقص .....بس مش حتغللى وتفور زى شكوى أخونا السائل .....علشان كده أنا عندى شك أكتر من 90% أن العيب من جوانم رأس السلندر ( عاوز يتعاد عليه رباط الأول ) ولو الرباط مجبش نتيجه .....يبقى حيحتاج يغير الجوان برضه ويربط تانى صح ( وطبعا أنا بأتمنى أكون غير موفق فى توقعى ...........ولكننى أميل ألى هذا التوقع جدا )...............اقتباس:
مشكلتي اني من اسبوعين وانا سايق العربية ومشغل التكييف بعد حوالي ربع ساعة لقيت موشر الحرارة طلع لفوق وعدا النص ولما فتحت الكبوت كانت المياة فايرة ونقصت بشكل كبير مع العلم ان المروحة بتاعت الردياتير كانت شغالة
على فكره كنت بأكتب فى التوقع ده برضه مع الرد السابق .....بس الوقت خلص ولم أتمكن من أضافته .......وبالتالى وجود عيب واحد أكثر منطقيه من عيبين فى نفس الوقتاقتباس:
ولكن قد يكون عنده مشكلتان فى نفس الوقت ( تلف الغطاء ......حتى تفور المياه ) ......مع وجود تسريب من أحد الأماكن برضه بحيث مع زيادة الضغط والحراره بسبب تلف الغطاء يحدث تسريب للميه خارج الدوره (قفيز عاوز يتربط كويس أو يتغير .......أو خرطوم ميه زى بتاع خرج الطلمبه للردياتير بيفتح ويهرب ميه من خلاله مع زيادة الضغط والحراره ....لأنه مشروخ على خفيف مثلا .......ولايتحمل الضغط والحراره ...وبالذات مع أضافة حمل التكييف ) ..............يعنى ياجوان رأس السلندر كعيب لوحده ....أو عيب الغطاء مع وجود مصدر تسريب تانى (بيهرب ميه مع زيادة الضغط )..................
غطا القربة لو تالف و البلف اللى فيه غير محكوم ضغط دورة التبريد حيبقى زى الضغط الجوى و المية مش حتبقى تحت ضغط و حتغلى عند 100 درجة و الغليان بيسبب فوران و المية حتخرج من البلف التالف... مهو طالما البلف بيسرب هوا حيسرب ميةاقتباس:
المشاركة الأصلية كتبت بواسطة samirayad
وش السلندر و الجوان بتاعة ملوش اى علاقة بالموضوع دة لان المية مش بتطلع فى صورة بخار من الشكمان انما بتخرج من غطاء القربة
MMamdouh
كلام جميل ..............وتفسر بأيه زيادة التسريب ومعدله عنده مع شغل التكييف بالذات ..............اقتباس:
غطا القربة لو تالف و البلف اللى فيه غير محكوم ضغط دورة التبريد حيبقى زى الضغط الجوى و المية مش حتبقى تحت ضغط و حتغلى عند 100 درجة و الغليان بيسبب فوران و المية حتخرج من البلف التالف... مهو طالما البلف بيسرب هوا حيسرب مية
أرجو من الله ذلك ......ولكنى عندى شك .....فى تواجد تفويت نسب ميه خفيفه من خلال جوان رأس السلندر للغرف فى أثناء شوط السحب للبساتم ( وده ممكن يقلل الميه وتزيد أكتر مع شغل التكييف لأن ضغط الحريق حيزيد مع التكييف ) ......ومع أشواط الأنضغاط والتمدد وكمان العادم بتاعة البساتم ....ممكن يكون هناك تفويت خفيف للغازات للميه وبكده الميه حتغللى ................( وارد هذا ولا لا ) .......وبالذات أن صاحب الموضوع لم ينوه أساسا للون العادم ......وانا أساسا سألته السؤال ده فى أو reply خاص بيا .....ولم يجيب ...اقتباس:
وش السلندر و الجوان بتاعة ملوش اى علاقة بالموضوع دة لان المية مش بتطلع فى صورة بخار من الشكمان انما بتخرج من غطاء القربة
ودى أنت عرفتها منين ياباشا ..............أصل صاحب الموضوع محددش الحته دى نهائيااقتباس:
لان المية مش بتطلع فى صورة بخار من الشكمان انما بتخرج من غطاء القربة
أنا راجعت الموضوع تانى برضه ...........ولو كان يقصد أنه بيشوف بخار خارج من الغطاء أو من حوله من أسفل ( زى بخار الميه لما بنغللى الشاى ) .....يبقى ماشى الحال ......والعيب فى الغطاء فعلا..........أنما لو الميه بتغللى قدامه فى القربه فى شكل بخار...بس مفيش بخار طالع من حول الغطاء لأنها شفافه ( وشايف الفوران ) يبقى الجوان ......والله أعلم بمقصوده لأن الوضع مش باين أوى معايا فى الحته دى بصراحه ......وبالذات لما مجوبنيش على شكل العادم .................هى كلمة بتطلع دى اللى خلاتنى تراجعت شويه نحو غطاء القربه ( ههههههههههههههههه ........الواحد مش عارف حيفسر فى فحوى الكلام ..................ولا فى المشكله )اقتباس:
ولما بفتح الكبوت القربة بتطلع بخار مية مغلي ولازم الرعبية تهدي عقبال ما افتح غطاء القربة
اقتباس:
المشاركة الأصلية كتبت بواسطة samirayad
التكييف لما بيشتغل بيضيف حمل جديد للموتور و بالتالى درجة حرارة الموتور بترتفع اكتر من الطبيعى زى ما انت وضحت و بالتالى حرارة المية بتقرب اكتر و اكتر من حرارة الغليان و نتيجة ان الغطا منفس و مفيش ضغط جوة الدورة فا المية بتغلى عند 100 درجة فى حين ان المفروض انها تغلى عند حرارة اعلى من كدة لو الغطا طبيعى و نتيجة الغليان بيحصل فوران و المية بتخرج من الغطا المنفس... نفس الحوار كان حيحصل لو كان بيطلع مطلع قاسى و طويل شوية زى المقطم مثلا او اى ظرف حيزود الحمل على المكنةاقتباس:
( وده ممكن يقلل الميه وتزيد أكتر مع شغل التكييف لأن ضغط الحريق حيزيد مع التكييف )
لو كان دة بيحصل كان يصاحب الاعراض ضغف فى الاداء و العربية تبرجل فى السلانسية او حتى تبطل خالص اضافة الى كم كبير من بخار المية فى العادم و صعوبة فى ادارة العربيةاقتباس:
أرجو من الله ذلك ......ولكنى عندى شك .....فى تواجد تفويت نسب ميه خفيفه من خلال جوان رأس السلندر للغرف فى أثناء شوط السحب للبساتم ......ومع أشواط الأنضغاط والتمدد وكمان العادم بتاعة البساتم ....ممكن يكون هناك تفويت خفيف للغازات للميه وبكده الميه حتغللى ................( وارد هذا ولا لا ) .......وبالذات أن صاحب الموضوع لم ينوه أساسا للون العادم ......وانا أساسا سألته السؤال ده فى أو reply خاص بيا .....ولم يجيب
الراجل قال القربة بتفور و يخرج منها بخاراقتباس:
... ودى أنت عرفتها منين ياباشا ..............أصل صاحب الموضوع محددش الحته دى نهائيا
MMamdouh
سلام عليكم يا اخوانا
اولا شكر خاص جدا لكل الاخوة علي مساعدتهم وطبعا الباشا مهندس محمد ممدوح اللي جاب الحل من اول مرة وبرده مشاركة الاستاذ / سمير عياد
المشكلة فعلا طلعت من غطاء القربة انه كان بينفس ومش محكوم وبالفعل كانت المية بتنقص والموضوع ده قالي عليه محمد ابو هاشم وكان بيتكلم بثقة وانا اسف يا اخوانا انا اتأخرت في الرد علي اساس اني اتأكد بنفسي وبالفعل الوقتي بقلي حوالي 5 أيام وبشغل التكييف والحمد لله ما ظهرت المشكلة والمية مش نقصت وربنا يديمها نعمة
مبروك ياباشا .........
الله يبارك ليك يا ريس ومعلش تعبتكم معايا
ياباشا مفيش تعب ولا حاجه ......والحمد لله على كل حال ......وكل اللى أحنا عاوزينه راحتك أنت أو أى زميل معاه مشكله معينه .....
سلام عليكم يا اخوانا
حبيت بس اقولكم علي اخر اخبار العطل اللي قولتلكم طلع من الاخر انه من جوان السلندر
لان بعد كده الردياتير سرب مية والمية فعلا بتقلب وتنفخ من غطاء القربه
والوقتي عند المكانيكي وربنا يسترها