عرض للطباعة
السلام عليكم ، كل سنة وحضراتكم طيبين
إيه أكتر مسلسل عجبك في رمضان؟!
أنا عن نفسي شدني مسلسل يتربي في عزو بالرغم من سطحية دور يحيي الفخراني إلا ان رتم المسلسل سريع لحد ما ومش ممل.
عجبتنى بردو حلقات راجل و 6 ستات كوميديا خفيفة ولذيذة.
بالنسبة لبقية المسلسلات مكنش فيه وقت انى اتابعها دول اكتر من 40 مسلسل تقريبا :o :o
انا برضه يتربي في عزو رغم السطحيه بس بيناقش فعلا قضية شخصيات موجوده بالفعل و هو فعلا مش ممل خالص و مضحك
بس حضرتك غلط طحت راجل و 6 ستات و تامر و شوقيه مع المسلسلات الباقيه لأن ديه مش مسلسلات
و الله انا مش متابع لكل المسلسلات انما اكتر عاجباني و جميلة و بضحك من قلبي لاننا في وقت عز فيه الضحك هي راجل و ست ستات برغم بساطتها انما بتضحكني و يا بخت من ضحكني ... و مش عايز اكمل المثل هو كده كفاية
يتربي في عزو جميلة لان فيه نماذج كده كتيير و يحيي الفخراني قايم بالدور حلو قوي
قضية رأي عام فيها الكثير من المبالغات رغم قلة متابعتي لها الا انه من غير المعقول ان يتم القبض علي ابن وزير بالشكل الذي تم تصويره خصوصا و ان المسلسل بيتكلم عن قضية في مصر مش في اي دولة افريقية اخري
محمد فهمي
كل دى مسلسلات؟؟؟
الوحيد اللى أعرفه حمادة عزو علشان بييجى وانا لسه بأفطر وعجبنى...
كان فيه مسلسل جرافيكس فيه اتنين بس قاعدين على كوكب لوحدهم صوت واحد منهم زى صوت أشرف عبد الباقى ، كان حلو قوى برضه.
مسلسل Aliens بشوفه مع السحور بطولة ناس ماعرفهومش وفيه صراع بين السى آى إيه ومنظمة اسمها الكوفينانت واتفرج على اللياقة البدنية والتشويق..إذا مجاش هييجى مكانه أو قبله مسلسل Angel بطولة واحد ماعرفهوش ومصاص دماء بس محترم بينقذ العالم من اللى بيتحكموا فى مصير الناس (زى كل الحكايات فى أمريكا لازم ينقذوا العالم وزى مستر بوش كده).. قرع جدا بس مسلى.
اللي بتابعهم بالصدفه هما الفريسه و الصياد لممدوح عبد العليم و يتربي في عزو و الاتنين كويسين و لكن معنديش فرصه اتابع الدالي ولا اي حاجه تانيه علشان الصلاه
يتربى فى عزو
الدالى
وليا تعليق على مسلسل الدالى وهو إن الكاتب قال انه مش بيتكلم عن شخص معين ورغم ذلك القصة فى مجملها توحى انها تتحدث عن عثمان احمد عثمان, ومن قرأ كتاب " حياتى " لعثمان احمد عثمان اكيد هيفهم انا بتكلم عن ايه.
- احلى مسلسلين هما يتربى فى عزو والدالي
من أطلق الرصاص على هند علام (نادية الجندي)
و
قضية رأي عام (يسرا)
بصراحة دول الى انا متابعهم و عاجبنى
و تامر و شوقية برضة لذيذ جدا
ولا مسلسل بتفرج علية
كنزي بس بتجبرني اني اتفرج معاها وانا بفطر على عزو
لكن لو خلصت فطار قبل ما تخلص بقوم ومش بكمل
ده انا بزهق لو قعدت اتفرج على فيلم
اقعد تابع مسلسل كل يوم حتة
ايه الملل ده
طاش ما طاش 15 :mrgreen:
باب الحارة 2
الإمام الشافعى بجد إللى ماشفش المسلسل ده فاتوا كثير أوى
إيمان البحر درويش صراحة لايق فى الدور جدا و أتقـنه صح و من الأشياء التى ساعدته فى ذلك بشاشة وجهة و سماحته
عمرى ما بافتحة لانا ولا المدام طول الشهر من كذا سنة .. وكل اللى ما شفناهوش بيتعاد طول السنة
:roll: :roll: :roll: :roll: :roll: :roll:اقتباس:
الإمام الشافعى بجد إللى ماشفش المسلسل ده فاتوا كثير أوى
ما حدش يعني اتكلم عن (سلطان الغرام) ..
خالد صالح ممثل قوي .
بصراحة هو الوحيد اللي بتابعه في رمضان بجانب راجل و6 ستات .
بالاضافة الى ( becker ,sienfield, fraiser & friends ) بالنسبة للدراما الكوميدية الامريكية 8)
مع احترامي لكل الأعضاء ولكن لي وجهة نظر أخري
فهذا شهر عبادة وليس شهر مسلسلات عافانا الله واياكم
يا اخواني تذكروا وانتم تشاهدون ان هناك غيركم من المسلمين يتعبدون بالصلاة والتهجد والدعاء وقراءة القرآن وانت جالس امام مثل هذه المسلسلات التي ستسأل عنها يوم القيامة أكيد فماذا سوف تجيب يومها اذا سألت عنها ...............؟؟؟
وهلى ترى عندما تحاسب عليها وعلى وقتها ايكون حسابها حسنات ام سيئات فليس هناك شئ أخر ............... وقفه
واعذروني ولكن هذا لحب الخير لجميع الناس وربنا يعافينا جميعا
جزاك الله كل خير ابوعبدالله
طبعا رمضان شهر عبادة و بس ..هو ده المفروض
انا بالنسبة لي بأصلي التراويح بجزء كل يوم في مسجد القائد ابراهيم بالاسكندرية رغم انني ساكن في فيكتوريا و هي مسافة كده زي من جامعة الازهر لرمسيس و اروح البيت اريح شوية و اقعد مع الاولاد و بعد قليل استعد للتهجد في نفس المسجد و نفس المسافة لكن في الفترة اللي بقعد فيها مع الاولاد هي دي اللي بتفرج فيها علي مسلسل و لا حاجة
جزاك الله كل خير مرة اخري علي التذكرة و خرجنا جميعا من هذا الشهر الكريم فائزون ان شاء الله
محمد فهمي
تم حذف الرد بمعرفتى (د/أحمد) لما فيه من سخرية ووصف العبادة بالنكد ، ولاحظت قبل ذلك سخرية نفس الكاتب من صلاة الاستخارة وسخريته من حديث (من أحب قوما حشر معهم) ولهذا أرجو إعتبار هذا الحذف الإنذار الأول للعضواقتباس:
مع احترامي لكل الأعضاء ولكن لي وجهة نظر أخري
فهذا شهر عبادة وليس شهر مسلسلات عافانا الله واياكم
يا اخواني تذكروا وانتم تشاهدون ان هناك غيركم من المسلمين يتعبدون بالصلاة والتهجد والدعاء وقراءة القرآن وانت جالس امام مثل هذه المسلسلات التي ستسأل عنها يوم القيامة أكيد فماذا سوف تجيب يومها اذا سألت عنها ...............؟؟؟
وهلى ترى عندما تحاسب عليها وعلى وقتها ايكون حسابها حسنات ام سيئات فليس هناك شئ أخر ............... وقفه
قضية راي عام !!!!
تحفة
من امتى بقت العبادة والتضرع لله غم ونكداقتباس:
المشاركة الأصلية كتبت بواسطة الصاوي
اكيد انت الخسران لما تبوظ صيام طول النهار بالفرجة على النساء وعوراتهم طول الليل وتفرفش
لو بتعمل حاجة غلط اعملها في السر واللي سترة الرب ما يفضحوش العبد
[quote="karim_monir"][quote="الصاوي"]+100000000000000000000000اقتباس:
من امتى بقت العبادة والتضرع لله غم ونكد
اكيد انت الخسران لما تبوظ صيام طول النهار بالفرجة على النساء وعوراتهم طول الليل وتفرفش
لو بتعمل حاجة غلط اعملها في السر واللي سترة الرب ما يفضحوش العبد
جزاك الله خيرا
كلام مضبوط
و لا تنسوا اخوتى
الدال على الخير كفاعله
ده ان دل فبيدل على مدى الجهل بالدين لمثل من يقول هذا الكلاماقتباس:
طب ليه تنكد على الناس بس؟؟ انت كده عايز تقلبها غم في غم و ماله لما نشوف مسلسل ظريف يا أخي؟؟ مينفعش يعني حبة فرفشة؟؟ ولا النكد اتكتب علينا في كل وقت يعني؟؟
ويحشر المرء مع من يحب
ويبعث المرء على ما مات عليه
أتفق معك تماماً فيما قلتاقتباس:
المشاركة الأصلية كتبت بواسطة أبو عبدالله
والأخ صاحب الموضوع لسه شاب صغير وأعتقد إنه لسه مش مُدرك سطحية الموضوع اللي فتحه، وأنا كنت عايز أسأله هو والأخ اللي مش عاجبه كلام أبو عبد الله (لأن أبو عبدالله قلبها غم) ..كنت عايز أقول لكم ياأخوانا انتوا ضامنين تعيشوا لرمضان القادم ؟؟ لو ضامنين ماشي اتفرجوا براحكنم خالص ماهو العمر لسه طويل ورمضان تاني جاي ويمكن المسلسلات بتاعته تبقى مش قد كده نقوم مانتفرجش عليها ونصلي ونتعبد !!!!
هذا هزل ولعب !! إننا نضرع طوال العام بالدعاء إلى الله إن يبلغنا رمضان فإذا مامن علينا وأطال في أعمارنا وبلغنا إيه ..نهجره !! هل ندعو الله أن يبلغنا رمضان حتى نلتمس عفوه ومغفرته وعتقنا من النار أم حتى ننعم ونستمتع بمشاهدة هذا الكم الضخم من الأعمال السطحية التافهة والتي كان الأولى بالقائمين على إنتاجها أن يوجهوا هذه الميزانية الضخمة إلى ماينفع الناس ويسد فاقتهم !!
حسبنا الله ونعم الوكيل
السلام عليكم يا ابو عبد اللهاقتباس:
ده ان دل فبيدل على مدى الجهل بالدين لمثل من يقول هذا الكلام
الموضوع إتفتح والناس تجاوبت معاه بعفوية وإنت جيت بتذكرة جميلة للجميع فمنا من رد على إستحياء ومنا من تذكر الاجتهاد الاكثر في رمضان لكي يكون الوقت كلة عبادة وليس حتي شوية مشاهدة للتليفزيون لانها فرصة عظيمة لازم نغتنمها في الشهر ومن جانب اخر المسلسلات دي بتتعاد ميت مرة بعد الشهر الكريم.
على الجانب الاخر يا اخي لا تنفعل ولا تضيع النصيحة والموعظة الحسنة التي ارسلتها لكل الاخوة بانك تنفعل وتضيع الثواب وتسفه احد او تنعته بالجهل..... إن الحلم من شيم الكرام.
[quote="goodwave"]+1اقتباس:
إن الحلم من شيم الكرام.
شكرا لك اخي على هذه النصيحه الغاليهاقتباس:
إن الحلم من شيم الكرام.
ولكني أؤكدلك أنه من الممكن ان يكون هناك جوانب غير واضحه للبعض وواضحه للبعض الأخر
ورد الاستاذ الصاوي بيذكرني برد واحد قبل ذلك علق على صور لناس بتصلي في طائرة وقال المفروض لو بيعيقوا الناس او الامن يتم ركلهم خارج الطيارة بالرجل
فانا بصراحه اجد ان هذا نفس الكلام
ويا أخي ليس الحلم في كل شئ فأعتقد ان حضرتك لو احد اهانك في شرفك ما قولت مثل ذلك ولكن كل واحد حسب احساسه بما قال الأستاذ الصاوي
فانا اجد مثل هذا الكلام اهانه صريحه بل وتعدي على الله عزو وجل بأن يطلق على عبادته غم وانا لا اعرف ما نوعية الشخص التي تقول مثل هذا الكلام ........... وان لم تستحيي فافعل ما شئت
طب أسأل حضرتك سؤال........ هل ممكن يكون أكتر من كفار مكة الذين حاربوا الرسول علية الصلاة والسلام؟ ده مهما كان مسلم برده! ولنا في رسول الله أسوة حسنة إذ قال له ربه" وقال تعالى ولو كنت فظا غليظ القلب لانفضوا من حولك"اقتباس:
فانا اجد مثل هذا الكلام اهانه صريحه بل وتعدي على الله عزو وجل بأن يطلق على عبادته غم وانا لا اعرف ما نوعية الشخص التي تقول مثل هذا الكلام ........... وان لم تستحيي فافعل ما شئت
هدانا الله وإياك إلى ما يحب ويرضى .... قل معي........ سبحانك اللهم وبحمدك اشهد أن لا إله إلا أنت أستغفرك وأتوب إليك"
سبحانك اللهم وبحمدك اشهد أن لا إله إلا أنت أستغفرك وأتوب إليك
بس انت اللي مش جاوبتني
فأعتقد ان حضرتك لو احد اهانك في شرفك ما قولت مثل ؟؟؟؟
لا والله لن أتحمل الإهانة وسوف أكيل له من التوبيخ ما يستحق وأكثر.......... ولكن....... عندما نأتي إلى الدين"مع إخواننا المسلمين" فيجب علينا الرفق لكي ندعوا إلى سبيل الله بالحكمة والموعظة "الحسنة" ..... إنت بدأت مداخلتك بالدعوة إلى الله ولهذا أحببت أن تنهيها بالدعوة إلى الله ..... أما إن كنت فهمت الموضوع على انة من دافع الحمية والغيرة على الدين فلا سبيل عندي إلى إقناعك! كما لا سبيل عندي لكي أعتب عليك!اقتباس:
بس انت اللي مش جاوبتني
فأعتقد ان حضرتك لو احد اهانك في شرفك ما قولت مثل ؟؟؟؟
الحكاية مش محتاجة الجدال دا كله
اللي عايز يتفرج على المسلسلات ويضيع الصيام والقيام يتفضل، ولا غم ولا نكد ولا حاجة، بس يحاول يفتكر غم ونكد الآخرة !!!
" ولا تزر وازرة وزر أخرى "
الحكاية مش جدال يا أستاذ وائل دي نصيحة لوجة الله.اقتباس:
الحكاية مش محتاجة الجدال دا كله
اعتقد يا ابا عبدالله ان الواحد لما يتفرج على مسلسل محترم مثلا زى الدالى او زى ابن الوليد مفيش فيه منناظر قبيحة او كدة هيبقى اجرم , العبادة شىء مطلوب ولكن دعنى اذكرك ان التهجد والتراويح ما هى الا سنن ليست مفروضة ولكنها من باب التطوع, فأن اكتفيت بالفرض فبها ونعمت وان اقمت السنة فلك جزائها ولكن مش معنى كدة انى اسيب شغلى وبيتى طول الليل والنهار واقعد فى الجامع, مفيش مانع من بعض التسلية المفيدة.
- انا هقول رأيي بصراحة تامة وعن اقتناع شخصي
يعنى لو انا اديت الفروض الكاملة طوال اليوم وجييت
بعد ما صليت العشاء او العشاء والتراويح روحت مثلا العب كورة
مع اصحابى مثلا مش حرام ابدا او اتفرجت على مسلسل مثلا
مش لازم اصلى صلاة التهجد فهيا سنة ولا يمنع من صلاتها وليست فرض فلو
ما صليتهاش مش حراااام عليا ولاكن بالنسبة لرد الصاوى انا معترض عليه تماما
فى وصف العبادة نكد واكتئاب وشيء من هذا القبيل راجع نفسك مرة اخرى
أنا ملاحظ ان أخونا الصاوى لم يرد أو يعلق كالعادة على البلبلة التى أثارها، فياريت نسمع منه رأيه فى كل اللى اتقال.
اقتباس:
المشاركة الأصلية كتبت بواسطة الصاوي
عروستى؟!!!!!!
مفيش احلي من الملك فاروق ثم خالد بن الوليد و المصراويه و محمد صبحي والبقيه تأتي بعد ذلك الاسؤا عفريت القرش للفيشاوي و قضيه راي عام وحنان و حنين و الباقي