ايه أحسن مكان نقيس فيه الhp والtorque؟
عرض للطباعة
ايه أحسن مكان نقيس فيه الhp والtorque؟
القدرة الحصانية و عزم الموتور بيتحسب من معادلات بناء على معلومية قطر البستم و مشوار الشوط و الضغط على البستم
لكن جهاز يتوصل بالموتور يقولك هوة كام حصان....... مافيـــــــــــــــــــــ ــــش
الجهاز بس يقولك كبس الموتور كذا %
و للعلم انة لو الموتور جديد اصلا بيبقى 89%
يعني لو لقيت عربيتك 70 % دة كويس جداً
لأنة 70 من 89 مش 70 من 100
الداينو افضل واحد لانو بيتعتمد علي حركه العربيه عليه يعني بيديك العزم و القوه صافيه
غريبة قوي انها جديدة 89%طيب ازاي :?:
الموتور لو حتى جديد لنج بيبقى فية نسبة من الفاقد في كبس الموتور و عمرة مايكون 100%
و النسبة في الفاقد دي بتختلف حسب جودة الصناعه برضة
يعني في ال BMW لا شك اكتر من الفيات
ممكن سؤال ؟
يعني ايه كبس المتور ؟؟
كبس الموتور يعني مفائة الموتور من حيث نسبة الانضغاط فية لخليط الهواء و الوقود
و كل ما الموتور يخف (يفوت) يهرب الكبس من داخل الموتور من خلال الشنابر و الصبابات و بالتالي يقل ضغط خليط الهواء و الوقود بداخلة
و لو قلت تلك النسبة عن ال 50% مثلا يصبح الموتور مفوت تماما و هالك و ربما لا يمكن دوارتة اساساً
دة في جهاز بيتوصل بالمبينة وبيطلع نسبة الكبس داخل الموتور لكل سلندر.اقتباس:
ممكن سؤال ؟
يعني ايه كبس المتور ؟؟
في جهاز تاني يدوي بدائي بيقيسو بة عن طريق فك البوجيهات ووضع خرطوم خارج من الجهاز البدائي دة اللي هو اصلاً متوصل بخرطوم هواء مضغوط... المهم بيتم لف الكاوتش يدوي مع دفع الهواء داخل الموتور لكل سلندر...بس النتائج غير دقيقة بالمرة.
انا شفت جهاز عبارة عن صباع بيركب مكان بوجية بعد خلعة و الصباع دة في اخرة عداد باروميتر بيقيس كبس الموتور بالبار بمجرد ادارة مارش الموتور بدون مايدور
سبق و اشتريت موتور استيراد من بورسعيد سنة 1992 تقريبا و الميكانيكي قاس الكبي بالطريقة دي و كان الموتور فعلا جبار و حالتة 100% و عاش معايا سنين كتير و كان بيطير العربية لدرجه انها كانت بتطلع من BMW 320
و دة يعتبر ادق و اكثر فعالية وواقعية لأنة بيقيس الضغط فعليا داخل الموتور
و ليس سرعه استجابة الاشعال عن طريق البوبينة التي هي طريقة تقديرية و تقريبية و تختلف نتائجها باختلاف حالة البوجيهات و البوبينة و تقسيمة الكاتينة
يعنى يا جماعة الحاجات اللى بنشوفها فى التيليفزيون على ام بى سى أكشن و جير وان اللى بتطلع عليها العربية و تدي كرف بتاع القوه الحصانيه و العزم بالنسبة للسرعة و عدد دورات الموتور موجودة عندنا وللا لا؟ ........... و فين ... و بكام ؟