قياس الداينو

**running_man** · 07-10-2007 09:36 AM

ايه أحسن مكان نقيس فيه الhp والtorque؟

**Adham** · 07-10-2007 03:50 PM

القدرة الحصانية و عزم الموتور بيتحسب من معادلات بناء على معلومية قطر البستم و مشوار الشوط و الضغط على البستم

لكن جهاز يتوصل بالموتور يقولك هوة كام حصان....... مافيـــــــــــــــــــــ ــــش

الجهاز بس يقولك كبس الموتور كذا %

و للعلم انة لو الموتور جديد اصلا بيبقى 89%

يعني لو لقيت عربيتك 70 % دة كويس جداً
لأنة 70 من 89 مش 70 من 100

**PRO-DRIVE** · 07-10-2007 08:52 PM

الداينو افضل واحد لانو بيتعتمد علي حركه العربيه عليه يعني بيديك العزم و القوه صافيه

**ahmed azab** · 08-10-2007 12:42 AM

غريبة قوي انها جديدة 89%طيب ازاي :?:

**Adham** · 08-10-2007 12:43 AM

الموتور لو حتى جديد لنج بيبقى فية نسبة من الفاقد في كبس الموتور و عمرة مايكون 100%

و النسبة في الفاقد دي بتختلف حسب جودة الصناعه برضة

يعني في ال BMW لا شك اكتر من الفيات

**PRO-DRIVE** · 08-10-2007 12:45 AM

ممكن سؤال ؟
يعني ايه كبس المتور ؟؟

**Adham** · 08-10-2007 12:49 AM

كبس الموتور يعني مفائة الموتور من حيث نسبة الانضغاط فية لخليط الهواء و الوقود

و كل ما الموتور يخف (يفوت) يهرب الكبس من داخل الموتور من خلال الشنابر و الصبابات و بالتالي يقل ضغط خليط الهواء و الوقود بداخلة

و لو قلت تلك النسبة عن ال 50% مثلا يصبح الموتور مفوت تماما و هالك و ربما لا يمكن دوارتة اساساً

**Nader** · 08-10-2007 12:54 AM

ممكن سؤال ؟
يعني ايه كبس المتور ؟؟

دة في جهاز بيتوصل بالمبينة وبيطلع نسبة الكبس داخل الموتور لكل سلندر.

في جهاز تاني يدوي بدائي بيقيسو بة عن طريق فك البوجيهات ووضع خرطوم خارج من الجهاز البدائي دة اللي هو اصلاً متوصل بخرطوم هواء مضغوط... المهم بيتم لف الكاوتش يدوي مع دفع الهواء داخل الموتور لكل سلندر...بس النتائج غير دقيقة بالمرة.

**running_man** · 08-10-2007 01:55 AM

يعنى يا جماعة الحاجات اللى بنشوفها فى التيليفزيون على ام بى سى أكشن و جير وان اللى بتطلع عليها العربية و تدي كرف بتاع القوه الحصانيه و العزم بالنسبة للسرعة و عدد دورات الموتور موجودة عندنا وللا لا؟ ........... و فين ... و بكام ؟