اقتباس:
يا جماعة
1 - احنا مش بنصوت ولا بنولول
2 - أنا ما بشربش سجاير
3 - خليها الساعة 11 يا أبو علي علشان المصطبة محجوزة من 8 و نص PS
أنا مش بقول ان العامل المصري سيء ولا مصر سيئة... أبدا
بس هل معنى اننا كويسين اننا ممكن نصنع قمر صناعي و نطلقه بمجهود ذاتي ؟؟؟؟ لأ
الموضوع مش جدعنة بس زي ماهو مش صويت ولا ولولة برضه مش أحلام وردية
إحنا ممكن نصنع مكونات السيارات بنسب كبيرة
ممكم نطور كمان بعض الأجزاء لتناسب بلدنا
نستقطب استثمارات سيارات أكبر و نصنع شراكات أكبر و نكون بلد ذو سمعة قوية في المجال و نصدر الأجزاء لكل العالم
.................................... لاحظ........................
كل ده و لسة ما عملناش السيارة المصرية 100%
بس في الوقت ده لازم يحصل الآتي :
1- الاهتمام بعلم صناعات السيارات في كليات الهندسة
2- تكوين شراكات بين الجامعات المصرية و تكتلات صناع السيارات (بعثات و تدريبات )
3- اكتساب سمعة طيبة لمنتج مصر من الأجزاء علشان السمعة دي تستمر مع العربيات لما نعملها
4- دفع استثمارات اكتر في مجال الأجزاء اللي العائد بتاعه أسرع و أسهل من مجال السيارات الكاملة
أخي العزيز Goodwave
أقدر حماسك و حبك لمصر و للفكرة و لكن ياريت بلاش مزايدة في الجزء ده
و بلاش شخصنة الموضوع لأن الموضوع مناقشة ودية
و ردا على سؤال حضرتك :
أنا طبيب أسنان و مهتم بمجال التركيبات و بالذات تركيبات اافكين و الوجه (المجال ده مش موجود في مصر )
و بعلم نفسي بنفسي من 3 سنين و باشتري كتب و CDs ,Material من أمريكا و بدخلها مصر بتمنها مرتين
و باحوش علشان أروح أخد دبلومة في اوروبا
و ناس كتير من زمايلي قالولي انت مخك مفوت بس الحمد لله لما ساعدت أول عيان كان عنده مشكله في الوجه و كان المفروض يروح بره و يدفع دم قلبه , عرفت اني صح
و مازالت نتايجي 70% بس أنا مش عاجبني و لازم أكون يوما ما pioneer حتى لو بعد عشر سنين
مع ان الناس عمرها ما شافت ده في مصر و محدش حاسس ان النتيجه دي في أحسن منها , بس أنا عارف
و على فكرة أنا بتعامل مع ناس بتصنع أدوات غرس الأسنان في مصر كانوا زمان بدائيين جدا بس محترمين
ازاي : كان بيقولوا احنا لسة في الأول و أسعارهم مش غالية و خدماتو مستواها عالي ولو المنتج ضعيف
ماكنتش باشتري منهم بس كنت باساعد بطرق تانية لأني شايف حماس مقترن بمجهود
من أسبوعين اشتريت منهم مسمار تيتانيوم أحسن من الألماني و بتصميم أنا شاركت فيه حاجه بسيطة كده
نتائج ممتازة لأشخاص ممتازين
و لما باشوف الناس المحترمة دي وارجع أشوف النقيض في سوق السيارات بلاقي فرق شاسع
ممكن حضرتك تعتبرها شخصنة ولكني وبلا فخر اعتز بأن اقول إني قدرت أطلع الشخص المتفاءل الطموح إلي جوة حضرتك وإللي ممكن يكون نموذج جيد يحتذى بيه........ طب لية يا عم النظرة التشاؤمية اللي كنت داخل بيها؟؟؟؟ إنت بتخاف من حساد النجاح؟ :twisted: